VOV4.Jarai - Eo hăng rơmung – dua djuai hmâo drơi jăn hăng pran kơtang phara, samơ̆ jing adơi ayong amăng sa bôh sang anô̆. Tơlơi akhan anai amra pơdah hơdôm tơlơi bơkơtưn bôh thâo ia rơgơi ngă gêh tơnap biă, hơdôm tơlơi hmâo ngă arăng či klao ƀu jing či hia ƀu jing hăng sa tơlơi pơđut bă kơ tơlơi ƀu hmao thâo. Dong mơ̆ng sa čô čơđai ƀun rin, Y Nhuăt hmâo jing laih sa Ơi pơtao pơdrŏng asah, hmâo kơdrưh. Samơ̆ tơlơi lăp yôm hloh tơlơi pơdrŏng asah gơnam tam, pran jua thâo khăp hăng tơlơi lăng ba mơ̆ng ñu pioh kơ ană plơi. Tơlơi akhan kơ Y Nhuăt ƀu kơnong kơ jơlan pơplih tơlơi hơdip klă hiam ôh mơ̆ ñu dô̆ jing tơlơi kiăng lăng nao pran run đĭ hăng pran thâo khăp pap, na nao dưi hmâo djuai ania Êđê pơpŭ bơni.

VOV4.Jarai - Tơlơi akhan đưm “Mong tô bôh đung” akhan kơ rơkơi bơnai plao, dưi hmâo yang păp brơi sa čô ană đah rơkơi. Rơngia amĭ, pô ama hia truh kơ mŏt mơta samơ̆ ăt gir run mă bruă mơn pioh rông ană jing mơnuih. Tơdơi kơ jing khua apăn bruă hăng dô̆ bơnai, gơñu thâo tơngia kơ ama samơ̆ yua kơ sa tơlơi huĭ rơngiă kông ngăn mơ̆ mă uăh (tô) bôh đung pioh ngă mong brơi kơ ama yua huă asơi. Kơnang kơ ană gơñu mơ̆ dua rơkơi bơnai khua tơring glông mơ̆ng ƀuh rơđah pô ngă tui anun ƀu thâo tơngia luă tơgŭ kơ ama. Tơlơi akhan kiăng pơtă kơ ƀing ta sa tơlơi lĕ amăng tơlơi hơdip mơda khom thâo tơngiă luă tơgŭ kơ amĭ ama, pơpŭ, jum ba čem rông amĭ ama hăng tơlơi klă hiam hăng ngă hơdôm bruă klă hloh kơ amĭ ama lơm amĭ ama dô̆ hơdip.

VOV4.Jarai - Amăng tơlơi akhan đưm djop djuai ania kual Trường Sơn – Dap Kơdư, gru rup ƀing tơdăm drit druai hluai tŏng amĭ djai ba, ama djai lui, sang anô̆ ƀun rin, djop mơnuih bơrơmut kơ ñu, gir run triăng mă bruă juăt ñu hmâo yang djru. Anai ăt lĕ tơlơi čang rơmang mơ̆ng mơnuih ƀôn sang dưi gơgrong bŏng glăi tơlơi tơnap yak rơgao ƀun rin tơnap tap, hmâo sa tơlơi hơdip mơda kah hăng pô čang rơmang. Tơlơi akhan “Thao H’ Khiết” mơ̆ng djuai ania Hơdang akhan kơ pô tơdăm drit druai ƀun rin tơnap tap Thao H’ Khiết dưi dô̆ kơ ană ơi pơtao hiam bơnai, kơnang kơ yang djru jing pơdrŏng asah, dưi hmâo rơkơi bơnai ơi pơtao hơk mơ-ak biă, lăng djơ̆ pran biă.

VOV4.Jarai

VOV4.Jarai - Tơlơi akhan đưm H’ Kung hăng Y Du gah djuai ania Êđê akhan kơ tơlơi pơkhăp tơdăm Y Du hăng dra H’ Kung samơ̆ bưp tơlơi hơngah mơ̆ng ayong H’ Kung lĕ Y Dang. Dua gơñu črông lô đuăi kơdop pơ̆ sa anih ataih ƀơi čư̆ dlông, glai kơmrong pioh Y Dang huăi ĕp ƀuh. Wot dua gơñu amra pha drơi pha mă bruă, tơdah giong bruă ha amăng plĕ lĕ dưi pơdô̆, tơdah ƀu hmâo lĕ khom dô̆ ataih nao rai na nao. Hluai tui tơlơi akhan anai dưi pơblang phun akha djuai ania Êđê Bih, djuai ania Jarai ră anai. Ăt amăng tơlơi akhan đưm anai mơn ƀing Êđê đưm pơblang yua hơget hmâo tơlơi bư lun yang blan.

