VOV4.Jarai-Amăng rơwang hrơi tơjuh rơgao, Khul apăn bruă Ping gah Ƀirô Khua pơ ala mơnuih ƀôn sang dêh čar rơwang thun 2020-2025 hơmâo pơphun Jơnum tal dua. Đĭ pơhiăp git gai mông jơnum, Khua git gai Ping gah Ƀirô Khua pơ ala mơnuih ƀôn sang dêh čar, Khua git gai pơ ala mơnuih ƀôn sang dêh čar ơi Trần Thanh Mẫn lăi pơtong tơlơi gơgrong mơng Ƀirô jai hrơi hrưn đĭ, pơsit lu bruă pơprong, djơ̆ pran mơnuih ƀon sang. Khua pơ ala mơnuih ƀôn sang ba glăi pran đăo gơnang, tơlơi čang rơmang mơng mơnuih ƀon sang hăng mơnuih ƀôn sang lêng kơ dŏ tơguăn hơdôm bruă mă mơng Ƀirô Khua pơ ala mơnuih ƀôn sang dêh čar.

VOV4.Jarai - Khua mua, ling tơhan pơgang guai tơring čar Kon Tum glăk pơtrut tui bruă man pơkra phrâo, pơkra ming giăm 200 boh sang dŏ ƀu rup ƀơi 13 boh să guai dêh čar.

VOV4.Jarai-Ƀơi să Ea Drông, plơi prong Buôn Hồ phrâo pok pơphun man pơdong hơdôm boh sang blung a, 1 amăng 4 akŏ bruă ruh pơkra glăi sang dŏ jang jai, sang tơ̆i rơ̆i ƀơi tơring čar Dak Lak.

VOV4.Jarai-Tlam lơ 27/2, amăng tal hơdor glăi 70 thun hrơi nai ia jrao Việt Nam, Jơnum min mơnuih ƀôn sang tơring čar Kon Tum pơphun jao pri nai ia jrao rơgơi ba gru mơng Khua mir sir brơi 12 čô ơi ia jrao.

VOV4.Jarai-Phrâo rơgao, ƀơi anom bruă pơtui jua pơhiăp hăng pơdah rup ling tơhan Hà Nội, hơmâo pơphun amăng mông pơpŭ bơni ƀing ba gru “rơgơi pơtô ba mơnuih ƀôn sang” mơng Ling tơhan ƀơi kual mơnuih djuai ania ƀiă hăng čư̆ siăng. 35 grup hăng 80 čô mơnuih hơmâo pơpŭ bơni yua hơdôm tơlơi gum pơgôp prong amăng bruă pơtô ba mơnuih ƀôn sang, pơgôp hơkrŭ wai pơgang rơnuk rơnua, hơdong hăng pơjing bruă pơhlôm hơđong amăng mơnuih mơnam.

VOV4.Jarai - Tom brơi (25/2), Kông ang tơring čar Gia Lai pơphun ngă lơphet pơphun bruă, brơi sang dô̆ hăng jao prăk pơdŏng sang yua kơ Ding jum Kông ang djru amăng jơlan hơdră gum tơngan hrŏm lŏm lui sang tơ̆i ƀơi tơring čar.

VOV4.Jarai-Khul pơgang mơnuih drơi jăn ƀu klă hăng pơgang ba čơđai tơring čar Dak Lak hơmâo pơphun ƀơk brơi 100 anung prăk djru hrăm hră brơi ƀing čơđai drơi jăn ƀu klă hăng čơđai drit druai sang anŏ tơnap tap amăng plơi prong Buôn Ma Thuột.

VOV4.Jarai-Tơlơi lăi pơthâo mơng Jơnum min mơnuih ƀôn sang tơring čar Dak Lak truh ră anai, hơdôm anom bruă, ƀôn lan amăng tơring čar hơmâo jak iâu pơgôp abih tih ñu rơbêh 193 klai prăk kiăng ngă tui jơlan hơdră ruh pơkra glăi sang dŏ jang jai, sang tơ̆i rơ̆i brơi hơdôm sang anŏ ƀun rin, giăm ƀun rin.

VOV4.Jarai - Rơwang hrơi tơjuh rơgao, găh yŭ tơlơi git gai mơ̆ng Khua git gai pơ ala mơnuih ƀôn sang dêh čar ơi Trần Thanh Mẫn, Jơnum min apăn bruă Khua pơ ala mơnuih ƀôn sang dêh čar jơnum pel ĕp, lăng glăi Tơlơi pơtrun pơsit kơ bruă jao, tơlơi dưi rơđah hăng hơdră pơphun bruă mơ̆ng Khul wai lăng djuai ania, hơdôm Jơnum min mơ̆ng Khua pơ ala mơnuih ƀôn sang. Mông jơnum pơphun tơdơi kơ Jơnum min apăn bruă Khua pơ ala mơnuih ƀôn sang dêh čar ngă giong amăng Tal jơnum ƀu hmâo pơkă hlâo lok 9, Khua pơ ala mơnuih ƀôn sang dêh čar tal 15. Mơ̆ng anun, pơsit rơđah bruă jao, tơlơi dưi, hơdră pơphun bruă hơdôm bôh ƀirô mơ̆ng Khua pơ ala mơnuih ƀôn sang dêh čar.

VOV4.Jarai - Lơ 21/2, tui hăng Tơlơi pơtrun mrô 68 mơ̆ng Jơnum min apăn bruă phun pơ ala mơnuih ƀôn sang tal 15 lơ 14/2/2025, Kơnuk kơna dêh čar Việt Nam lăi pơthâo kơ jơlan guai ia rơsĭ amăng kual Tong wing Kơdư dêh čar.