Sit biă ñu, Ding jum ia jrao hơmâo lăi pơthâo hơdôm bruă bơwih brơi amăng jơlan hơdră khăm pơjrao soh sel tui tơđar đơ đam dêh čar, dưi ngă tui dong mơng thun 2026. Mơnuih ƀôn sang dưi nao khăm nội khoa, khăm adung tơngia rơkông đok, pơčrang lăng drah, ia mơañă hăng phĭn X-quang hơtai boh, kơsô̆, kiăng ĕp lăng hơdôm tơlơi bruă juăt ƀuh anun lĕ hơtai boh, mơañă ƀlĕ ia sik, kơsô̆, boh ƀleh. Tơdơi kơ khăm, mơnuih ƀôn sang hơmâo črâo ba kiăo tui lăng ƀudah nao khăm djơ̆ anih pơjrao tơlơi ruă tơdah ƀuh phara.

Bruă khăm him lăng pơphun ƀơi sang ia jrao să, phường kiăng pơhlôm brơi lu mơnuih dưi nao khăm; sang ia jrao prong amra djru brơi tơdah ƀơi ƀon lan kơƀah nai ia jrao ƀudah gơnam măi mok. Rơngiao kơ ƀing aka ƀu hơmâo hră pơhlôm nua ia jrao, sang anŏ tui hơdră djru, mơnuih djru hơkrŭ ăt dong amăng grup mơnuih djru brơi, lơm anun mơnuih mă bruă tŏ tui khăm tui tơđar tui tơlơi pơkă phara. Hơdră bruă anai djru brơi mơnuih ƀôn sang tañ ĕp ƀuh tơlơi ruă juăt ƀuh anun lĕ mơañă ƀlĕ ia sik, hơtai boh, ruă kơsô̆, boh ƀleh, laih dong ngă tui hơnong pơkă anăp nao khăm pơjrao soh sel amăng thun 2030.