Dak Lak pơđĭ tui boh tŭ yua tơlơi pơhing pơtom hiăp, pơgang tơlơi dưi ngă pô guai dêh čar
Thứ năm, 10:58, 17/09/2026
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV.Jarai-Kơnôl 16/9, Gơnong bruă Gru grua, Pơrơguăt drơi jăn hăng Tuai čuă ngui tơring čar Dak Lak ngă hrŏm hăng khua tơhan pơgang guai dêh čar tơring čar, jơnum min mơnuih ƀôn sang djop să kah hăng Ia Rvê hăng Ia Lôp, jơnum kơ bruă pôr tơlơi pơhing pơtom hiăp, pơtô pơblang kơ tơlơi dưi ngă pô ƀơi guai dêh čar thun 2026.
Ƀơi mông jơnum, ƀing khua mua hơmâo hmư̆ 3 mơta tơlơi phun yom: bruă git gai wai lăng, anăp nao pôr tơlơi pơhing pơtom hiăp; pơgang tơlơi dưi ngă pô guai lơ̆n ia, tơlơi rơnuk rơnua guai dêh čar; hrŏm hăng tơlơi thâo mơneč mă bruă pôr tơlơi pơhing laih anun pơhlom tơlơi rơnuk rơnua hơđong plang internet.
Laih dơ̆ng pơtô hrăm tơlơi thâo ten tơlơi phiăn kơnuk kơna pơkă kơ ngă pô ƀơi guai dêh čar, pơgang rơnuk rơnua; pơđĭ tui tơlơi gơgrong ba mơ̆ng djop sang bruă ping gah, gong gai kơnuk kơna, djop khul grup mơnuih mơnam mut phung, ƀing tha plơi, mơnuih arăng đăo kơnang amăng plơi pla hăng mơnuih ƀôn sang gum hrŏm pơgang tơlơi rơnuk rơnua jơlan guai dêh čar.
Viết bình luận