VOV4.Jarai - Tơlơi akhan đưm “Tơdăm Phu yâo mơ-ak” mơ̆ng pô thâo čih bôh pia Oscar Wilde (Ireland) jing sa tơlơi akhan hmư̆ ol kơdol pran jua biă, tơlơi thâo khăp pap, wor bit drơi pô hăng tơlơi kiăng khăp kơplah wah ană mơnuih. Tơlơi akhan kơ rup man Tơdăm Phu yâo mơ-ak – sa rŭp man mơ̆ng pran jua thâo khăp pap, lăng tui hăng gum djru mơnuih ƀun rin amăng ƀôn prong. Hrŏm hăng sa drơi čim črang črah anet, tơdăm phu hmâo jao laih abih bang hơdôm hơget pô hmâo pioh ba glăi tơlơi yâo mơ-ak hăng tâ̆o yâo kơ hơdôm mơnuih tơnap tap ƀu tơphă.

VOV4.Jarai - Ƀơi să Triệu Hải, tơring glông Dă Teh hlâo adih, ră anai lĕ tơring glông Dă Huoai, tơring čar Lâm Đồng hmâo drai ia hiam biă hăng lăng kơdrom biă hmâo anăn iâo tui tơlơi Mạ lĕ drai Dă Kla. Mơ̆ng hăng glông kơčong čư̆ dlông, khă bơyan hơjan ƀudah bơyan phang, drai ia ăt hmâo ia kuh thun mơn. Mơ̆ng anih anom hiam anai, tha plơi djuai ania Mạ akhan glăi kơ drai ia Kla anai hăng pran jua pơdah ol kơdol biă.

VOV.Jarai

VOV4.Jarai - Tơlơi akhan kơ gru grua drai ia klâo tal gah djuai ania Bahnar akhan kơ rơkơi kơjăp pran jua, bơnai hiam bơnai ƀat bruă hơdip mơda ƀu dưi pơklah, amăng sa wot hyu glai hyu ĕp hơbơi pung pioh pơtlaih rơpa kơ sang anô̆ yua kơ adai lu thun ƀu hmâo hơjan trun, H’Du hmâo yang sat Steng mă pơkŏng. Tơdăm Bli bưng băi kơnang kơ tơlơi gum djru mơ̆ng 3 drơi hlô anur, bui glai hăng kơsua hăng tơlơi khin hơtai mơ̆ng ñu dưi pơtlaih H’Du hăng dưi pơđoh ia amăng luh. Glông ia rô ơ-uk kơtang jing laih glông ia rô kơtang rô trun jing drai ia klâo tal kah hăng ră anai. Tơlơi akhan đưm ăt ba glăi mơn tơlơi kiăng lăi pran jua kiăng khăp khom ha pran jua, dơlăm abih pran jua yua kơ pô khăp khă glêh tơnap ăt yua kơ tơdruă mơ̆ yak rơgao.

VOV4.Jarai - Gru grua hmâo phun kơphê lĕ sa tơlơi ruai đưm djă jă tơlơi mơnuih bôn sang đưm ƀơi Dap Kơdư, ruai glăi kơ pơphun hmâo phun kơphê – djuai phun nao hrŏm hăng tơlơi hơdip mơda mơ̆ng neh wa kual lŏn anai. Tơlơi ruai kơ sa plơi pla anet ƀơi anih mơnuih ƀôn sang dô̆ hơdip gum hrŏm tơdruă. Tơlơi ruai djă pioh gru grua sa čô tơdăm khin hơtai, hmâo kơdŏng glăi čim hơtai, pioh pơgang plơi pla. Mơ̆ng hơdôm tơdjoh drah pô tơdăm anun ngă jă lŏn mơnai sa kual lŏn prong, hăng hmâo čăt đĭ sa djuai phun ba glăi mơngưi phara, anun lĕ phun kơphê.