VOV4.Jarai - “Tơjuh adơi ayong” lĕ tơlơi akhan đưm mơ̆ng djuai ania Êđê, bơni kơ tơlơi thâo pơmin, ha pran jua mơ̆ng tơjuh čô adơi ayong khin hơtai, kơdong glăi hăng čim yang sat pơgang tơlơi hơdip mơda rơnuk rơnua. Tơlơi akhan brơi ƀing ta ƀuh, tơdah thâo mă yua bôh thâo ia rơgơi hăng pran gum hrŏm hơbit thơ, khă mơnuih ƀu hmâo anih kơnang ăt dưi kơdŏng glăi mơn ƀing kơtang hloh kơ pô.

JARAI.VOV.VN -

VOV4.Jarai - Tơlơi akhan đưm “Akan nŏng nŏ” gah djuai ania Bru-Vân Kiều akhan kơ dua adơi ayong drit druai. Ayong ñu lĕ hưp ham anun tuč rơnuč ñu abih sang anô̆ ñu djai pap biă. Bơ̆ adơi ñu lĕ hơdip klă hiam thâo tơngia lĕ hmâo tơlơi hơdip mơda hơđong hyuk hyuan. Hluai tui tơlơi akhan đưm anai ăt kiăng pơtă mơn kơ ƀing ta tơlơi kiăng lăi “hơdip klă bưp tơlơi tơphă”, hơdip klă hăng djop mơnuih lĕ tơlơi tâ̆o klă amra truh hăng ƀing ta.

VOV4.Jarai - Yang Đăng Giai lĕ tơlơi akhan đưm gah djuai ania Hơdang, akhan kơ H’Bia hiam bơnai – ñu lĕ sa čô ană yang, ñu hmâo pơdjai laih čim hơtai pơgang mơnuih ƀôn sang.

VOV4.Jarai - Tơlơi akhan “Tơdăm Mluk dưi kơđi” lăi nao sa čô tơdăm ƀu thâo phe pho arăng juăt iâo ñu lĕ “Mluk”, samơ̆ tơpă ară. Rơgao hơdôm tơlơi thâo pơƀlơi hăng tô̆ tơnô̆, tơlơi akhan kah hăng sa tơlơi pơtă kơ anô̆ yôm mơ̆ng pran jua klă hăng tơlơi tơpă ară amăng rim ană mơnuih.

VOV4.Jarai-

VOV4.Jarai - Tơlơi akhan đưm “Tơdăm triăng hrăm hră hăng ajĭ arŏ” gah djuai ania Tày akhan kơ sa čô tơdăm triăng hrăm hră hăng tơlơi gum pran mơ̆ng yang ajĭ arŏ hrŏm hăng bôh keo dưi pơtlaih mơ̆ng djai jing hơdip dô̆ hrŏm hmâo djru pơtlaih laih H’Bia hăng mă pô dop bôh keo hlâo kơ anun. Tơdơi kơ anun, ñu tô̆ tui dong bruă hrăm hră hăng dưi jing kơ-iăng khua tơhan hmâo lu mơnuih kiăng khăp kơ ñu.

VOV4.Jarai - Amăng tơlơi akhan đưm dêh čar Việt Nam hmâo tơlơi akhan kơ “Pơtao Un” akhan glăi sa čô mơnuih ƀun rin tơnap tap hmâo 9 eh ruai ƀơi rŏng, dưi hmâo adai djru brơi kơnuih ngă ơi pơtao. Hmâo lu tơlơi thâo ăt ngă tơdăm Un bưp lu tơlơi tơnap tap amăng tơlơi hơdip mơda. Khă hmâo na nao mơnuih pơkon ĕp mơneč či ngă sat ñu, samơ̆ ñu leng kơ dưi găn rơgao. Hăng tuč rơnuč ñu, tơdăm Un jing laih ơi pơtao hmư̆ hing. Tơlơi akhan kah hăng pơtă pơtăn rim ƀing ta kơ tơlơi hơdip mơda, khă hmâo tơlơi thâo hơgom, hmâo kơnuih ngă pơtao lĕ ăt leng kơ gir run yak rơgao lu tơlơi tơnap, tơlơi lông, anun kah mơ̆ng dưi ngă.

VOV4.Jarai - Tơlơi akhan đưm “Tơlơi ruai kơ bôh pơtâo rŭp mơnuih” gah djuai ania Bơnông akhan kơ dua rơkơi bơnai ƀun rin samơ̆ hơdip hrŏm brơnôm mơ-ak biă. Samơ̆ ƀu bưng hmâo ơi sing pơdjai hĭ bơnai hiam bơnai, khă rơkơi ñu hmâo pran kơtang pơdjai laih ơi sing hai. Tơdơi kơ dor bơnai ñu giong, pô rơkơi yua kơ hning kơ bơnai đơi anun nao pơ̆ pơsat bơnai ñu dô̆ pơ amŏng nao gah kơčŏng čư̆ Nâm N’jang hăng čang rơmang sa wot dong lăng ƀuh bơnai ñu hăng hlư̆ jing bôh pơtâo dŏng ƀơi krah đang rok mơtah na nao truh kơ ră anai.

VOV4.Jarai – “Tơdăm Boh Kneh hăng rơmung blư̆ drơi ngă mơnuih” lĕ tơlơi akhan đưm mơng djuai ania Êđê. Tơlơi akhan anai lăi nao tơlơi dưi mơng mơnuih hơdip hiam klă. Ƀing sat lĕ phung rơmông, ƀing hiam lĕ dua čô dra drit druai hăng ană ƀing gơñu. Lơm mơnuih hơdip hiam kơdong glăi ƀing sat răm hơmâo tơlơi gum djru mơng yang rơbang, samơ̆ ană mơnuih ăt lĕ ƀing gơgrong hloh. Mơng tơlơi akhan anai, mơnuih djuai ania Êđê kiăng pơdah tơlơi čang rơmang hiam klă lĕ anăp nao tơlơi hơdip rơnuk rơnua, yâo mơ-ak, huăi ƀuh arăng kơtư̆ juă tui anun dong tah.