VOV4.Jarai - “H’bia Mim” lĕ sa tơlơi akhan đưm gah djuai ania Kbru – Vân Kiều, lăi nao gru grua bôh thâo, tơlơi ngă yang hăng pran jua ană mơnuih gah djuai ania ƀiă ƀơi kual čư̆ siăng Trường Sơn. Tơlơi akhan, akhan kơ sa čô đah kơmơi hiam bơnai, khin hơtai, hmâo drơi jăn hling hlang ha mơkrah mơnuih, ha mơkrah mim, ƀô̆ mơta lăng khăp pap. Ñu lĕ gru lăi nao mơ̆ng tơlơi tuh rơyuh pran jua prong prin, mơ̆ng tơlơi kiăng khăp dơlăm hăng plơi pla, hăng glai klô hăng ană mơnuih.