Ră anai dêh čar ta hơmâo giăm 25 klăk čô čơđai. Abih bang čơđai yŭ 6 thun hăng čơđai hơmâo  djru rim blan hơmâo kơnuk kơna djru blơi hră pơhlom nua ia jrao; jơlan hơdră tlâ̆o jrao pơgang dêh čar ta hơmâo ba yua djŏp laih vắc xin kiăng hloh, mrô tlâ̆o pơgang djŏp kơ čơđai yŭ kơ 1 thun hơmâo 97%; čơđai 5 thun hơmâo nao sang hră muai. Kơnuk kơna brơi hrăm đôč huă rơngiă prăk ôh hăng čơđai anih muai, čơđai sang hră gưl prong, mơnuih hrăm amăng sang hră yua kơnuk kơna akŏ pơdong laih anun djru prăk hrăm hăng ƀing čơđai anih muai, čơđai hrăm gưl klâo, mơnuih hrăm amăng sang hră yua mơnuih ƀôn sang akŏ pơdong.

Čơđai sang anŏ tơnap dưi hơmâo mơn prăk djru brơi lăp djơ̆ hăng tơlơi hơmâo mơ̆ng tơring čar. Khul djru pơgang ba čơđai hơmâo 3 hơnong: pơgang, djru ba, ngă bruă pơsir brơi hlao hơmâo ngă hăng glăk ngă tŭ yua.

Ƀơi mông jơnum, hơdôm boh tơring čar, ƀôn prong ăt pơčrông sai mơn kơ hơdôm boh than amăng bruă wai lăng ƀing čơđai; ăt kah hăng ba tơbiă tơlơi rơkâo kiăng bruă pơgang ba, čem rông čơđai klă, hlom bom. Klah čun mông Jơnum, Kơ-iăng khua dêh čar yă Phạm Thị Thanh Trà črâo pơƀuh hơdôm tơlơi aka ƀu djơ̆, bruă djơ̆ ngă taih amang, kơplong mă juă jon ƀing čơđai ăt dŏ hơmâo đôč; ƀing ƀu klă mơneč mă plang internet či plư ƀing čơđai...Kơ-iăng khua dêh čar kiăng čih pơkra klă hloh tơlơi phiăn, hơdră djru kơ ƀing čơđai đah mơ̆ng pơhlom hơmâo djŏp tơlơi dưi kơ ƀing čơđai, pơgang hlâo plai ƀiă hơmâo tơlơi truh sat hăng ƀing čơđai./.