Tui hăng anŏ lăi pơthâo bruă ngă tui 500 hrơi mlam pơtrut hmar hơduah ĕp, rŭ kuai hăng pơsit anăn tơhan pơsăn drơi jăn yua kơ lŏn ia, truh ră anai, hơmâo hơduah ĕp, rŭ kuai truh 1.715 per tơlang tơhan pơsăn drơi, dưi ngă djop 24%; mă meh tơlang ƀơi 124.762 akŏ pơsat tơhan pơsăn drơi, dưi ngă djop 58%.

Lăi pơtong, bruă hyu hơduah ĕp, rŭ kuai tơlang tơhan djai pơsăn drơi hăng pơtong glăi anăn krăn pô jing sa bruă mă ngă tui tơlơi pơtrun tong ten mơ̆ng dlông jao amăng bruă kơđi čar, Kơ-iăng khua dêh čar yă Phạm Thị Thanh Trà jao kơ anom bruă Khul git gai 515 ngă hrŏm hăng djop tơring čar, gir kơtưn ngă giong abih bang 130 hơdrôm hră čih anăn tơlơi pơhing kơ tơhan pơsăn drơi jăn kơ lŏn ia amăng thun anai mơtam; akŏ pơjing dăp hơdră bruă mă čih pơmut anăn, pơsat tơhan pơsăn drơi hăng pơsat dor hrŏm tui bruă kiăng thâo tong ten anăn krăn pô sit nik, hrơi blan hăng  bruă dưi ngă laih.