Tơring čar Lâm Đồng hmâo rơbêh kơ 21.000 čô ling tơhan pơsăn drơi, giăm truh 16.7000 čô ling tơhan rơka ruă; giăm hmâo 4.300 čô mơnuih tha rơma ngă hơkrŭ hăng mơnuih apăn bruă tơgŭ hơkrŭ, 2.460 čô Amĭ Việt Nam Sông kơtang (29 čô amĭ dô̆ hơdip). Mrô mơnuih gum hrŏm bruă blah ayăt, hmâo ayăt mă krư̆ lĕ 43.100 čô mơnuih hăng giăm truh 3.370 čô mơnuih mă bruă blah ayăt djơ̆ jrao dioxin.

Tui hăng ơi Y Thanh Hà Niê Kdăm, Khua git gai Ping gah, Khua Grŭp Khua pơ ala mơnuih ƀôn sang dêh čar tơring čar Lâm Đồng, hrŏm hăng đơ đam dêh čar, Lâm Đồng pơsit na nao bruă bơwih brơi kơ mơnuih djru ngă hơkrŭ đưm lĕ bruă gơgrong kơđi čar, phiăn juăt hăng pran jua yôm phăn. Yua anun, tơring čar hmâo pok pơhai lu hơdră sit nik djru tơlơi hơdip mơda hăng hơdôm hơdră gum djru pơkon./.