VOV4.Jarai – Telephone rơnuk phrâo (telephone rơgơi), ƀudah arăng iâo smartphone jing laih gơnam yua ƀu dưi kơƀah amăng tơlơi hơdip mơda ră anai. Ñu djru ƀing ta dưi tô nao rai hăng gơyut gơyâo, bơwih ƀong sĭ mơdrô, ngui ngor ƀudah mă bruă ƀơi djop anih djop mông. Khă hnun hai, bruă yua rơgao đơi smartphone amra ba truh lu tơlơi ƀu klă phara. Ƀing mơnuih “ƀu thâo tlaih telephone” amra bơbeč truh prong tơlơi suaih pral, kơnuih, bruă mă, hrăm hră hăng hơdôm tơlơi rô nao rai.

VOv4.Jarai-Dap Kơdư pơphun amăng bơyan hơjan, ayuh hyiăng pơ-iă hang plah nao rai jing tơlơi gal kơ keč čeh čar lar djuai hăng tưp hyu tơlơi ruă pơđung drah. Klin ruă pơ-iă drơi pơđung drah glăk gluh đĭ, hăng mrô mơnuih hmâo tơlơi ruă đĭ lu tui rim hrơi. Ƀơi hơdôm bôh plơi, tơlơi pơmin pơgang, pơgăn klin ruă akă kơjăp, đam lu mơnuih ƀu đing nao, lui raih; lơm hmâo tơlơi ruă rŏng hyu blơi mă ia jrao mơñum, pơjrao ƀu djơ̆ hơdră huĭ rơhư̆t biă kơ tơlơi hơdip ană mơnuih.

VOV4.Jarai – Bơyan hơjan truh lĕ ƀrô djơ̆ hrơi blan lăp djơ̆ kơ bruă pla kyâo, pla glai. Hơdôm hrơi rơgao, hơdôm bôh tơring čar amăng kual Dap Kơdư hmâo pơphun “Tết pla kyâo hơdor kơ Wa Hồ na nao”. Bruă mă anai ƀơi hơdôm bôh tơring čar hmâo djru ngă mơtah lŏn hong kơdư kla, pơgang glai klô, djơ̆ hăng ayuh hyiăng pơplih. Tơlơi ruai rơnuč rơwang hrơi tơjuh hrơi anai hmâo anăn ñu “Tết pla kyâo” črông lô kơ bôh yôm anai

VOV4.Jarai - Dŏ kơnong 1 wơ̆t hrơi tơjuh dơ̆ng, čơđai pơdơi sang hră laih. Anai jing hrơi blan ƀing čơđai ngui ngor pơdơi pơdă tơdơi kơ sa thun hrăm hră, samơ̆ ăt jing ngă tơnap kơ amĭ ama sang anŏ mơn, yua dah khŏm wai lăng ană bă. Yua hnun, anom apăn bruă, biă ñu ƀing hlăk ai gơgrong bruă yôm amăng bruă pơphun jơnum brơi čơđai ngui ngor.

VOV4.Jarai

VOV4.Jarai – Ngă tui Jơlan hơdră pơplih mrô lŏn ia truh thun 2025, pơsit jơlan gah truh thun 2030 mơ̆ng Gong gai dêh čar, hơdôm bôh tơring čar, ƀôn prong pơsur mơnuih ngă đang hmua mă yua hơdră mrô pioh pơplih phrâo hơdôm bruă ngă đang hmua, sĭ mơdrô gơnam tam. Hăng pran jua “Rim mơnuih ngă đang hmua lĕ sa čô mơnuih mă yua măi mok sĭ gơnam”, neh wa khom dưi pơtô ba rơđah pioh mă yua hơdră mă yua măi mok mrô amăng bruă ngă rai gơnam tam, ba hyu sĭ gơnam. Tơlơi ruai rơnuč rơwang hrơi tơjuh anai lăi nao kơ tơlơi anun.

VOV4.Jarai – Tuai čuă ngui plơi pla lĕ tơlơi kiăng lăi jing juăt laih. Amăng hơdôm thun jê̆ hăng anai, ƀơi kual Dap Kơdư, jai hrơi jai hmâo lu tuai čuă ngui nao čuă lăng plơi pla pioh hơduah ĕp lăng gru hiam mơ̆ng plơi pla hăng găn rơgao lăng gru bôh thâo đưm phara mơ̆ng djop djuai ania ƀiă ƀơi anai. Tui anun, hơdôm gru hiam ngă pơhưč tuai čuă ngui hơget ñu? Tơlơi ruai rơnuč rơwang hrơi tơjuh hrơi anai pioh mông lăi nao kơ tơlơi anai.

VOV4.Jarai – Dăp Kơdư glăk amăng hơdôm hrơi pơ-iă hang, phang khŏt. Tơdơi kơ hơdôm mông hrăm ƀơi anih hrăm, čơđai muai juăt nao pơ̆ dơnao ia, ia krông čroh hnoh pioh mơnơi rơ-ơ̆, ngui ngor huĭ rơhyưt biă. Bôh nik brơi ƀuh, hơdôm hrơi jê̆ hăng anai ƀơi kual Dap Kơdư hmâo na nao tơlơi truh hơdôm tơlơi ia ƀlung pap drăp biă. Tui anun, ƀing ta kiăng ngă hơget ƀơi anăp hơdôm tơlơi rơngiă ngom ruă pran jua anai. Tơlơi ruai rơnuč rơwang hrơi tơjuh hrơi anai lăi nao kơ tơlơi anun.

VOV4.Jarai-Tui tơlơi sit nik amăng hơdôm thun laih rơgao, lu sang anŏ amăng djop plơi pla dưi bơwih ƀong đĭ đăi samơ̆ yua ƀu thâo pơkrem, yua prăk khưi khai anun ba truh kơ bruă “ƀong lui hlâo prăk sĭ kơphê” (arăng juăt iâu “ƀong boh mơda”) ăt dŏ ƀuh lu mơn. Bruă ƀong lui hlâo prăk sĭ kơphê ngă rơngiă ha mơkrah pơhmu hăng nua gơnam đang hmua pla pơjing amăng ha thun, ngă tơlơi hơdip kơ neh met wa jai hrơi tơnap tap, rin rơpa.

VOV4.Jarai – Ră anai, Dap Kơdư glăk amăng hơdôm hrơi pơ-iă hang, ƀơi lu anih anom tơlơi pơ-iă hang, phang khôt glăk ngă tơkang, amra apui ƀong glai prong biă. Ƀơi hơdôm anih anom kual asuek, ataih, kual neh wa djuai ania ƀiă dô̆ hơdip mơda giăm glai klô, bruă pơgang apui ƀong glai klô glăk jing tơlơi dưi hmâo gong gai, gơnong bruă glai kyâu, ƀing pô glai hăng neh wa đing nao pioh pơgăn tơlơi apui ƀong glai truh. Tơlơi ruai rơnuč rơwang hrơi tơjuh hrơi anai črông lô kơ tơlơi anai.