Ling tơhan Quân đoàn 34 jao brơi sang blung a ngă giong amăng Bruă mă Quang Trung ƀơi Gia Lai
Thứ năm, 14:27, 18/12/2025
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV.Jarai-Mơguah lơ 17/12, Quân đoàn 34 jơnum jao glăi sang blung a man pơdong giong laih amăng hơdră Bruă mă Quang Trung-man pơdong sang, pơkra ming glăi sang răm djru mơnuih ƀôn sang amăng kual ia ling dăo ƀơi Dơnung tong krah hăng Dap Kơdư.
Tơdơi kơ 15 hrơi tơgŭ mă bruă hăng pran jua djru mă bruă hmar ječ ameč, kiăng tañ giong, sang blung a pơdong ƀơ plơi Chánh Hội, să Phù Mỹ, tơring čar Gia Lai hơmâo ngă giong jao glăi kơ sang anŏ yă Tô Thị Sửa 88 thun, tañ hloh hrơi pơkă.
Lơ̆m mă bruă man pơdong, ƀing khua mua, ling tơhan Quân đoàn 34 pô gơgrong ba phun, djru 130 hrơi bruă, khom ngă djơ̆ tơhnal pơkă 3 khăng, 4 kơjăp. Đơ đam tơring čar Gia Lai hơmâo 674 boh sang răm yua kơthel 13 ngă, truh ră anai, pơphun hlăk man pơdong. Hơdôm sang dŏ glăi ăt hlăk man pơdong djơ̆ hnơ̆ng pơkă, him lăng amra ngă giong hlâo lơ 20/1/2026, djru mơnuih ƀôn sang tañ hơđong tơlơi hơdip mơda, čơkă ngă yang thun phrâo djuai ania dưi dŏ amăng sang phrâo pơđao pran jua hăng sang kơjăp.
Viết bình luận