Anai jing hơdôm boh sang blung a amăng “Bruă mă Quang Trung” hơmâo ngă giong hăng jao brơi ƀơi Dak Lăk. 5 boh sang yua Sư đoàn Bộ binh 10, Quân đoàn 34 pô man pơdong, jao glăi kơ hơdôm akŏ sang ƀơi plơi Trung Hòa hăng Đông Hòa, să Sơn Hòa. Amăng rơbêh 3 wơ̆t hrơi tơjuh man, Sư đoàn Bộ binh 10 ngă hrŏm hăng gong gai, ping gah să, Khul wai lăng kơčăo bruă hăng ƀing gơgrong man pơdong sang; tŭ ư hăng hơdôm boh sang anŏ kơ bruă blơi gơnam či man, pơphun man mơ̆ng lơ 6/12/2025.

Truh ră anai, rim boh sang hơmâo man giong laih, prong 44m2, prăk ngă sang 170 klăk/sa boh sang yua Kơnuk kơna djru, wơ̆t hăng giăm 300 wơ̆t ling tơhan hăng mơnuih ƀôn sang gum man. Tơdơi kơ 5 boh sang anai, him lăng amăng lơ 4/1/2026, Quân khu 5 amra ngă hrŏm hăng tơring čar Dak Lăk, Gia Lai hăng Khánh Hòa jao glăi sang tal 1 kơ 123 boh sang anŏ, hăng 123 boh sang. Amăng anun Dak Lăk hơmâo lu hloh hăng 90 boh sang.