Sit biă ñu, tơring čar Lâm Đồng ba tơbiă hơnong pơkă truh thun 2030 gir run hơmâo mơng 15 truh 16 boh să hăng 117 boh plơi pla kual mơnuih djuai ania ƀiă, kual čư̆ siăng dưi pơklaih mơng să, plơi pla tơnap tap hloh. Kiăng ngă tui hơnong pơkă anai, Lâm Đồng amra pok pơhai ha amăng plĕ hơdôm hơdră pơđĭ kyar bơwih ƀong huă, mơnuih mơnam, amăng anun đing nao tuh pơ alin man pơkra anih anom, jơlan glông pơhlôm brơi bruă bơwih ƀong, tơlơi hơdip hơđong brơi mơnuih ƀôn sang.

Hrŏm hăng anun lĕ hrưn đĭ klă bruă pơtô hrăm, bơwih brơi tơlơi suaih pral, pơđĭ kyar ngăn rơnoh hăng djă pioh gru grua yôm phara. Hrŏm hăng anun, tơring čar amra đing nao hơdôm ngăn rơnoh pơgôp mơng mơnuih mơnam, tŏ tui anŏ hơmâo ƀơi anih, mơng anun ƀơƀrư̆ pơplih tơlơi gal, pơplih tong ten tơlơi hơdip ƀơi kual dŏ lu tơnap tap.