VOV4.Jarai - Tơlơi akhan đưm “Tơlơi ruai kơ bôh pơtâo rŭp mơnuih” gah djuai ania Bơnông akhan kơ dua rơkơi bơnai ƀun rin samơ̆ hơdip hrŏm brơnôm mơ-ak biă. Samơ̆ ƀu bưng hmâo ơi sing pơdjai hĭ bơnai hiam bơnai, khă rơkơi ñu hmâo pran kơtang pơdjai laih ơi sing hai. Tơdơi kơ dor bơnai ñu giong, pô rơkơi yua kơ hning kơ bơnai đơi anun nao pơ̆ pơsat bơnai ñu dô̆ pơ amŏng nao gah kơčŏng čư̆ Nâm N’jang hăng čang rơmang sa wot dong lăng ƀuh bơnai ñu hăng hlư̆ jing bôh pơtâo dŏng ƀơi krah đang rok mơtah na nao truh kơ ră anai.

VOV4.Jarai – “Tơdăm Boh Kneh hăng rơmung blư̆ drơi ngă mơnuih” lĕ tơlơi akhan đưm mơng djuai ania Êđê. Tơlơi akhan anai lăi nao tơlơi dưi mơng mơnuih hơdip hiam klă. Ƀing sat lĕ phung rơmông, ƀing hiam lĕ dua čô dra drit druai hăng ană ƀing gơñu. Lơm mơnuih hơdip hiam kơdong glăi ƀing sat răm hơmâo tơlơi gum djru mơng yang rơbang, samơ̆ ană mơnuih ăt lĕ ƀing gơgrong hloh. Mơng tơlơi akhan anai, mơnuih djuai ania Êđê kiăng pơdah tơlơi čang rơmang hiam klă lĕ anăp nao tơlơi hơdip rơnuk rơnua, yâo mơ-ak, huăi ƀuh arăng kơtư̆ juă tui anun dong tah.

VOV4.Jarai – Tơlơi akhan “Tơdăm Yang Blan” gah djuai ania Jarai akhan kơ tơlơi khăp mơng ană ơi pơtao yang hăng sa čô bơnai dra ƀơi rŏng lŏn. Tơlơi khăp dưi hmâo amĭ ama dua bơnah pơanôm brơi mơ̆ng 2 čô dô̆ amăng kian. Gơñu hmâo găn rơgao lu tơlơi gun kơtang tit, samơ̆ tuč rơnuč ñu ăt dưi dô̆ hơdip hrŏm mơn.

VOV4.Jarai

VOV4.Jarai – Tơlơi akhan đưm “Phun kâu hăng hla mlu” gah djuai ania K’tu akhan kơ dua rơkơi bơnai Ala hăng h’bia Bum Viêm. Tơdơi kơ h’bia djai hĭ hmâo ơi Na pơtlaih hơdip hmâo pơwot glăi ngă bơnai ơi Na. Hrơi pơdô̆ rơkơi bơnai, ơi Na jak iâo tơdăm Ala nao kah hăng pơkă lăng hlâo wot dua gơñu amrra bơpơtaih nao rai. H’bia Bum Viêm ƀuh tui anun hmâo yua laih hơdôm anung jrao prăp lui hlâo glom tơbiă hlư̆ tơdăm Ala jing phun kâu, ơi Na jing rơ-ưng bôh pơtâo, h’bia lĕ hlư̆ jing phun hla mlu hăng dua čô ană jing sung hăng hlâu tul hla mlu. Hluai tui bôh yôm tơlơi akhan hmâo pơblang yua hơget hmâo phiăn ƀong mlu ră anai gah djuai ania K’tu ăt kah hăng djuai ania Yuan.

VOV4. Jarai

VOV4.Jarai – Tơlơi akhan Jarai H’ Bia, H’ Lŭi hăng rơman glai lĕ tơlơi akhan djă anăn tơring glông Sông Hinh (Phú Yên), giăm hăng Dak Lak. Akhan kơ dua adơi amai H’ Bia, H’ Lŭi drit druai hơdip kiăng khăp nao rai, hiam bơnai hloh kual, ngă lu tơdăm hor dô̆ kơ dua gơñu. Samơ̆ ƀu bưng, adơi ñu H’ Lŭi dô̆ djơ̆ pô hyu dŏp hmư̆ hing hyu djop dêh, yang hlư̆ jing rơman pơkiăo trun ƀơi rŏng lŏn wai lăng kual glai klô čư̆ siăng Ia Ly truh pơ̆ Phước Tân hăng tuč rơnuč ñu ba truh kơ djai rai pluk. Tơlơi akhan hmâo pơblang mơn, yua hơget glăi hmâo rơ-ưng bôh pơtâo rŭp čim grư̆ dăng čăng prong pơgang sa anih asuek kơčong čư M’Kuy, kah hăng kiăng pơgang mơnuih tâ̆o klă mơ̆ pơ ala kơ anun lĕ amai H’ Bia.

VOV4.Jarai – Tơlơi akhan đưm “Ană yang bôh pơtâo” mơ̆ng djuai ania Bơnông lĕ tơlơi akhan đưm akhan kơ pô bơnai dra hiam ană yang bôh pơtâo hmâo 2 rơkơi bơnai tha ƀu hmâo ană bă ngă ană rông samơ̆ ƀu dô̆ hlao hăng rơkơi bơnai tha anun ôh. Tơlơi akhan pơdah anô̆ čang rơmang mơ̆ng mơnuih đưm ăt kah hăng ră anai, hmâo jing laih sang anô̆ lĕ khom hmâo ană bă hă tơlơi hơdip mơda mơ̆ng pơđao pran jua hơđong mơ-ak hăng kơnong kơ yâo mơ-ak pơhlôm lơm pô dô̆ hơdip hăng hơdôm kông ngăn yua kơ drơi pô pơdŏng pơjing hăng ngă rai anun kah mơ̆ng hmâo nua yôm.

VOV4.Jarai – Tơlơi akhan đưm “Tơdăm Drit ƀun rin” Gah djuai ania Hơdang lĕ sa tơlơi akhan kơ pơdah tơlơi čang rơmang mơ̆ng ană mơnuih yak rơgao tơlơi ƀun rin, tơnap tap, tơlơi lông amăng tơlơi hơdip mơda pioh hơduah ĕp tơlơi yâo mơ-ak kơ drơi pô.

VOV4. Jarai