VOV.Jarai - Ba gru grua jing tơlơi gêh găl pơtrut đĭ kyar, pơjing rai gơnam hăng bơwih bơwang hơmâo anŏ yom hơmâo prăk kăk jing tơlơi hơmâo khua mua tơring čar Dak lăk ba tơbiă ƀơi mông jơnum lok 2 mơ̆ng Khul git gai bruă đĭ kyar gru grua tơring čar phrâo pơphun jơnum. Anai jing bruă kiăng ngă na nao mơtăm či pơtŏng glăi boh than hơmâo ngă tui hăng Hră pơtrun mrô 80 mơ̆ng Ding jum Kơđi čar kơ đĭ kyar gru grua Việt Nam ƀơi tơring čar.

VOV.Jarai-Amăng tơlơi hơdip phrâo ră anai, lu gru grua djuai ania ƀiă glăk dong ƀơi anăp kơ bruă rơngiă hĭ. Samơ̆ ƀơi ƀuôn Hai, să Cư Mta, tơring čar Dak Lak hơdôm anŏ hiam gru grua djuai ania Êđê ăt hơmâo mơnuih ƀôn sang dŏ djă pioh hăng pơtô glăi rơnuk tơdơi dong. Mơng jua čing hơgor hmư̆ tơ-ua, hơdôm tơlơi ngă yang gru grua truh pơ tơlơi pơmĭn djă pioh gru grua amăng rĭm boh sang anŏ hơmâo pơgôp tŏ tui gru grua ƀơi anai.

VOV.Jarai - Tơlơi phiăn tơkung yang akan Lệnh Ông Sanh - jing tơlơi phiăn yom biă amăng Tơlơi ngă yang akan ƀơi hơdôm plơi pla mă akan phường Phan Thiết thun 2026 - hơmâo pơphun yom biă ƀơi ia rơsĭ, ia krông Cà Ty hăng hơdôm glông jơlan phun mơ̆ng Phan Thiết, Lâm Đồng. Tơlơi ngă yang anai ƀu kơnong mơit pioh tơlơi čang rơmang, iâu lăi kơ bruă nao mă akan pơ ia rơsĭ rơnuk rơnua, nao truh glăi blot đôč ôh, ăt djru bong kjăp gru grua hiam mơ̆ng plơi pla pơ ia rơsĭ.

VOV.Jarai-Mut hrŏm hăng hrơi ngui dik dak Thun tuai čuă ngui dêh čar ƀơi Gia Lai thun 2026, dong mơng kơnôl 7 truh pơ kơnôl 9/8, Jơnum min mơnuih ƀon sang să Phú Túc, tơring čar Gia Lai pơphun hrơi ngui gru grua-bơrơguăt drơi jăn djop djuai ania ƀiă tal I pơlir hăng Jơnum sang čơ sĭ gơnam đang hmua OCOP. Hơdôm tơlơi ngui dik dak mơ-ak pơdah tơlơi hơdip gru grua yôm phara mơng djop djuai ania ƀiă ƀơi anai.

VOV.Jarai-Hơdôm boh anih pơtô glăi atông čing ƀơi Dak Lak ƀu kơnong pơgôp hrŏm bruă râo pơdưh pran jua khăp kơ gru ama grua amĭ kơ djop gưl rơnuk čơđai ră anai đôc ôh, dŏ jing hơdră mơ̆ tơring čar anai ngă tui tum hloh hơdôm tơlơi pơkă, bruă pơtrun amăng Hră pơtrun mrô 80 mơ̆ng Gơnong dlông. Lơ̆m jơlan hơdră kơnuk kơna djru ba dưi ngă tui sit nik ƀơi rim boh plơi pla, kông ngăn gru grua đưm ƀu kơnong dưi djă pioh đôč ôh dŏ dưi tŏ tui, pơtô glăi kơ rơnuk anai, djă pioh amăng tơlơi hơdip mơda lơ̆m plơi pla.

VOV.Jarai-Hăng akŏ ñu “Djă pioh gru grua hiam kual ia rơsĭ-Ngă yang kiăng mơnuih ƀôn sang mơak lŏn ia rơnuk rơnua-Mơnuih mă akan hơdang nao pơ ataih tŭ yua”, Ngă yang iâu bơngăt akan mơ̆ng lu plơi pla hơdip mơda mơ̆ng bruă mă akan hơdang či Phan Thiết thun 2026 hơmâo pơphun jơnum prong ƀơi tơrưng adoh suang či akiăng jơlan Phạm Văn Đồng, phường Phan Thiết, tơring čar Lâm Đồng.

VOV.Jarai - Mơmot kơnôl 3/8, ƀơi Tơdron lăk Nguyễn Tất Thành, phường Quy Nhơn, tơring čar Gia Lai, pơphun Jơnum ngui jar kmar Tơlơi hrăm taih gru grua Việt Nam tal 9 - Gia Lai 2026.

VOV.Jarai-Tal blung a ƀơi phương Buôn Ma Thuột, tơring čar Dak Lak pơlir pơmut hrŏm kơplah wah bruă pơtô glăi gru grua djuai ania hrŏm hăng pơtô brơi boh thâo bơwih brơi tuai čuă ngui amăng plơi pla mơtăm, kiăng anăp nao pơjing rai ƀing hlăk ai thâo mă bruă, pơgôp djă pioh gru grua djuai ania Êđê dong, laih dong mut hrŏm pơđĭ kyar tuai čuă ngui amăng plơi pla.

VOV.Jarai-Tơdơi kơ pơmut hrŏm, tơlơi mơ̆ tơring čar Lâm Đồng hơmâo ƀu djơ̆ kơnong lĕ sa anih bơwih brơi tuai čuă ngui pok prong ƀiă. Tơlơi yôm ƀiă dong lĕ tơlơi dưi prong hloh kiăng pơplih glăi tơlơi pơmĭn pơđĭ kyar. Ƀu dŏ lĕ tlâo boh tơring čar phara. Ƀu dŏ tlâo kual bơkơtưn. Mơ̆ ră anai lĕ pơjing sa glông jơlan, sa anih tui nao, sa anăn apăn hrŏm. Anai ăt lĕ tơlơi mơ̆ lu anom bơwih brơi tuai čuă ngui glăk pơphun ngă tui.

VOV.Jarai-Ƀơi să Nâm Nung, tơring čar Lâm Đồng, djuai ania Bơnông hlăk pơlar tui gru grua hiam đưm djuai ania, jing pran kơtang pơtrut pơđĭ kyar čơkă tuai mut hyu ngui dŏ glăi amăng plơi pla. Nao pơ Yôk Nâm Nung ră anai, ƀing tuai ƀu kơnong hyu ĕp lăng lŏn mơnai glai klô hiam rô̆ đôč ôh, dŏ găn rơgao sem bruă mă, tơlơi dŏ dong ƀong huă, tơlơi phiăn juăt đưm hăng anih anom djă pioh gru grua hiam mơ̆ng djuai ania mơnuih ƀôn sang pơ anai.