Mơguah, ƀing Khua pơ ala mơnuih ƀôn sang pơčrông sai črăn tơlơi pơtrun mơng Ƀirô Khua pơ ala mơnuih ƀôn sang dêh čar kơ sa, dua tơhnal pơkă, hơdră bruă pơtrut pơđĭ kyar gru grua Việt Nam. Anai lĕ bruă pơgiong hơdôm tơhnal pơkă hơdră bruă, ngă jing tơlơi črâo trun mơng Ping gah kơ pơđĭ kyar gru grua tui tơlơi pơtrun mrô 80 mơng Ding jum kơđi čar.

Ăt amăng hrơi anai, Khua pơ ala mơnuih ƀôn sang dêh čar amra pơčrông sai ƀơi sang jơnum kơ hơdôm črăn tơlơi pơtrun mơng Ƀirô Khua pơ ala mơnuih ƀôn sang dêh čar: Kơ bruă akŏ pơjing ƀôn prong Đồng Nai; kơ ngă lông lăng ƀing phăt kơđi kơnuk kơna; tơhnal pơkă, hơdră bruă phara kiăng pơsir hĭ bruă ngă soh kơ lŏn mơnai mơng khul grup, ƀing mơnuih ƀuh hlâo kơ tơlơi phiăn lŏn mơnai thun 2024 dưi mă yua hăng hơdră tŏ tui pơsir hĭ tơnap tap, gun găn brơi hơdôm akŏ bruă dŏ đôm glăi, ngă sui thun.