Ƀing pơ ala pioh abih ha hrơi pơčrong sai ƀơi grup kơ lu tơlơi phiăn čih pơkra, hră pơtrun yom hăng ječ ameč hloh. Mơguah, ƀing khua mua pơčrong sai ƀơi grup lăi nao 3 mơta tơlơi phiăn: Tơlơi phiăn pơhlom, pơgăn bruă pơlar boh phao kơtuang pơdjai lu mơnuih; Tơlơi phiăn čih pơhrua glăi amăng 9 mơta tơlơi phiăn gah ling tơhan, pơgang lŏn ia; Tơlơi phiăn pơtô hrăm, pơlar tui tơlơi phiăn kơnuk kơna hăng tơlơi phiăn bruă ia jâo, ayuh gaih čih pơkra glăi hăng tơlơi phiăn Gơgrong ba mơ̆ng kơnuk kơna duh glăi.

Ăt amăng či tlam kơnôl 04/08, ƀing khua mua pơ ala hơmâo pơgôp hiăp kơ Hră pơtrun mơ̆ng anom bruă khua pơ ala mơnuih ƀôn sang dêh čar, čih pơkra tơlơi phiăn pơkă bruă pơsir tơlơi soh pơdjơ̆ nao tơlơi bơwih ƀong mơ̆ng anom bruă kơnuk kơna ngă pô, anom bruă bơwih ƀong mơnuih ƀôn sang ngă pô hăng ba yua boh thâo ia rơgơi phrâo, pơblih pơčeh phrâo mơ̆ng ia rơgơi mrô.