Đơ đam tơring čar ră anai hơmâo 424 boh ƀattô, song nan aka ƀu djop tơlơi pơkă gêh găl hyu mă akan hơdang tui hăng tơlơi čih anăn pơhaih mă bruă, ĕp lăng pơsit ƀattô laih anun ngă brơi hră gêh găl mă akan hơdang ƀudah juăt hyu mă akan hơdang aka ƀu găl tơlơi phiăn. Mơ̆ng anun, rơbêh 2.100 čô pô ƀattô, song nan, ƀing mơgăt ƀattô bơbeč yua tơlơi tơnap yua pơdjơ̆ nao tơlơi pơkă kơ bruă anai. 

Hră pơtrun jơnum khul pơ ala mơnuih ƀôn sang tơring čar Gia Lai, rim čô pô ƀattô amra dưi djru sa blan 3 klăk prăk hăng 30 kg braih kơ sa čô, amăng 4 blan kơnuk kơna djru. Rơnoh prăk djru rơbêh 8,84 klai prăk mơ̆ng ngăn drăp kơnuk kơna tơring čar. Jơlan hơdră djru anai kiăng mơnuih ƀôn sang mă akan hơdang hơmâo prăk hơđong tơlơi hơdip mơda jăng jai, lơ̆m pơblih bruă ngă gêh găl, laih dơ̆ng pơsir hĭ tơlơi pơhŭi kak kơñĭ  mơ̆ng Jơnum min kual Mi kô̆ EC kơ bruă hyu mă akan hơdang ƀu găl tơlơi phiăn iâu klah čun IUU, anăp nao pơđĭ kyar bruă mă akan hơdang hơđong hăng ngă djơ̆ tơlơi phiăn ƀơi jar kmar.