Tuai čuă ngui rai pơ Việt Nam đĭ kơtang
Thứ năm, 10:45, 10/07/2025
VOV/Siu Đoan Pơblang
VOV/Siu Đoan Pơblang
VOV4.Jarai-Amăng ha mơkrah akŏ thun 2025, mrô tuai čuă ngui mơng tač rơngiao rai pơ Việt Nam rơbêh 10 klăk wŏt, đĭ rơbêh 20% pơhmu tui tơđar thun hlâo. Abih tih mrô tuai čuă ngui amăng lŏn ia giăm 80 klăk wŏt, đĭ rơbêh 8%. Prăk pơhrui mơng tuai čuă ngui giăm 520 rơbâo klai prăk.
Amăng mông jơnum lăng nao rai mơng ataih kơ bruă jao akŏ phun mơng gơnong bruă tuai čuă ngui, ơi Nguyễn Văn Hùng, Khua ding jum gru grua, bơrơguăt drơi jăn hăng tuai čuă ngui ba tơbiă hơdôm bruă jao tong ten amăng hrơi blan đơ đam dêh čar hơmâo pơgiong bruă dưm dăp glăi anih anom hăng pok pơhai gong gai ƀon lan 2 gưl.
Khua ding jum rơkâo djop ƀon lan tañ pel ĕp glăi, hơmâo hơdră tuh pơ alin anih bơwih brơi tuai čuă ngui. Ƀu djơ̆ kơnong amăng akŏ bruă tuai čuă ngui Việt Nam hơmâo lăi pơthâo, hơdôm boh ƀon lan kiăng kiăo tui lăng, pơhrua akŏ bruă tui rơnuk phrâo, laih dong pơsit tong tơlơi gal mơng rĭm bit anih, hơmâo hơdră bruă ngă, pơlir hơbit kual kiăng pơjing rai gơnam bơwih ƀong tuai čuă ngui klă hloh.
Viết bình luận