Kơčăo bruă man pơdong sang hră đôm lăm dua gưl, gưl sa hăng gưl dua să Ea Rok hơmâo rơnoh prăk tuh pơ alin 136 klai prăk ƀơi anih lơ̆n rơhaih 6 hektar, lan sang hră man pơkra truh kơ 12.700 met karê.

Rơnoh prăk man pơdong lĕ, yua kơ Ding jum ling tơhan djru. Tơdơi kơ rơbêh 6 blan man pơdong hmar, ring bruă anai ngă giong hơdôm črăn phun, djop anŏ gêh găl brơi kơ 530 čô čơđai sang hră dưi mut thun hrăm phrâo 2026-2027 anai mơtam. Bruă ba sang hră anai dưi mă bruă sit nik lĕ djru kơ ƀing čơđai sang hră kual ataih, tơnap tap hơmâo anih hrăm hră hiam klă hloh, laih dơ̆ng djru pơđĭ tơlơi thâo kơ mơnuih ƀôn sang, kiăng bong kơjăp bruă pơgang lơ̆n ia ƀơi guai dêh čar amăng kual Dap Kơdư yom phăn anai.