
Ngă lơphet 78 thun Hrơi hơdor kơ Tơhan rơka - Tơhan djai pơsăn drơi jăn kơ lŏn ia, mơguah lơ 24/7, ƀơi Hà Nội, Ding jum bruă čar ngă hrŏm hăng Ding jum Ling tơhan, Ding jum Kông an, Jơnum min mơnuih ƀôn sang ƀôn prong Hà Nội hăng hơdôm anom bruă bơdjơ̆ nao pơphun Pơbưp 250 čô mơnuih ngă hơkrŭ đưm ƀơi đơ đam dêh čar. Ƀing nao pơhmư̆ jing ƀing khua apăn bruă ngă hơkrŭ đưm, mơnuih hơdip amăng rơnuk blah ngă gum hơdor glăi gru grua hiam, tơlơi kơdrưh ang mơ̆ng djuai ania, lăi pơthâo nao rai hơdôm tơlơi pơplih amăng rơnuk đĭ kyar.

Pơhiăp ƀơi mông bưp, Khua git gai Ping gah ơi Tô Lâm pơpŭ bơni biă mă kơ giăm 1,2 klăk čô tơhan djai pơsăn drơi - mơnuih rơgơi mơbruă sông kơtang djai drơi pô yua kơ Lŏn ia. Khua git gai Ping gah pơsit, Ping gah hăng Kơnuk kơna lêng kơ lăng ba bruă hơdor tơngia laih anun kiăng hơdôm ding jum, anom bruă lăng glăi abih bang, ngă klă bruă djru ba mơnuih ngă hơkrŭ, bang bơngač tơlơi pơmin hiam “Mơñum ia hơdor kơ pô klơi” amăng mơnuih tơpuôl./.
Viết bình luận