VOV4.Jarai-Blan 3 pơ Dap Kơdư hơmâo lăng jing “bơyan hiam hloh amăng thun”, mut amăng tơlơi ră ruai kơtuai akhan laih. Blan 3 thun anai, ƀu kơnong hơdor glăi 50 thun blah dưi Buôn Ma Thuột, mơnuih ƀôn sang djŏp djuai ania Dap Kơdư hok mơak dik dak amăng hrơi Jơnum ngui kơphê Buôn Ma Thuột tal 9. Mơnuih ƀôn sang Dap Kơdư lêng kơ pơư pơang gru grua hơkrŭ, kơdrưh biă mă yua jing kual ngă kơphê hmư̆ hing ƀơi rŏng lŏn tơnah. Tơlơi ngă sen ber hrơi anai hơmâo lăi nao kơ tơlơi anun.

VOV4.Jarai

VOV4.Jarai - Kiăng wai lăng ƀing čơđai huăi ia ƀlung, rơdêh jrŏm, apui akĕ hăng mă yua lu đơi măi telephôn amăng bơyan pơdơi prong, ƀrô lơ 1/6, khul hlăk ai să hơmâo gum hrŏm hăng hơdôm anom bruă pơphun pơtô pơblang tơl plơi pla, črâo brơi boh thâo pơhlôm rơnuk rơnua brơi ƀing čơđai, pơgôp ba glăi bơyan pơdơi prong mơ-ak, rơnuk rơnua hăng yôm phăn. Rơkâo kơ ơi pang, yă dôn hăng ƀing gơyut hmư̆ tơlơi ngă sen hăng anăn “Bơyan pơdơi prong rơnuk rơnua, ƀing čơđai yâo mơ-ak”.

VOV4.Jarai - Hrŏm hăng 52 bôh tơring čar, ƀôn prong pơkon amăng đơ đam dêh čar, Jơnum jao čơkă ling tơhan thun 2025 ƀơi kual Dap Kơdư hmâo pơphun amăng lơ 13/2/2025 phrâo rơgao (anun lĕ lơ 16 blan sa blan di thun Ất Tỵ). Tơlơi jơnum ling tơhan lar hyu djop anih hơdôm bôh plơi pla, truh pơ̆ rim sang anô̆ hmâo hlăk ai ƀơi jơlan nao ngă tơhan pơdŏng hăng pơgang lŏn ia. Tơlơi ruai rơnuč rơwang hrơi tơjuh hrơi anai hmâo anăn ñu "Hrơi Jơnum ling tơhan" pơdah pran jua hăng hur har mơ̆ng hlăk ai nao ngă tơhan, hăng jing tơlơi ư-ang mơ̆ng kual Dap Kơdư hmâo phiăn juăt ngă hơkrŭ.

VOV4.Jarai - Dap Kơdư glăk amăng bơyan phang khôt. Tơdơi hơdôm hrơi pơdơi Tết tui phiăn juăt, pơ-iă jai kơtang, bruă pruih ia, ia mă yua amăng sang anô̆, bơwih brơi kơ phun pla yôm phăn biă, biă ñu lĕ hăng phun kơphê. Tui anun mơn, samơ̆ ăt dô̆ tơlơi ƀong tết rơgao hơnong mơn, biă ñu hăng ƀing đah rơkơi hor mơñum tơpai ƀiêr, ăt akă kiăng nao pơ̆ đang hmua mơn. Tơlơi ruai hrơi anai hmâo anăn ñu “Abih Tết laih, nao pơ̆ hmua wĕ”, lăi nao kơ tơlơi anai.

VOV4.Jarai - Hrơi anai lĕ 27 blan 12 blan di, Tết tui phiăn juăt Ất Tỵ glăk truh laih. Hrŏm hăng mơnuih ƀôn sang Việt Nam ƀơi djop anih anom amăng kual dêh čar, hơdôm hrơi rơgao, hơdôm bruă hơđong tơlơi hơdip mơda mơnuih mơnam anăp nao neh wa ƀơi kual asuek, ataih, kual guai dêh čar hơdôm bôh tơring čar kual Dap Kơdư dưi đing nao biă. Bruă pơphun hyu tơña bla, brơi gơnam tam Tết kơ neh wa dưi prăp lui tŏng ten, pơhlôm wot abih bang mơnuih ƀôn sang leng kơ dưi čơkă Tết tui phiăn juăt amăng tơlơi mơ-ak klă, gum hrŏm hơbit, pơđao pran jua ƀing gŏp. Tơlơi ruai rơnuč rơwang hrơi tơjuh hrơi anai lăi nao bruă mă tŭ yua anai.

VOV4.Jarai-Ră anai, tơlơi hơdip mơda ƀrư̆ hrơi pơđĭ kyar tui, mơnuih ƀôn sang djop plơi pla kual ataih, kual djuai ania ƀiă blơi rơdêh thut huăi gleh glar đơi lơi mơ̆n. Lu mơnuih blơi rơdêh tơl ƀu kơđiăng lăng ba djơ̆, brơi ană bă đĭ hyu lơ̆m aka ƀu truh thun, aka ƀu hơmâo hră dưi pơgăt rơdêh thut đĭ hyu amăng jơlan glông hŭi rơhyưt biă mă.

VOV4.Jarai - Tơlơi hơdip rơnuk anai ba truh kơ ƀing ta lu tơlơi gal, biă ñu hơdôm bruă blơi sĭ gơnam tui jơlan internet. Kơnong kơ hmâo prăk, dô̆ pơ̆ sang ƀing ta dưi blơi mơn djop mơta gơnam. Khă hnun hai “tơlơi gal ăt bưp tơlơi ƀu gal mơn”, hmâo ƀu ƀiă mơnuih arăng plư mă tui bruă blơi gơnam online, ƀing ta khom kơđiăng. Biă ñu amăng tal rơnuč thun, giăm Tết, ƀing ngă soh hyu leč pơdar juăt yua tŭ kiăng gô̆ mă prăk.

VOV4.Jarai

VOV4.Jarai - Rim thun, sit truh tal rơnuč thun, prăp lui čơkă tết, tơlơi sĭ mơdrô dŏp mlăi hăng tơlơi truh yua kơ pơkra mă mlăi ba truh. Biă ñu, tơlơi čơđai rŏng lăng tui amăng plăng face book hơduah blơi put pơtuh pơkra mă mlăi hmâo ba truh tơlơi rơka ruă lăp ruă pran jua. Hơdôm bruă mă anai ƀu kơnong kơ ngă soh tơlơi phiăn ôh mơ̆ dô̆ pơhuĭ truh tơlơi hơdip lu mơnuih dong.