Mơmot lơ 27/7, ƀơi Ƀirô mă bruă gong gai dêh čar, Khua dêh čar ơi Phạm Minh Chính git gai mông jơnum kơ bruă pơdŏng sang hră kơ hơdôm bôh să guai dêh čar, amăng anun hmâo sang dô̆ glăi kơ čơđai sang hră hăng nai pơtô čơđai. Khua dêh čar lăi rơđah, bruă ngă tui Klah čun mrô 81 mơ̆ng Ding jum kơđi čar lĕ hơdră pơtrun prong, hmâo bôh tŭ yua ană mơnuih dơlăm.

Amăng rơwang 2025-2027, amra pơdŏng 248 bôh sang hră đom lom djop djuai ania ƀiă, sang hră čơđai dô̆ glăi tơhrơi amăng gưl sa – Gưl dua ƀơi 248 bôh să guai dêh čar gah kual lŏn. Khua dêh čar rơkâo pok pơhai tañ, khom ngă pioh giong ƀiă biă mă ñu 100 bôh sang hră hlâo kơ lơ 30/8/2026. Hrŏm hăng anun, rơkâo hơdôm anih anom tañ pel ĕp glăi bruă pơkă kual, pơpha anih anom pơhlôm lŏn pơdŏng, apui lơtrik, ia yua, dăng kông... djru bruă man pơdŏng. Anai lĕ bruă mă kiăng ječ pioh pơđĭ kyar mơnuih mă bruă, mơnuih thâo bruă, ngă gal brơi bruă hrăm hră kơ čơđai sang hră ƀơi kual asuek, kual ataih, djru hơkrŭ đĭ bruă pơgang pơgăn – rơnuk rơnua plơi pla guai Lŏn ia./.