Khul hơmâo nao čuă, brơi gơnam kơ 2 boh sang hơmâo anăn kơnuk kơna djru, anun lĕ sang anŏ yă Lương Thị Thân, hlăk ai kơsung ngă bruă djơ̆ jrao hret hăng sang anŏ ơi Mã Quang Vinh, sang anŏ tơhan djai pơsăn drơi.

Ơi Nguyễn Thanh Nghị tơña bla tơlơi suaih pral, tơlơi hơdip mơda, pơpŭ biă kơ tơlơi gum pơgôp mơ̆ng hơdôm boh sang anŏ amăng bruă blah ayăt pơklaih rơngai djuai ania; juh alum sang anŏ hơdip hiam na nao,  hơmâo pran jua, pơtrut tui kơnuih ngă hơkrŭ. Laih dong, rơkâo kơ ping gah, gong gai lăng ba, ngă tui djŏp, hmao kru hơdôm tơlơi djru hăng mơnuih ngă hơkrŭ, pơhlom tơlơi hơdip mơda, prăk kăk, pran jua mơak kơ hơdôm boh sang anŏ hơmâo anăn kơnuk kơna djru na nao ƀơi tơring, djru akŏ pơjing plơi pla jai hrơi đĭ kyar./.