VOV4.Jarai - Lŏm lui sang tơ̆i ƀu kơnong kơ sa hơdră bruă gum djru hơđong tơlơi hơdip mơda mơnuih mơnam mơ̆ng Ping gah hăng Kơnuk kơna ôh mơ̆, ñu dô̆ jing tơlơi čang rơmang kơ sa tơlơi hơdip mơda hơđong, trơi pơđao kơ hơdôm sang anô̆ tơnap tap kơ sang dô̆. Dưi hmâo tơlơi lăng ba mơ̆ng Gong gai dêh čar, tơlơi gum tơngan hrŏm mơ̆ng hơdôm gưl, gơnong bruă hăng tơlơi gum hrŏm hơbit mơ̆ng plơi pla, hơdôm rơbâo bôh sang dô̆ kơjăp glăk ƀơƀrư̆ pơ ala nao hơdôm sang tơ̆i, djru neh wa hơđong anih dô̆, pơđĭ kyar bơwih ƀong.