Ơi Trần Thanh Mẫn lăi dlăm, ƀơi anăp bruă kiăng ngă jai lu, Khul wai lăng Djuai ania kiăng pơplih hơdră ngă bruă phrâo hơdeč hloh, djơ̆ akŏ tlôn, kiăo tui boh thâo, sit nik; djŏp bruă khŏm hơmâo hrơi pơkă, gơnam pơkra rai rơđah rơđông, laih anun hơmâo pô gơgrong.

Khua git gai pơ ala mơnuih ƀôn sang dêh čar kiăng Khul wai lăng Djuai ania thâo rơđah tơlơi hơmâo, lăi pơthâo glăi tañ hăng Ping gah, Kơnuk kơna kơ hơdôm bruă bơdjơ̆ nao kual mơnuih ƀôn sang djuai ania ƀiă hăng čư̆ siăng. Laih dong, kiăng ngă hrŏm kjăp hăng hơdôm anom apăn bruă krăp lăng tơlơi bơwih ƀong huă - mơnuih mơnam, pơgang lŏn ia, rơnuk rơnua ƀơi guai dêh čar, anih amuñ rung răng; pơtruh nao rai plơi pla, ba tơbiă hơdră ngă kjăp tui khul gum pơgôp djuai ania, bong kjăp kơđi čar - mơnuih mơnam./.