Hrŏm hăng pơtrut tañ bruă man pơdong, djop tơlơi gal kiăng dua boh sang hră dưi pok mă yua ăt glăk hơmâo gơnong bruă pơtô pơjuăt tơring čar Lâm Đồng prap lui ha amăng plĕ. Rĭm boh sang hră hơmâo pơhlôm brơi 57 čô nai pơtô hăng 21 čô mơnuih mă bruă. Sang hră Thuận An him lăng hơmâo 870 čô čơđai sang hră, sang hră Quảng Trực hơmâo 900 čô čơđai sang hră; amăng anun hơmâo wŏt čơđai sang hră dŏ đăm glăi mơmŏt mlăm hăng yang hrơi dong.

Him lăng dong mơng kơnôl 20/8 amra iâu pơƀut ƀing čơđai sang hră kiăng lăi pơthâo brơi tơhnal pơkă, kiăng kơ juăt hăng anih hrăm dŏ đăm glăi hăng lu gơnam yua. Pơsit anai lĕ bruă jao kơđi čar yôm phăn, Jơnum min mơnuih ƀon sang tơring čar Lâm Đồng glăk kiăo tui lăng bruă man pơdong, git gai ngă tui jơlan gah “tong ten mơnuih, tong ten bruă mă, tong ten hrơi mông, tong ten tơlơi glăm ba”, gir run pơgiong dua boh sang hră djơ̆ hrơi mông, pơhlôm rơnuk rơnua, hơđong, djru brơi klă kơ bruă hrăm hră, anih dŏ dong ƀong huă hăng ngui ngor brơi ƀing čơđai kual giăm guai.