VOV.Jarai-Tơlơi ngă sen “Ană hrăm hră kah mơ̆ng thâo phô” lăi nao kơ tơlơi bơrơjah mơ̆ng dua čô mơnuih ngă ama ƀơi Dap Kơdư, kơ bruă brơi dua čô ană nao hrăm bruă ƀudah dŏ rơkơi bơnai, ngă rui ra. Tơlơi ngă sen anai kiăng ƀing ta thâo: hrăm hră ƀu djơ̆ kiăng thâo boh hră đôč ôh,ăt kiăng hơdip klă, hơmâo bruă mă, hơdip dơnap hloh amăng rơnuk hơmâo lu tơlơi pơplih. Rơkâo neh met wa hăng ƀing gơyut čơkă hmư̆.

VOV.Jarai-Mơ̆ng tơlơi hơdor glăi bơyan akŏ puih thun 1945, amăng jua pơhiăp radio pôr tơlơi Wa Hồ pơđok hră pôr pơthâo lŏn ia pơklaih rơngai, truh kơ tơlơi lăp pơ-ư ang kơ anŏ pơblih phrâo hơdip mơda, djop plơi pla kual Dap Kơdư anun yơh boh yom phun tơlơi bơ ră ruai, sen ber “Plơi pla kual Dap Kơdư hok mơak hrŏm amăng dêh čar” hrơi anai. Kiăng lăi nao tơlơi gum pơgôp djuai ania, tơlơi đăo kơnang tong ten mơ̆ng mơnuih ƀôn sang djop djuai ania hăng Ping gah, kơnuk kơna, laih dơ̆ng mơ-it nao tơlơi kiăng prong kơ ƀing čơđai rơnuk anai tŏ tui yak nao, kiăo tui kru ơi yă anong wa mơ̆ng đưm, ba kual Dap Kơdư jai hrơi pơdrong sah, hiam mơak hrưn đĭ amăng rơnuk phrâo.

VOV.Jarai

VOV.Jarai

VOV.Jarai-Hnoh ia rô hlâo adih jơngeh hleč ră anai čơkol plŭk, pin ia hlâo ik ăk mơnuih, tơnang ia rô prơ̆, rơ-ơ̆ rơ-iom, ră anai kret kruai hrup suai ia pơđuăi. Hơdôm tơlơi pơblih anun yua mơ̆ng bruă ngă hmua, čông jơnah jah glai drôm kyâo pơtâo hlâo ia čroh hnoh, lŏn tơba ia tơhloh, hnoh čơkol hơƀak jrak abih, anih hơdip jum dar plơi pla pơhŭi kơ tơlơi hơdip mơda ană mơnuih. Ƀơi anăp kơ tơlơi anun, ƀing tha plơi, khua ƀôn hăng hlăk ai kah hăng bơn H’Mai gum hrŏm pơtô lăi, kiăng pơgang lŏn mơnai glai klô, pơgang hnoh ia hlâo pin ia plơi pla ala ƀôn, rơnoh yom hing ang mơ̆ng đưm ană plơi pla.

VOV.Jarai - Lơ 27/7 rim thun – Hrơi pioh kơ Ling tơhan rơka ruă pơsăn drơi, jing tal pioh Ping gah, mơnuih ƀôn sang hăng ling tơhan hơdor, thâo tơngia pran jua tuh rơyuh prong prin pơsăn drơi, rơka ruă, Amĭ Việt Nam Sông Kơtang tuh rơyuh laih pran jua pô kơ bruă ngă hơkrŭ ba glăi tơlơi ư-ang djuai ania. Phiăn “Ƀong bôh hơdor kơ pô pla”, phiăn juăt “Hơdor tơngia tla pran” ăt djă pioh mơn hăng bang hyu rim rơnuk. Amăng tơlơi pơđao ƀơi sang rông plơi pla Dap Kơdư, hlăk ai gum hrŏm bơkơtuai hơdor tơngia kơ sang anô̆ djru ngă hơkrŭ đưm. Tui tơlơi ruai glăi mơ̆ng tha plơi – sa čô ling tơhan hơđăp hmâo ha tal gum hrŏm blah ayăt, hơdôm tơlơi ruai kơ pran jua pơsăn drơi mơ̆ng neh wa, ling tơhan Dap Kơdư sa wot dong dưi rŭ đĭ, pơtrut pran jua khăp lŏn ia hăng bruă gơgrong mơ̆ng hlăk ai ră anai.

VOV4.Jarai - Hrăm gưl dlông lĕ sa tơlơi čang rơmang mơ̆ng lu mơnuih, samơ̆ ƀu djơ̆ sa jơlan pioh pơjing bruă mă mơn. Hăng ƀing hlăk ai kual djuai ania ƀiă, hrăm bruă lĕ tơhnal gal sit nik, djru ƀing čơđai pơđĭ kyar drơi jăn pô, djru pơdŏng plơi pla. Tơlơi ruai hrơi anai hmâo anăn ñu “Hrăm bruă ăt lĕ jơlan nao truh pơgi kơdih anai mơn”.

VOV4.Jarai - Pơphun bơyan hơjan, bơmao glai čăt đĭ lu, amăng anun hmâo ƀu ƀiă djuai bơmao pơkon ƀu thâo rơđah, amuñ ba truh ruă măt tơdah ƀong djơ̆, đa ba truh kơ djai. Tơlơi ruai “Pơphun bơyan hơjan – Kơđiăng hăng bơmao măt” jing tơlơi pơtă kơ neh wa: Anăm pĕ, anăm ƀong ôh hơdôm djuai bơmao akă thâo hlâo dơi, bơmao ƀu rơđah phun akha.

VOV4.Jarai-Amăng hrơi blan dik dăk akŏ blan 7 lăp hơdor pioh, djop tơring čar phrâo akŏ pơdong tơdơi kơ pơmut glăi ƀơi kual Dap Kơdư hăng kual Tong krah ter hang ia rơsĭ, mă bruă sit nik laih. Tơlơi bơ ră ruai hrơi tơjuh, sen ber anai, rơkâo ƀing gơyut nao ngui pơ ƀôn B, anih tha plơi ơi Briu, dŏ ber ƀơi adring sang Jarai, mơñum ia kơphê hăng hmư̆ brô̆ rim mơguah, kiăng hmư̆ tơlơi pơhing phrâo. Ñu hăng sa čô dra ngă kông an H'’Diêu anăn gơ̆, bơ ră ruai yơh, lăi nao gru grua hiam, tơlơi pơ-ư ang djuai ania hăng tơlơi kiăng pơđĭ kyar prong mơ̆ng tơlơi gum pơgôp djuai ania plah wah tơring čư̆ siăng hăng kual ia rơsĭ.

VOV4.Jarai