Sang bruă khua git gai tơhan tơring čar Khánh Hòa hơmâo tŭ mă rơbêh 80 tơlơi pơhing bơdjơ̆ nao kual năng ai hơmâo pơsat tơhan. Amăng anun hơmâo 7 tơlơi pơhing kơ pơsat dor hrŏm, him lăng hơmâo rơbêh kơ 200 per tơlang. Mơ̆ng sem lăng, pơtŏng glăi, blung a hơmâo kuai rŭ 6 akŏ pơsat tơhan ba nao pơ pơsat tơhan ƀơi tơring. Hrŏm hăng bruă hyu ĕp, kuai rŭ đĭ tơlang tơhan, Khánh Hòa glăk pơtrut tañ pơsit anăn tơhan djai hăng bruă pơčrang ADN.

Truh kơ ră anai, tơring čar hơmâo pơhrui 2.700 čơđeh asar, drah kơtăk mơ̆ng rơbêh 3.000 čô mơnuih amăng pô sang tơhan djai, hơmâo giăm 90% akŏ bruă kiăng hăng rơgao 550 čơđeh asar kiăng mă him năng blung. Giăm 80 čô tha, ƀu ai buai, ƀu anăm rơbat hyu jing hơmâo nao pơ sang či mă čơđeh asar tơdjoh drah. Tui hăng bruă sem lăng, Khánh Hòa glăk hơmâo rơbêh 12.000 tơlơi pơhing tơhan djai drơi, amăng anun hơmâo giăm 4.900 čô aka ƀu krăn ôh. Yua hnun, rim tơlơi hmư̆ hing, mơnuih thâo, rim čô mơnuih ƀôn sang thâo kơ anih blah đưm, ƀuh arăng dor đưm adih jing gum pơgôp yom biă mă amăng bruă hyu ĕp ƀing gŏp tơhan./.