VOV4.Jarai - Hrơi anai, lơ 22/12/2024, Hơdor glăi 80 thun Hrơi pơdŏng Khul ling tơhan mơnuih ƀôn sang Việt Nam hăng hơdor glăi 35 thun hrơi Abih bang mơnuih ƀôn sang pơgang lŏn ia. Amăng đơ đam dêh čar pơphun lu bruă mă hơdor tơngia pran jua tuh rơyuh mơ̆ng khul ling tơhan hăng mơnuih ƀôn sang ta, biă ñu lĕ hơdôm gum hơgôp prong prin mơ̆ng ling tơhan hơđăp Việt Nam amăng hơdôm bruă kơdŏng blah ayăt, pơtlaih lŏn ia, pơdŏng hăng pơgang lŏn ia. Tơlơi ruai rơnuč rơwang hrơi tơjuh hrơi anai črông lô kơ bôh yôm anai.

VOV4.Jarai-Ră anai, nua kơphê đĭ na nao bơhmu hăng hơdôm thun hlâo adih. Hrŏm hăng anun kual čư̆ siăng djơ̆ bơyan, hmâo nua đĭ, mơnuih ngă đang hmua ăt glăk bơngot mơn huĭ kơ arăng klĕ dŏp kơphê lơm hơdôm hrơi anai ƀing sat ƀu kơnong kơ pĕ bôh kơphê đôč ôh dô̆ wok tom than kơphê, phă phun gơ̆ dong, ngă răm rai prong kơ mơnuih ngă đang hmua amăng hơdôm bơyan pơanăp. Bruă hyu tir pơgang bôh than mă bruă mơ̆ng sang anô̆ pô hăng plơi pla ƀơi anăp tơlơi klĕ dŏp lĕ tơlơi kiăng biă. Tơlơi ruai rơnuč rơwang hrơi tơjuh anai lăi nao tơlơi anun. Rơkâo ơi pang, yă dôn hăng ƀing gơyut hmư̆ hrŏm.

VOV4.Jarai-Rơgao hăng anai rơbêh kơ 20 thun, Jơnum min djop djuai ania mơnuih mơnam dêh čar Việt Nam hmâo pơsit mă lơ 18/11 rim thun lĕ “Hrơi jơnum gum hrŏm hơbit djop djuai ania”. Hơdôm hrơi anai, ƀơi Dap Kơdư hăng amăng đơ đam dêh čar glăk pơphun “Hrơi jơnum gum hrŏm hơbit djop djuai ania” amăng tơlơi mơ-ak hăng kiăng khăp lăi pơthâo mơ̆ng djop mơnuih ƀôn sang. Khua git gai Ping gah, Kơnuk kơna, gưl Ping gah, Gong gai hơdôm anih anom gum hrŏm mơ-ak hăng hơdôm gưl mƀs amăng Hrơi jơnum ngui prong.

VOV4.Jarai - Tơlơi among rông tlaih hyu ča, ƀu pơkra war drŏng lĕ phiăn juăt mơ̆ng đưm hlâo samơ̆ ăt dô̆ mơn truh kơ ră anai ƀơi plơi pla ataih, asuek, kual djuai ania ƀiă ƀơi Dap Kơdư. Hơdră rông tlaih anai ngă hơƀak anih anom dô̆, bơdjơ̆ nao tơlơi suaih pral mơnuih mơnam, plơi pla. Tơlơi ruai hrơi anai lăi pơthâo kơ tơlơi anai, rơkâo ơi pang, yă dôn hăng ƀing gơyut hmư̆ hrŏm.

VOV4.Jarai-Yua mơng tơlơi juăt hơmâo sa, dua čô mơnuih ngă hmua lơm lơm yua giong juăt glom lui get čai, hruh jrao pruih pơgang phun pla pơ hmua pơdai ƀudah rôk tui čroh ia mơ̆ aka ƀu thâo rơđah anŏ pơglăi sat mơng bruă ngă anai bơdjơ̆ nao anih hơdip jum dar kah hăng tơlơi hơdip kơ mơnuih mơnam. Tơlơi ngă sen hrơi tơjuh anai hăng anăn “Anŏ sat mơng asuk ruk ngă hmua”.

VOV4.Jarai - Bơyan pơdơi prong pơđut laih, thun hrăm phrâo 2024-2025 giăm truh mơn. Hrŏm hăng tơlơi lăng ba mơ̆ng gưl ping gah, gong gai hơdôm gưl, gơnong bruă pơtô pơhrăm, ƀing amĭ ama čơđai ăt glăk dik dăk prăp lui hơdôm tơlơi kiăng klă hloh kơ ƀing ană bă pô yak mut thun hrăm phrâo sit nik lĕ “hrơi jơnum ngui mut sang hră” sit nik pơhlôm klă, mơ-ak mơ-ai.

VOV4.Jarai

VOV4.Jarai - Ƀơi anăp nua sầu riêng đĭ lu, hơdôm hrơi rơgao, mơnuih ngă đang hmua ƀơi lu anih anom amăng đơ đam dêh čar bơkơtưn pla sầu riêng, amăng anun hmâo hơdôm bôh tơring čar Dap Kơdư. Tui hăng Ding jum đang hmua hăng pơđĭ kyar ƀôn lan dêh čar, bruă đĭ tui lŏn pla amăng ƀiă hrơi glăk ngă amra ba truh tơlơi ƀu lăp amăng wai lăng anô̆ klă, rơngiă anô̆ pơhlôm mrô blơi hăng sĭ. Tơlơi ruai rơnuč rơwang hrơi tơjuh hrơi anai lăi nao kơ bôh yôm anai.

VOV4.Jarai – Hơdôm thun rơgao, ƀơi hơdôm bôh plơi pla kual asuek, ataih amăng kual Dap Kơdư dưi hmâo Kơnuk kơna tuh pơplai pơkra lu ring bruă ia yua hơdjă. Khă hnun hai, yua kơ ƀu thâo rơnăk, pơgang, lui raih lơi ring bruă răm rai, mơnuih ƀôn sang lĕ kơƀah ia hơdjă yua. Lu anih anom, mơnuih ƀôn sang khom nao gui ia pơ̆ anih ataih mơ̆ng sang hơdôm rơwang km, đa khom nao mă ia krông, čroh hnoh ƀu pơhlôm hơdjă pioh mă yua rim brơi. Tơlơi ruai hrơi anai lăi nao kơ tơlơi anun:

VOV4.Jarai-Tơlơi ngă sen ber, bơ ră ruai hrơi tơjuh, lăi nao bruă khom kơđiăng arăng plư pleč amăng tơlơi pơhing plăng internet biă mă plang facebook, tơlơi pơhing djop mơnuih mơnam amăng măi telephôn rơgơi.