VOV4.Jarai – Tơlơi akhan Jarai H’ Bia, H’ Lŭi hăng rơman glai lĕ tơlơi akhan djă anăn tơring glông Sông Hinh (Phú Yên), giăm hăng Dak Lak. Akhan kơ dua adơi amai H’ Bia, H’ Lŭi drit druai hơdip kiăng khăp nao rai, hiam bơnai hloh kual, ngă lu tơdăm hor dô̆ kơ dua gơñu. Samơ̆ ƀu bưng, adơi ñu H’ Lŭi dô̆ djơ̆ pô hyu dŏp hmư̆ hing hyu djop dêh, yang hlư̆ jing rơman pơkiăo trun ƀơi rŏng lŏn wai lăng kual glai klô čư̆ siăng Ia Ly truh pơ̆ Phước Tân hăng tuč rơnuč ñu ba truh kơ djai rai pluk. Tơlơi akhan hmâo pơblang mơn, yua hơget glăi hmâo rơ-ưng bôh pơtâo rŭp čim grư̆ dăng čăng prong pơgang sa anih asuek kơčong čư M’Kuy, kah hăng kiăng pơgang mơnuih tâ̆o klă mơ̆ pơ ala kơ anun lĕ amai H’ Bia.

VOV4.Jarai – Tơlơi akhan đưm “Ană yang bôh pơtâo” mơ̆ng djuai ania Bơnông lĕ tơlơi akhan đưm akhan kơ pô bơnai dra hiam ană yang bôh pơtâo hmâo 2 rơkơi bơnai tha ƀu hmâo ană bă ngă ană rông samơ̆ ƀu dô̆ hlao hăng rơkơi bơnai tha anun ôh. Tơlơi akhan pơdah anô̆ čang rơmang mơ̆ng mơnuih đưm ăt kah hăng ră anai, hmâo jing laih sang anô̆ lĕ khom hmâo ană bă hă tơlơi hơdip mơda mơ̆ng pơđao pran jua hơđong mơ-ak hăng kơnong kơ yâo mơ-ak pơhlôm lơm pô dô̆ hơdip hăng hơdôm kông ngăn yua kơ drơi pô pơdŏng pơjing hăng ngă rai anun kah mơ̆ng hmâo nua yôm.

VOV4.Jarai – Tơlơi akhan đưm “Tơdăm Drit ƀun rin” Gah djuai ania Hơdang lĕ sa tơlơi akhan kơ pơdah tơlơi čang rơmang mơ̆ng ană mơnuih yak rơgao tơlơi ƀun rin, tơnap tap, tơlơi lông amăng tơlơi hơdip mơda pioh hơduah ĕp tơlơi yâo mơ-ak kơ drơi pô.

VOV4. Jarai

VOV4.Jarai – Tơlơi akhan “Tơdăm mluk ñoh tui arăng” akhan kơ tơdăm mluk bơnai ñu amra tlaih lui. Lơm anun, amĭ ama bơnai ñu hưp kơ prăk kiăng mă brơi kơ bơnai ñu ană arăng pơdrŏng, hrăm dlông. Lơm tah hơtai, ñu dưi hmâo mơnuih pơtô brơi mơneč kiăng bơnai ñu huăi tlaih lui. Hơdôm hrơi yŭ ngŏ đuăi hyu, ñu hrăm hơdôm tơlơi hmư̆ hing arăng juăt yua. Truh hrơi amĭ ama bơnai ñu nao tơña kơ pô pơkon, ñu nao hmư̆ hrŏm hăng tô̆ tơnô̆ ñu ha pơhiăp hơdôm bôh pơhiăp hmư̆ hing, ngă djop mơnuih dô̆ kơtuă. Mơ̆ng anun, pô tơdăm pơdrŏng anun ăt khom tlaih lui mơn tơlơi pơmin či gô̆ dô̆ bơnai tơdăm mluk anun, hăng amĭ ama bơnai ñu ăt tŭ ư mơn tơdăm mluk ngă han tâo ñu.

VOV4.Jarai – Tơlơi akha đưm “H’bia tal dua rơpăn” gah djuai ania Hrê akhan kơ bruă đĭ hăng dlông adai bă kơ tơlơi lông ĕp glăi bơnai ñu yua Yang grom tal mă ba glăi mơng dua ama ană sang anun. Găn rơgao lu tơlơi tơnap tơlơi lông mơng sang adai, tuč rơnuč rơkơi bơnai ană bă gơñu dưi tum jơngum hơdip hrom yâo mơ-ak hăng dưi hmâo wai lăng sang adai.

VOV4.Jarai – Tơlơi akhan đưm “Tlâo čô tơdăm prong pran săn hơtai” gah djuai ania Bahnar akhan kơ sa čô amĭ nao mă bruă pơ̆ hmua, mơñum ia yang hăng tơkeng rai 3 čô ană prong pran săn hơtai tuh rơyuh pran jua pơdŏng hăng pơgang plơi pla. Tơlơi akhan bơni kơ pran săn hơtai hăng pran jua gum hrŏm hơbit mơ̆ng mơnuih đưm hlâo. Rơgao tơlơi akhan, ăt brơi ta thâo mơn phun akha mơ̆ng mơnuih Dap Kơdư, mơnuih Yuan hăng mơnuih Lao jing 3 adơi ayong mơ̆ng sa amĭ tơkeng rai.

VOV4.Jarai

VOV4.Jarai – Tơlơi akhan “A Tin” gah djuai ania Sêdang akhan glăi tơlơi tơnap tap mơ̆ng pô tơdăm drit druai ƀun rin tơnap tap, ha jăn păn samơ̆ dô̆ hơdip klă, hmâo pran jua hiam, thâo kiăng khăp djop mơnuih. Yâo mơ-ak truh laih hăng ñu, tơdơi lu tơlơi lông amăng tơlơi hơdip mơda.

VOV4.Jarai