VOV4.Jarai-Hơdôm hrơi rơgao, tơring čar Dak Lak hơmâo jak iâu pơčruih hơdôm hơpluh klai prăk hăng lu gơnam yua pơkŏn kiăng kơ djru brơi mơnuih ƀôn sang kual hơjan kơthel ƀơi hơdôm boh tơring čar kual Kơdư găn rơgao tơnap tap.

VOV4.Jarai-Tơring čar Kon Tum pơphun jơnum jak iâu bruă mă bơkơtưn “Gum tơngan hrŏm lui hĭ sang tơ̆i, sang hluh” hăng anŏ kiăng truh abih thun 2025 amra ƀu hơmâo sang anŏ ƀun rin, sang anŏ giăm ƀun rin khom dŏ amăng sang tơ̆i rơ̆i.

VOV4.Jarai- Amăng mông mơak čơkă Blan Bơrơmi ria, ƀing čơđai muai Dak Lak hơmâo lu bruă mă rơđah rođong hiam klă, gum tơngan hrŏm, anăp nao kơ ƀing gơyut čơđai muai amăng kual ia ling dăo.

VOV4.Jarai-Tom brơi, lơ 16/9, ƀơi Hà Nội, Khua jơnum min djop djuai ania mơnuih mơnam Việt Nam, ơi Đỗ Văn Chiến hơmâo tŭ mă gơnam djru mơ̆ng djop sang bruă kơnuk kơna, sang bruă sĭ mơdrô, anom bruă mơnuih tơpuôl, djop pô mơnuih ƀôn sang amăng dêh čar hăng mơ̆ng tač rơngiao ba gơnam djru brơi mơnuih ƀôn sang bưp tơlơi truh răm ƀăm yua kơthel mrô 3 ngă.

VOV4.Jarai - Rơwang hrơi tơjuh rơgao, ƀơi tơring čar Thái Nguyên, Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn hmâo nao čuă, brơi gơnam tam kơ mơnuih ƀôn sang ƀơi să Nga My, tơring glông Phú Bình hăng mă bruă hăng Ping gah tơring čar Thái Nguyên kơ bruă git gai, črâo ba bŏng glăi hăng pơsir răm rai yua kơthel tal 3 ngă. Ƀrô djơ̆ tal anai, Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn hmâo ƀơk laih 30 klai prăk mơ̆ng Grŭp djru pơtlaih dêh čar ta kơ tơring čar Thái Nguyên pioh djru pơsir anô̆ răm rai yua kơthel tal 3 ngă hăng hơjan ia ling dăo ba truh ƀơi tơring čar.

VOV4.Jarai-Mơguah tom brơi (12/0) Ping gah tơring čar Dak Lak pơphun jơnum lăng glăi 20 thun ngă tui bruă pơkôl ngă giang mah kơplah wah hơdôm anom bruă, sang bruă, anom bơwih ƀong sĭ mơdrô hăng hơdôm boh plơi pla djuai ania ƀiă amăng tơring čar rơwang thun 2014-2024.

VOV4.Jarai - Mơguah tom brơi (12/9), ƀơi Sang mă bruă Khua pơ ala mơnuih ƀôn sang dêh čar ta, hlâo kơ pok phun Mông jơnum tal 37 mơ̆ng Jơnum min apăn bruă Khua pơ ala mơnuih ƀôn sang dêh čar ta, Anom bruă Khua pơ ala mơnuih ƀôn sang dêh čar pơphun gum pơčruh, djru neh wa pơsir răm rai yua kơ kơthel tal 3 ngă.

VOV4.Jarai - Mơguah tom brơi (12/9), ƀrô djơ̆ tal prăp lui čơkă Tết blan Bơrơmi thun 2024, Kơ-iăng Khua mir sir dêh čar ta yă Võ Thị Ánh Xuân hmâo nao čuă, ƀơk gơnam tam kơ ƀing čơđai duam ruă glăk pơjrao ƀơi Anom kơsem min drah – jur drah dêh čar ta.

VOV4.Jarai-Tlam tom brơi (11/9), ƀơi plơi prong Kon Tum, Khul apăn bruă hlăk ai tơring čar Kon Tum pơphun pơčruih prăk djru brơi mơnuih ƀôn sang hơdôm boh tơring čar kual kơdư rŭ pơdong glăi anŏ răm rai yua kơthel mrô 3 ngă.

VOV4.Jarai - Kơ-iăng Khua phun akha VOV Vũ Hải Quang tơña bla hăng rơngôt hrŏm hăng sang anô̆ tơhan kông ang pơsăn drơi lơm dô̆ mă bruă pơgang kơthel Yagi ƀơi Quảng Ninh.