VOV4.Jarai - Tơlơi akhan đưm “Tơdăm Phu yâo mơ-ak” mơ̆ng pô thâo čih bôh pia Oscar Wilde (Ireland) jing sa tơlơi akhan hmư̆ ol kơdol pran jua biă, tơlơi thâo khăp pap, wor bit drơi pô hăng tơlơi kiăng khăp kơplah wah ană mơnuih. Tơlơi akhan kơ rup man Tơdăm Phu yâo mơ-ak – sa rŭp man mơ̆ng pran jua thâo khăp pap, lăng tui hăng gum djru mơnuih ƀun rin amăng ƀôn prong. Hrŏm hăng sa drơi čim črang črah anet, tơdăm phu hmâo jao laih abih bang hơdôm hơget pô hmâo pioh ba glăi tơlơi yâo mơ-ak hăng tâ̆o yâo kơ hơdôm mơnuih tơnap tap ƀu tơphă.

VOV4.Jarai - Ƀơi să Triệu Hải, tơring glông Dă Teh hlâo adih, ră anai lĕ tơring glông Dă Huoai, tơring čar Lâm Đồng hmâo drai ia hiam biă hăng lăng kơdrom biă hmâo anăn iâo tui tơlơi Mạ lĕ drai Dă Kla. Mơ̆ng hăng glông kơčong čư̆ dlông, khă bơyan hơjan ƀudah bơyan phang, drai ia ăt hmâo ia kuh thun mơn. Mơ̆ng anih anom hiam anai, tha plơi djuai ania Mạ akhan glăi kơ drai ia Kla anai hăng pran jua pơdah ol kơdol biă.

VOV.Jarai

VOV4.Jarai - Tơlơi akhan kơ gru grua drai ia klâo tal gah djuai ania Bahnar akhan kơ rơkơi kơjăp pran jua, bơnai hiam bơnai ƀat bruă hơdip mơda ƀu dưi pơklah, amăng sa wot hyu glai hyu ĕp hơbơi pung pioh pơtlaih rơpa kơ sang anô̆ yua kơ adai lu thun ƀu hmâo hơjan trun, H’Du hmâo yang sat Steng mă pơkŏng. Tơdăm Bli bưng băi kơnang kơ tơlơi gum djru mơ̆ng 3 drơi hlô anur, bui glai hăng kơsua hăng tơlơi khin hơtai mơ̆ng ñu dưi pơtlaih H’Du hăng dưi pơđoh ia amăng luh. Glông ia rô ơ-uk kơtang jing laih glông ia rô kơtang rô trun jing drai ia klâo tal kah hăng ră anai. Tơlơi akhan đưm ăt ba glăi mơn tơlơi kiăng lăi pran jua kiăng khăp khom ha pran jua, dơlăm abih pran jua yua kơ pô khăp khă glêh tơnap ăt yua kơ tơdruă mơ̆ yak rơgao.

VOV4.Jarai - Gru grua hmâo phun kơphê lĕ sa tơlơi ruai đưm djă jă tơlơi mơnuih bôn sang đưm ƀơi Dap Kơdư, ruai glăi kơ pơphun hmâo phun kơphê – djuai phun nao hrŏm hăng tơlơi hơdip mơda mơ̆ng neh wa kual lŏn anai. Tơlơi ruai kơ sa plơi pla anet ƀơi anih mơnuih ƀôn sang dô̆ hơdip gum hrŏm tơdruă. Tơlơi ruai djă pioh gru grua sa čô tơdăm khin hơtai, hmâo kơdŏng glăi čim hơtai, pioh pơgang plơi pla. Mơ̆ng hơdôm tơdjoh drah pô tơdăm anun ngă jă lŏn mơnai sa kual lŏn prong, hăng hmâo čăt đĭ sa djuai phun ba glăi mơngưi phara, anun lĕ phun kơphê.

VOV4.Jarai - Gru grua hmâo “7 bôh dơnao ia, 3 bôh drai ia” akhan glăi tơlơi pơdŏng plơi, tơlơi hơdip mơda mơ̆ng 7 čô ană Yang Plinh Huynh. Khă hnun hai, yua kơ ngă soh amăng tơlơi kom, anun ama ñu gơgrong ba tơlơi bơtơhmal, añŭ trun 7 čô ană hăng hơdôm bôh plơi ƀing ană ba wai lăng amăng apui ƀong.

VOV4.Jarai - Hrơi Tết ƀơi kual Tŏng Krah dêh čar hăng kual Dơnung dêh čar, neh wa juăt blơi sa than bơnga dar glăi hlă ƀơi pran yang pơpŭ kơ ơi yă. Gơñu pơmin lĕ, hmâo than bơnga dar kơñĭ hiam kơ sang mơ-ak Tết laih anun amra pơkiăo đuăi abih hơdôm djuai rơhung atâo amăng sa thun. Hơdôm than bơnga dar kơñĭ lăi nao kơ pran khin hơtai hăng čang rơmang sa thun rơnuk rơnua, yâo mơ-ak, tơphă mơ̆ng ană mơnuih.

VOV4.Jarai - Tơlơi akhan đưm Đao ơi Tŭ gah djuai ania Bahnar akhan kơ pô sông kơtang djuai ania Bahnar. Ñu lăng ƀuh tơlơi djai brŭ păp drăp mơ̆ng plơi pla anun ñu pơsit pran pô hyu ĕp mơnuih rơgơi mơbruă gum hrŏm blah pơdjai ayăt, pran jua ñu hmâo ngă laih lŏn adai pơpư̆ pran jua, kơnang kơ hmâo đao yang brơi, ñu hmâo blah prai laih ayăt ba glăi tơlơi rơnuk rơnua kơ plơi pla.

VOV4.Jarai - Dap Kơdư dơng mơ̆ng đưm đă ră hlâo jing laih kual lŏn mơyang, tơlơi ruai, tơlơi akhan. Kah hăng rim kơčong čư̆, ia čroh hnoh, ia krông, rim blah glai klô leng kơ hmâo yang. Ƀơi anun, tơlơi ƀuh ƀô̆ mơ̆ng ƀing yang rơbang Lŏn Adai, ƀing ơi pơtao kah hăng Pơtao Apui, Pơtao Ia, Pơtao Angin. Mơnuih Jarai ƀơi Dap Kơdư pơmin, ia lĕ phun tơlơi hơdip.

VOV4.Jarai - Tơlơi akhan “Yang Ulâm” gah djuai ania Bơnông akhan kơ dua čô đah rơkơi, sa čô pơdrŏng asah hăng sa čô mơnuih lĕ ƀun rin biă. Pô đah rơkơi ƀun rin nao bưp yang Ulâm, dưi hmâo yang pơtô brơi hơdră bơwih ƀong huă jing pơdrŏng asah, kơđai glăi pô đah rơkơi pơdrŏng hla tui pô ƀun rin tơdơi kơ ngă tui 3 mơta tơlơi kiăng yang brơi jing hĭ ƀun rin. Tơlơi akan kiăng lăi pơthâo, kiăng tơlơi hơdip mơda jơnap, pơdrŏng asah khom triăng mă bruă hăng pran jua pô.