VOV.Jarai-Tlam mơmŏt kơnôl 19/7, Festival Ia rơsĭ Khánh Hòa 2026 sit nik pơđut laih tơdơi kơ klâo hrơi pơphun tơlơi ngui ngor, jơnum prong mơak mơak hăng gru grua hiam, adoh suang, pơrơguăt drơi jăn hăng tuai čuă ngui. Boh tŭ yua mơ̆ng tal jơnum prong anai ƀu kơnong pôr pơthâo rup rap hiam kơ Khánh Hòa tơdơi kơ pơmut hrŏm đôč ôh, dŏ pok lu jơlan, ĕp anŏ gêh găl ngă hrŏm, pơjing atur kơ tơring čar anai pơphun lu tơlơi jơnum mơak pơprong jar kmar pơ anăp adih.

VOV.Jarai-Ƀơi mông jơnum prong ngui ngor Festival Ia rơsĭ thun 2026, tơring čar Khánh Hòa hlăk ngă giong hră lơkak pơčrâo ba tuai hyu ngui hăng ia rơgơi mrô Khánh Hòa. Atur ia rơgơi mrô hơmâo pơtlep hrŏm tơlơi pơčrang 3D, lơkak mrô hăng lu anŏ gêh găl ĕp lăng hmar tañ ƀuh, djru kơ bruă pôr pơthâo pơblih phrâo, brơi tuai rơnguai thâo anih či nao ngui, găn rơgao dŏ glăi hăng pơtrut ba yua mrô amăng bruă čơkă tuai hyu ngui.

VOV.Jarai-Plah wah amăng lŏn mơnai glai klô Dap Kơdư, djuai ania Sedang hơmâo pơjing rai lu mơta añăm ƀong jơman biă mă djă jă gru grua đưm amăng glai klô. Mơ̆ng dret pơtơi set hyu koh mă amăng glai ba glăi, mơ̆ng tơngan thâo bruă, ƀing adơi amai neh wa djuai ania Sedang pơjing rai tơpung ate hăng hla yao hơtŭk añăm dret pơtơi ƀong jơman ƀâo bơngưi, tơlơi anun djă kơjăp amăng pran jua lu rơnuk ană tơčô mô yâo amăng plơi pla.

VOV.Jarai-Hơdôm hrơi anai, ƀơi hơdôm boh ƀon lan amăng tơring čar Khánh Hòa glăk pơphun dik dak Festival ia rơsĭ thun 2026. Tơdơi ha thun pơmut hrŏm, bruă tuai čuă ngui ƀơi Khánh Hòa glăk hơmâo lu tơlơi pơplih prong lơm anih pơđĭ kyar hơmâo pok prong, gru grua yôm hơmâo tŏ tui, hơdôm anih čuă ngui jai hrơi pơhưč lu tuai čuă ngui.

VOV.Jarai - Arăng pia Pơdai Amĭ (Lúa Mẹ) hrŭp hăng pơdai čăm Jarai ta, jing pơjeh pơdai đưm mơ̆ng djuai ania K’ho, Raglai pơ să Phan Sơn, tơring čar Lâm Đồng (gah tơring glông Bắc Bình, tơring čar Bình Thuận hơđăp), pơlir hăng tơlơi hơdip neh met wa mơ̆ng đưm đă ră hlâo. Ră anai pơjeh pơdai anai hơmâo pơdjuai glăi dong laih anun rah pơtĕm ƀu hơmâo mă yua ia jrao arah hơget ôh, ngă hmua hơdjă đah mơ̆ng bơwih ƀong hơđong.

VOV.Jarai - Hrơi anai (kơnôl 18/7), ƀơi Sang gru grua Dak Lăk pơphun tơlơi ngui ngor atông čing bơwih brơi kơ mơnuih ƀôn sang hăng ƀing tuai rơnguai. Tơlơi hiam hloh ƀơi jơlan hơdră anai lĕ pơƀuh glăi tơlơi phiăn nao tŭ han mơ̆ng djuai ania Êđê. Anai jing gru hiam pơdah pơƀuh tơlơi phiăn djă kơnung amĭ amăng tơlơi pơdô̆ rơkơi bơnai mơ̆ng djuai ania ÊĐê.

VOV.Jarai-Mơng mơguah sing bring truh yang hrơi dong, tơlơi hơdip bơwih ƀong huă dik dak samơ̆ jê̆ giăm ba glăi anŏ yôm phara mơng plơi mă akan Mũi Né- Sa anih pơhưč ƀu djơ̆ kơnong yua kơ hiam đôč ôh mơ̆ ăt hơdôm gru grua yôm phara amăng plơi pla ter hang ia rơsĭ.

VOV.Jarai-Dŏ kơnong hơdôm hrơi amra pơphun Festival ia rơsĭ Khánh Hòa thun 2026, kơnôl 14/7, gơnong bruă gru grua, bơrơguăt drơi jăn hăng tuai čuă ngui tơring čar Khánh Hòa hơmâo kĭ pơkôl ngă hrŏm hăng Grab Việt Nam pok pơhai hơdôm hơdră pơplih mrô bruă tuai čuă ngui rơwang thun 2026-2030. Tơlơi kơđŏm glăi mơng jơlan hơdră anai lĕ pơjing “Hră lơkak Khánh Hòa kiăng ngă lông lăng” amăng ứng dụng Grab, djru brơi tuai čuă ngui amuñ ĕp lăng hơdôm anih ngui, hyu ĕp lăng hăng nao ƀong hơdôm gơnam ƀong jơman amăng tơring čar.

VOV.Jarai-Rơnuč rơwang hrơi kom laih rơgao, Gơnong bruă gru grua, Pơrơguăt drơi jăn hăng Tuai čuă ngui tơring čar Dak Lak ngă hrŏm Jơnum min mơnuih ƀôn sang să Ea Phê pok anih pơtô atông čing hăng ayun suang djuai ania Êđê. Anai lĕ anih pơtô tal klâo dưi pok pơhai tal anai, djru ba jơlan hơdră djă pioh kông ngăn gru grua hiam đưm djuai ania ƀiă čing hơgor hăng ayun suang amăng plơi pla.

VOV.Jarai-Hăng mơnuih ƀôn sang djuai ania Bahnar, jing čêng ta juăt lăi čing hơgor laih anun anih atông čing sa anŏ ngă hiam mơak bơngăt jua tơlơi hơdip gru grua mơ̆ng đưm. Jua čing kah hăng tơlơi pơhiăp pơtruh nao rai hăng khul yang rơbang tơlơi hơdip bơngăt jua, hrĕ mrai tô nao rai tơlơi khăp, gum pơgôp amăng plơi pla. Ƀơi anăp kơ tơlơi hơdip mơda rơnuk anai, ƀing tha rơma, čơđai muai, hlăk ai să Tơtung, tơring čar Gia Lai, plơi pla mơnuih khin hơtai đưm ơi Nup, glăk dŏ djă pioh, pơlar tui gru grua hiam djuai ania pô.