VOV.Jarai-Gơnong bruă Gru grua, Pơrơguăt drơi jăn hăng Tuai čuă ngui Dak Lak phrâo ngă hrŏm sang hră đôm lăm kơnuk kơna čem rông djă anăn Đinh Núp, să Phú Mỡ pơđut laih tal pok anih pơtô hrăm atông čing tui hăng anăn Pah hơgor mơdua, jua čing tlâo, hơmâo rơma boh čing hlai ƀơi sang hră thun hrăm 2026. Anai lĕ anŏ hiam gru grua đưm, phara biă mă, jing kông ngăn gru grua hiam bơngăt jua mơ̆ng djuai ania Bahnar hăng Čăm Hruai.

VOV.Jarai-Tơdơi kơ 2 blan pơphun anih pơtô hrăm, gơnong bruă gru grua tơring čar Dak Lak ngă hrŏm sang hră đôm lăm kơnuk kơna čem rông ba čơđai sang hră djuai ƀiă djă anăn Đinh Núp, să Phú Mỡ pơđut laih tal pơtô hrăm pah hơgor mơdua, atông tlâo čing ania, rơma čing hlai ƀơi sang hră anai thun 2026.

VOV.Jarai - Ƀơi kual Dap Kơdư, sang rung mơ̆ng đưm hlâo laih jing gru pơ ala brơi plơi pla Bahnar. Pơbung sang glông sĕp hăng adai, ƀu kơnong ngă hiam kơdrưh plơi pla đôč ôh, ăt jing anih pơbưp, črông sai bruă hrŏm, anih ngă yang, atông čing hăng djă pioh, pơtô glăi gru grua hiam mơ̆ng rơnuk anai truh tơdơi adih.

VOV.Jarai-Ƀu kiăng anih ngui adôh suang pơprong, kơnong kơ gơnam mơñam mơng kram, hơdôm tơnă drăng, hơdôm boh grê hơmâo dưm ƀơi anih rơk čăt mơtah mơda ter hang ia rô trun mơng dơnao Mỹ Lâm, jơlan hơdră ngui adôh suang hăng anăn “Pơbưp ƀơi Mỹ Lâm” hơmâo pơphun mơng rơnuč blan 8, akŏ blan 9/2026 ngă pơhưč lu mơnuih. Hrŏm hăng čroh ia rơ-ơ̆, glai ia dăo Bầu Đá, Plơi Sen Vinh Ba hăng ră anai lĕ anih pơbưp ƀơi Mỹ Lâm…să Hoà Thịnh glăk pơjing rai anih gru grua-tuai čuă ngui phrâo.

VOV.Jarai-Tong krah yang hrơi adai pơđiă kơtang, jua čing tơ-ua đĭ hmư̆ ir ar, dik dăk, jing jua mơñi mơ̆ng đưm đă dŏ djă pioh na nao amăng tơlơi hơdip rơnuk anai, yua mơ̆ng ƀing kơhnâo kơhnăo bruă čing hơgor greh gruñ ngă bruă abih pran jua, pơtô glăi kơ čơđai rơnuk tơdơi. Hăng 33 ring čing, rơbêh 50 čô mơnuih thâo atông čing hơgor hăng 6 čô mơnuih thâo tul, tia ƀư̆ pơgăl jua čing, anai lĕ kông ngăn yom djru kơ Dang Kang ăt tŏ tui djă pioh gru grua hiam, kông ngăn đưm amăng tơlơi hơdip mơda rơnuk anai.

VOV.Jarai - Tlam kơnôl 17/9, Khua anom pơtô bruă Ping gah dêh čar ơi Trịnh Văn Quyết ngă bruă hăng hơdôm anom bruă, pơtrut tui tơlơi gơgrong, anŏ yom mơ̆ng gru grua, gum pơgôp amăng rơnoh đĭ kyar bơwih ƀong huă tui Hră pơtrun Jơnum ping gah dêh čar tal XIV.

VOV.Jarai-Hrŏm hăng bruă tuh pơ alin man pơkra anih anom blung a, hơdră djru pơđĭ kyar tuai čuă ngui amăng plơi pla ƀơi Dak Lak rơwang phrâo tui jơlan gah djru brơi na nao, pơlir hăng hrưn đĭ klă bruă mă mơng mơnuih ƀôn sang,djă pioh gru grua hăng tơkuh nao rai anih bơwih ƀong. Anai lĕ boh tơhnal hơmâo đing nao pơčrông sai amăng Jơnum kơ bruă “Lăng glăi bruă ngă tui hơdră djru pơđĭ kyar tuai čuă ngui amăng plơi pla kual mơnuih djuai ania ƀiă pơlir hăng djă pioh, tŏ tui gru grua djuai ania amăng tơring čar” yua Jơnum min pơ ala mơnuih ƀôn sang tơring čar Dak Lak pơphun tlam (17/9).

VOV.Jarai-Ƀơi plơi prong sô hơđăp Hội An, ƀôn prong Đà Nẵng pơphun jơlan hơdră ngui gru grua, ayun suang mơng khul hlăk ai Colombia, pơgôp ngă tơkuh nao rai gru grua, kơtưn thâo hluh hăng ngă giang mah kơplah wah Việt Nam hăng Colombia.

VOV.Jarai - Ƀơi kual DapKơdư lăi hrŏm, tơring čar Gia Lai lăi phara, jai hrơi hơmâo lu hlăk ai mă yua plang ngui mơnuih mơnam ƀu kơnong či ngui kiăng mơak đôč ôh, ăt thâo pơdar mă video, livestream, ră ruai kơ plơi pla, gru grua, gơnam mơ̆ng hmua hăng tơlơi hơdip amăng plơi pla. Ƀing gơñu jing mơnuih pơčeh phrâo tơlơi ba pơdah, djru ba đĭ rup lŏn Dap Kơdư jê̆ giăm hloh hăng mơnuih ƀôn sang. Ƀing ta nao bưp lăng hơdôm čô mơnuih ƀơi mông Jơnum KOL tơring čar Gia Lai thun 2026 hơmâo pơphun amăng kơnôl 11/9 ƀơi Pleiku.

VOV.Jarai - Mơguah kơnôl 10/9, ƀơi Anih gru đưm Pra yang Tây Sơn Tam Kiệt, să Tây Sơn, tơring čar Gia Lai, ngă yang dưm bơnga, čuh ñang hăng huă pơsat hơdor glăi 234 thun hrơi pơyua atâo Ơi pơtao Quang Trung - Nguyễn Huệ.