VOV4.Jarai-Blan 3 pơ Dap Kơdư hơmâo lăng jing “bơyan hiam hloh amăng thun”, mut amăng tơlơi ră ruai kơtuai akhan laih. Blan 3 thun anai, ƀu kơnong hơdor glăi 50 thun blah dưi Buôn Ma Thuột, mơnuih ƀôn sang djŏp djuai ania Dap Kơdư hok mơak dik dak amăng hrơi Jơnum ngui kơphê Buôn Ma Thuột tal 9. Mơnuih ƀôn sang Dap Kơdư lêng kơ pơư pơang gru grua hơkrŭ, kơdrưh biă mă yua jing kual ngă kơphê hmư̆ hing ƀơi rŏng lŏn tơnah. Tơlơi ngă sen ber hrơi anai hơmâo lăi nao kơ tơlơi anun.