VOV.Jarai- Festival Ia rơsĭ Khánh Hòa thun 2027, him lăng pơblih phrâo hơdră či pơphun, sui truh abih pă bơyan amăng sa thun, pơhrua hĭ bruă ngă ră anai, kơnong pơtum nao kơ sa bơyan  pơdơi prong đôč.

VOV.Jarai-Hăng djuai ania Jarai, asar braih pơjeh pơdai ƀu kơnong hnă rông ba tơlơi hơdip ană mơnuih đôč ôh, dŏ jing anŏ lir hơbit tơlơi đăo kơnang amăng bongăt jua, tơlơi phiăn juăt mơ̆ng đưm hăng tơlơi gum pơgôp amăng plơi pla ala ƀôn. Tơdơi kơ rĭm bơyan hơpuă yuă, ngă yang huă asơi, braih pơdai phrâo, kiăng bơniw hơ-ơč kơ khul yang rơbang, mơak yua hơmâo hơpuă yuă pơdai jor kơtor lu, tơlơi bơwih ƀong huă amăng sa thun hơmâo boh tŭ yua, mơnuih ƀôn sang trơi pơđao yâo mơak. Rơnuč blan 10 phrâo laih rơgao, ƀơi ƀôn Ia Amrŏn, să Ia Pa, tơring čar Gia Lai, arăng pơphun glăi bruă ngă yang huă asơi hle, braih pơdai phrâo kiăng pơpŭ kơ rơnoh yom gru hiam mơ̆ng djuai ania Jarai hơbai ta dŏ djă pioh na nao amăng tơlơi hơdip mơda.

VOV.Jarai - Hăng anăn jơnum ngui “Đà Lạt - Mut hrŏm ia iŏm bơnga hiam hăng yŭ goong brô̆”, Festival Bơnga Đà Lạt tal 11, thun 2026 him lăng pơphun mơ̆ng kơnôl 19 truh kơ 13/12.

VOV.Jarai - Mơ̆ng hrơi anai kơnôl 20/10, Gong phun jua pơhiăp Việt Nam lông pơtui jua goong brô̆ tơlơi adoh phara VOV Sonata FM 89, plang pơtui jua adoh, er goong brô̆, hơmâo pơphun ngă kiăng ngă sit tui hăng Hră pơtrun mrô 80 mơ̆ng Ding jum kơdi čar kơ đĭ kyar gru grua Việt Nam hăng jơlan hơdră pơkra lu bruă či pôr jua pơhiăp mơ̆ng Gong phun jua pơhiăp Việt Nam.

VOV.Jarai - Amăng glai rưng Dơng K’Nơh, să Dam Rông 4, tơring čar Lâm Đồng, jua thong rơbok krih tơluah kram hmư̆ kriah kriah mơ̆ng ơi Rơ Ông Ha Bông. Gơnam mơñam hơkă, rêu rô jing hơmâo mơ̆ng glai rưng, mơ̆ng anun pô mơñam pơkra rai hơkă, bai, rêu rô či mă yua, laih anun răk lui bruă pơkra gơnam mơ̆ng djuai ania amăng lu rơnuk thun.

VOV.Jarai-Pioh čơkă hrơi hơdor glăi 96 thun hrơi akŏ pơjing Khul mơnuih ngă hmua Việt Nam, Khul pơlir đah kơmơi Việt Nam hăng hrơi pơpŭ đah kơmơi hrơi Việt Nam (20/10), tơring čar Dak Lak pơphun mơmŏt ngui buh ao adai hăng buh eng ao djuai ania hăng anăn “Anŏ hiam Dak Lak-Pơtum pơƀut hăng ngă bang hyu”.

VOV.Jarai-Kơnuk kơna lông ngă tui hơdră lui hĭ hră rơkâo mut tơbiă amăng dêh čar, juăt lăi Visa kơ tuai dêh čar Khač, hyu ngui lu grup nao pơ tơring čar Khánh Hòa, trun ƀơi tơdron rơdêh por jar kmar Kam Rañ truh abih thun 2027.

VOV.Jarai - Ƀơi Tơdron lăk Đông Kinh Nghĩa Thục ƀơi plơi prong Hà Nội, Ding jum gru grua, bơkjăp drơi jăn hăng tuai čuă ngui pơphun bruă mă “Rim čô mơnuih ruah mă aset biă ñu sa tơlơi hrăm bơkjăp drơi jăn lăp djơ̆ či pơtŏp rơguăt re se”.

VOV.Jarai-Mơng hơdôm ƀĕ đing kram, đing djrao mơng glai rưng, mơnuih kơhnâo A Bang, djuai ania Sêdang dŏ amăng plơi Đăk Tô 3, să Đăk Tô, tơring čar Quảng Ngãi, dưi pơkra rai lu djuai gông brô̆ djă pioh er mơñi mơng glai čư̆ kual Dap kơdư. Tơlơi yôm ƀiă dong, ñu ƀu djơ̆ kơnong djă pioh bruă pơkra gông brô̆ đôč ôh mơ̆ ăt pơsur pran khăp hăng tơngia mă er mơñi mơng gông brô̆ djuai ania pô kơ ƀing hlăk ai čơđai.

VOV.Jarai-Rơnuč blan 9 hăng akŏ blan 10, să Phú Thiện, tơring čar Gia Lai pơphun 3 mlăm ngui atông čing rơnuč rơwang hrơi tơjuh ƀơi plơi Kte, Rbai, Amil hăng thôn Phú Thiện. Mơng hơdôm anih pơtô hrăm atông čing truh pơ hơdôm tlam mơmŏt ngui atông ƀơi sang jơnum plơi pla jing anih kiăng djop rơnuk djuai ania Jarai ngui atông hrŏm, črâo glăi gru grua djuai ania. Hơdôm hrơi ngui ƀu djơ̆ kơnong kiăng ruah ƀing kơhnâo kơhnăk mut ngui Festival čing hơgor Gia Lai thun 2026 đôč ôh ăt pơgôp djă pioh anih ngui gru grua čing hơgor Dap kơdư-Gru grua gah bơngăt yôm phara mơng ană mơnuih.