Jơnum hơmâo tơlơi mut hrŏm hăng ƀing amĭ Việt Nam sông kơtang, mơnuih amăng sang anŏ tơhan djai pơsăn drơi jăn hăng giăm 200 čô mơnuih pơ ala brơi rơbêh 7.000 čô ding kơna amăng đơ đam dêh čar. Hră lăi pơthâo boh than dưi ngă rơwang thun 2020-2025 brơi ƀuh, khul hơmâo pok pơhai lu jơlan hơdră djru ba sit nik, pơčeh phrâo, ba glăi boh than prong; djop hơnong pơkă hơmâo ba tơbiă lêng kơ pơgiong hăng lu boh tơhnal rơgao hơnong pơkă anun lĕ bruă ĕp pơƀut, pơtruh nao rai, sem lăng tơlơi pơhing ƀơi kơƀang čih anăn tơhan djai pơsăn drơi, djru ba nao pơƀut tơlang tơleh, man pơdong sang djru khăp pap, ƀơk gơnam hăng bruă djru ba.

Hơdôm bruă mă anai mơng Khul djơ̆ ară, tơlơi đăo gơnang jai hrơi pơsit tong, jing anih đăo gơnang nao mơng ƀing mơnuih sang anŏ tơhan djai pơsăn drơi, khul grup, anom bơwih ƀong sĭ mơdrô hăng jing anih pơtruh nao rai kơplah wah Ping gah, kơnuk kơna hăng sang anŏ tơhan djai pơsăn drơi, pơgôp ngă lar hyu pran khăp pap amăng lŏn ia hăng jar kmar.