VOV.Jarai-Amăng tơlơi hơdip phrâo ră anai, lơm hơdôm rơnoh yôm gru grua glăk ƀơƀrư̆ rơngiă hĭ, amăng plơi pla Êđê ăt hơmâo lu mơnuih glăk kret kruai, gir kơtir djă pioh bơngăt gru grua djuai ania. Mơnuih kơhnâo Y Kŭt Niê (arăng juăt iâu lĕ Aê Nang), 80 thun, dŏ amăng ƀuôn Prao, să M’drak, tơring čar Dak Laklĕ sa amăng ƀing mơnuih lêng abih pran jua djă pioh čing hơgor, tơlơi adôh đưm hăng hơdôm boh gông brô̆ djuai ania Êđê.

VOV.Jarai-Amăng pơ-iă bơngač hăng hur angĭn thut hơdôm hrơi akŏ thun 2026, lơm glai kyâo kual Dap kơdư bluh hla mơda hiam hloh, neh met wa djuai ania Sêdang ƀơi ƀuôn H’ring (să Čư̆ M’gar, Dak Lak) dik dak ngui ngor mơ-ak. Anai lĕ bơyan ngă yang huă asơi hle-anih ngă yang kiăng pơlir tơlơi hơdip ană mơnuih hăng yang rơbang-hơmâo pơphun ngui ngor, pơƀuh lu gru grua sô hơđăp mơng djuai ania.

VOV.Jarai-Hăng lu hơdră djơ̆ găl laih anun hăng bruă mă sit nik, bruă ngă djă pioh anŏ hiam amăng gru grua plơi pla, tơlơi ră ruai glăi kơ bruă mă djă pioh hăng pơlar tui gru grua hiam đưm djop plơi pla ƀơi tơring čar Dak Lak hlăk tŏ tui, pơjing rai hơdôm anih hiam bơngač kơ bruă djă pioh gru grua hiam amăng plơi pla pơhưč ƀing tuai rơnguai.

VOV.Jarai - Rơnuč thun 2025 laih rơgao, Tơlơi ngă yang Tăm Ƀlang Mprang ƀon (ngă yang pla phun ƀlang, bư̆ war amăng plơi) mơ̆ng djuai ania M’nông hơmâo Ding jum gru grua bơrơguăt drơi jăn hăng tuai čuă ngui tŭ yap jing Gru grua bơngăt jua gưl dêh čar. Tơdơi kơ hơmâo mă Hră tŭ yap gơnam yom, neh met wa djuai ania M’nong ƀơi să Nâm Nung, tơring čar Lâm Đồng pơphun ngă yang “Tăm Blang M’prang ƀon”, hrŏm hăng tơlơi ngui bơrơguăt drơi jăn mơ̆ng djŏp djuai ania să Nâm Nung.

VOV.Jarai. Amăng plah wah glai klô čư̆ siăng lŏn Dap Kơdư, Lâm Đồng ƀu kơnong pơhưč ƀing tuai yua kơ ayuh hyiăng rơ-ơ̆, glai klô, kyâo pơtâo hiam đôč ôh, dŏ kơtang yua hơmâo anŏ hiam amăng gru grua đưm-anih hơdôm rơnoh yom mơ̆ng gru grua ăt dŏ djă pioh, tŏ tui hăng pơblih jing bruă kiăng găn rơgao brơi tuai čuă ngui dŏ glăi ngă hrŏm. Mơ̆ng jua čing hơgor tơ-ua hyu bă blai čư̆ siăng glai klô, hơdôm tơlơi ngui ngor ngă yang mơak amăng plơi pla, truh pơ bruă mă ngă anih dŏ djă pioh wai pơgang anŏ hiam kông ngăn gru grua, hiam phara hơmâo ngă hăng hlăk jing kah hăng “hrĕ tô” akă pioh tơkai phung tuai ƀu her đuăi sit nao pơ Lâm Đồng.

VOV.Jarai

VOV.Jarai-Ngă yang pơ anăn ƀudah ƀhet tơngia čơđai nge gah djuai ania K’Ho sa tơlơi ngă tŭ yua yom biă mă amăng tơlơi đăo bơngăt jua, čang rơmang pô anăn nge dưi prô̆ tơdăm prăm dra ƀa tơsâo thâo ngă pưk hmua pla tơrong pơhăng laih anun hơdor glăi kơ anih amĭ dor la ama dor sôk hăng hơdip mơda hiam klă tŭ yua kơ sang anŏ, phung wang añang kor, lŏn čar, plơi pla. Tơlơi čih anai yua Lơmu K’Yến ră ruai glăi tơlơi phiăn gru grua đưm djuai ania K’Ho dŏ djă pioh, ngă yang ƀhet tơngia kơ čơđai nge.

VOV.Jarai - Hăng djuai ania M’nông ƀơi Dap Kơdư, Tê̆t tui phiăn juăt ăt jing hrơi tum jơngum sang anŏ gơyut gơyâo hăng čơkă tuai rơnguai. Lơ̆m apui hơmâo pơtŏ jă, čeh tơpai hơmâo hrĭ, akă ƀơi tong krah sang, ană plơi hur har pran jua, tơpa tơngan čơkă kơnung djuai, gơyut gơyâo wơ̆t hăng ƀing tuai weh nao ngui amăng hrơi akŏ thun.         

VOV.Jarai - Hơdôm hrơi rơnuč thun Ất Tỵ, ƀơi djŏp plơi pla rôk tơkai čư̆ Trường Sơn, mơnuih djuai ania Pa Cô dik dak prăp rơmet či ngă Yang ia - sa tơlơi phiăn ngă yang hơmâo mơ̆ng đưm laih, jing gru grua phiăn juăt hiam mơ̆ng đưm. Găn rơgao hơdôm rơtuh thun akŏ pơjing hăng djă pioh, tơlơi ngă yang ƀu kơnong pơƀuh tơlơi hơdip ngă yang rơbang mơ̆ng djuai ania Pa Cô đôč ôh, ăt pơlir hơbit mơnuih ƀôn sang, djă pioh gru ama gru amĭ ƀơi kual čư̆ siăng Trường Sơn.

VOV.Jarai-Mơguah lơ 11/2, ƀơi Anih anom gru grua dêh čar pra yang Đình Lạc Giao, phường Ƀuôn Ma Thuôt, tơring čar Dak Lak, Sang bruă djă pioh gơnam gru đưm Dak Lak pơphun jơnum ngă yang amăng ruăi bruă ngă čơkă thun phrâo Bính Ngọ 2026, pơhưč lu mơnuih ƀôn sang hăng tuai hyu ngui nao jơnum hrŏm.