VOV.Jarai - Plah wah  bơyan phang ƀơi Dap Kơdư, lơ̆m đang hmua kơƀah ia, lŏn tơnah krô krañ, ƀơi ƀuôn Ky, phường Thành Nhất, tơring čar Dak Lăk, neh met wa djuai ania Êđê ngă yang adai hơduah ia hơjan. Mơit nao tơlơi čang rơmang hơjan rơnang phang mơak, tơlơi ngă yang anai kiăng kjăp tui tơlơi gum pơgôp, hơdip rơnôm laih anun djă pioh gru ama grua amĭ.

VOV.Jarai - Ngă lơphet 51 thun hrơi pơklaih rơngai kual Dơnung, pơlir lŏn ia ta jing sa, lu boh tơring amăng Dap Kơdư pơphun bruă jơnum gru grua, adoh suang yom, mơak, pơƀuh glăi thun blan hing ang, pơpŭ kơ anŏ yom mơ̆ng bruă gum pơgôp djuai ania.

VOV.Jarai - Jing hlăk ai kơsung ngă bruă, pơ-ư pơ-ang hơmâo Kơnuk kơna brơi Miđai Blah ayăt, ơi Rơ Châm Nha ƀơi să Ia Phí, tơring čar Gia Lai pơ-ư pơ-ang biă mă yua gum djru blah ayăt, pơklaih rơngai kual Dơnung, pơlir lŏn ia ta jing sa. Ñu 85 thun laih, hơmâo ană plơi ruah ngă tha plơi kraih 25 thun hăng anai laih, ñu ăt jing mơnuih kơhnâo gru đưm mơn, ơi Rơ Châm Nha djru akŏ pơjing khul gum pơgôp djuai ania, djă pioh, răk lui gru ama grua amĭ.

VOV.Jarai-Mơng lơ 25-27/4, tơring čar Lâm Đồng čơkă giăm 350.000 wŏt tuai čuă ngui, dŏ glăi, amăng anun hơmâo 14.000 wŏt tuai mơng tač rơngiao; abih tih prăk pơhrui giăm 768 klai prăk.

VOV.Jarai-Ƀơi tơdron lăk Đại đoàn kết, phường Plei Ku, Jơnum min mơnuih ƀôn sang tơring čar Gia Lai phrâo pơphun jơlan hơdră adoh suang hiam mơak biă mă anăn “Lŏn glai adoh mơak” pơpŭ kơ tơlơi gum pơgôp djuai ania.

VOV.Jarai - Ƀrô brơi ngă lơphet 30/4 hăng lơ 1/5 thun anai, kual lŏn dap kơdư Măng Đen (tơring čar Quảng Ngãi) ƀuăn jing anih čuă ngui pơhưč lu tuai rơnguai biă mă lơ̆m lu bruă gru grua - čơkă tuai mơak hơmâo pơphun ngă. Mơ̆ng hrơi ngui ngor hyơ hyơr, mriah ƀhêm, ƀong huă ƀâo mơnâo glai klô, lŏn dap kơdư, truh kơ adai rơ-ơ̆  na nao, čư̆ siăng Quảng Ngãi glăk prăp lui laih či čơkă tuai glăi ngui hăng đih pơdơi pơ anai.

VOV.Jarai-Lu bruă mă ngă yang kơkuh pơpŭ bơngăt atâo, monuih ƀôn sang Việt Nam pơyom biă mă amăng đơ đa dêh čar hăng ƀơi lu anih amăng rŏng lŏn tơnah kiăng hơdor glăi kơ ơi yă djuai ania, ƀuh rơđah ngă yang ngui ngor huă pơsat iâu bơngăt atâo ơi pơtao Hùng Vương pơphun ƀơi tơring čar Phú Thọ.

VOV.Jarai-Tơlơi pơtưh juăt pia “Hlơi đĭ pơ čư̆, glăi pơ dơnung hai/ăt Hơdor Hrơi huă pơsat ơi bung yă bai lơ hơpluh blan klâo” ƀu kơnong tơlơi pơtă pơtăn kơ gru kơđŏm hơdor pioh mông yom đôč ôh, dŏ jing tơlơi iâu pơthưr yom pơphăn lăp pơpŭ pran juâ djuai ania. Tơlơi ngă yang rơbang kơkuh pơpŭ bơngăt atâo ơi yă đưm rơnuk pơtao Hùng hăk ngă hăng ngă laih jing hrĕ mrai tô brơi tơlơi pơlir hơbit tong ten kơjăp phik, pơjing rai pran kơtang tơlơi gum pơgôp djuai ania Việt Nam amăng rŏn lŏn tơnah.

VOV.Jarai - Huă pơsat Pơtao Hùng thun Bính Ngọ 2026 jing bruă kơđi čar - gru grua yom biă hăng dêh čar ta, biă ñu tơdơi kơ pơmut hrŏm gong gai kơnuk kơna hăng ngă bruă tui gong gai dua gưl. Amăng hơdôm hrơi anai, hrŏm hăng dêh čar ta, ƀơi Dap Kơdư hơmâo lu bruă dik dak mơak biă, pơƀuh pran jua thâo gum pơgôp, gir akŏ pơdong lŏn ia plơi pla kjăp kơtang hloh.

VOV.Jarai-Amăng 2 hrơi rơnuč rơwang hrơi tơjuh anai (25 hăng 26/4) ƀơi Gia Lai pơphun lu bruă gru grua yôm phara. Anai lĕ hrơi ngui gru grua djop djuai ania tơring čar Gia lai tal I hơmâo pơphun ƀơi tơdron lăk Đại Đoàn Kết, phương Pleiku. Ăt amăng hrơi anun mơn, ƀơi anih djă pioh gơnam sô hơđăp-gru grua dêh čar plơi Ơi, să Chư A Thai pơphun hrơi ngă yang iâu hơjan mơng Yang Pơtao Apui. Anai ƀu djơ̆ kơnong bruă mă tui gru grua-tuai čuă ngui đôč ôh mơ̆ ăt ba glăi lu tơlơi yôm phara djuai ania, mơnuih mơnam hăng pơđĭ kyar hơđong kjăp.