VOV.Jarai - Mơmot anai (lơ 23/1), ƀơi tơdron đă boh lông Dêh čar Mỹ Đình (Hà Nội), pơphun jơlan hơdră ngui adoh suang yom “Lăng nao pơ anăp phrâo - Rơnuk pơplih phrâo” čơkă mông jơnum ruah khua ping gah dêh čar tal 14 truh kih hăng hok mơak 96 thun hrơi akŏ pơdong Ping gah Cộng sản Việt Nam (lơ 3/2/1930 - 3/2/2026).

VOV.Jarai-Hrơi ngui bơnga mai anh đào-Đà Lạt bơyan bơnga thun 2026 glăk pơphun ƀơi tơring čar Lâm Đồng hăng lu tơlơi ngui gru grua-tuai čuă ngui yôm phara, pơgôp ba glăi anih ngui mơ-ak prap čơkă bơyan bơnga ƀơi kual čư̆ siăng Lâm Viên.

VOV.Jarai-Amăng hơdôm hrơi akŏ thun, neh met wa djuai ania Jarai ƀơi să Ea Sup, tơring čar Dak Lak dik dak pơphun ngă yang rơbang. Tong krah gong drai glông hăng jua čing hơgor hmư̆ tơ-ua, neh met wa pơphun hơdôm tơlơi ngă yang, rơkâo tơlơi rơnuk rơnua, pơdai jor kơtor mơboh hăng tơlơi hơdip trơi pơđao. Tơlơi ngă yang ƀu djơ̆ kơnong lĕ tơlơi kơwưh đĭ yang đôč ôh mơ̆ ăt pơdah gru grua, pơlir ană plơi pla hăng djă pioh gru grua yôm phara mơng plơi pla Jarai.

VOV.Jarai-Amăng tơlơi hơdip rĭm hrơi ƀơi să Ia Dreh (Gia Lai), eng ao djuai ania, jua čing hơgor hăng tơlơi klao mơ-ak ok or mơng ƀing čơđai hơmâo mut hrŏm, ba glăi rup rap mơ-ak amăng tơlơi hơdip gru grua mơnuih mơnam. Mơng hơdôm khuông mơñam mrai, tơngan rơmoăn rơmĕ mơng mơnuih kơhnâo djuai ania Jarai glăk pơtô glăi ƀing čơđai, ƀu djơ̆ kơnong pơtrut pran hor kiăo tui lăng mơng ƀing čơđai đôč ôh mơ̆ ăt pơsur pran pơpŭ, djă pioh gru grua mơng djuai ania pô.

VOV.Jarai - Ƀu kơnong buh amăng hrơi jơnum, hrơi ngui ngor prong đôč ôh, eng ao mơñam ăt hơmâo pơƀuh amăng tơlơi hơdip rơnuk phrâo, mơ̆ng anih ngui amăng plơi truh pơ plang mrô, jing gru pơ ala brơi tơlơi hơdip, gru grua hiam hăng tơlơi hơdip phrâo pơ lŏn dap kơdư.

VOV.Jarai - Ding jum kơđi čar ruah lơ 24/11 rim thun jing “Hrơi Gru grua Việt Nam”, hăng tơlơi pơtrun lĕ hrơi anai jing hrơi pơdơi, mơnuih mă bruă ăt ƀong prăk blan mơn, kiăng Mơnuih ƀôn sang mơak hrŏm hăng gru grua, ƀing rơgơi kơhnâo, adoh suang hơmâo juh alum pơtrut pran pơčeh phrâo, hơmâo mơnuih tơpuôl pơpŭ, lăng yom, hơdip klă ngă bruă hiam, thâo rơgơi.

VOV.Jarai - Gơnong bruă Gru grua, Bơrơguăt drơi jăn hăng Tuai čuă ngui Lâm Đồng pơphun Jơnum kĭ pơkôl ngă hrŏm pôr pơhing thun 2026 hăng giăm 30 anom bruă čih tơlơi pơhing hơmâo ƀing hyu mă tơlơi pơhing, anom bruă čih tơlơi pơhing ƀơi tơring, amăng anun hơmâo Gong phun pơtui jua pơhiăp Việt Nam pơdong ƀơi kual Dap Kơdư.

VOV.Jarai-Amăng plah wah dik dăk tơlơi hơdip phrâo mơak amăng plơi prong Ƀuôn Ma Thuột, tơring čar Dak Lak hơmâo lu hlăk ai tơdăm dra djuai ania Hơdang kret kruai khăp hăng hrăm tui, djă pioh gru grua gông brô̆, tơlơi adoh suang đưm djuai ania.

VOV.Jarai - Ƀơi guai dêh čar Quảng Trực, tơring čar Lâm Đồng, anih hơmâo đang hmua, măk ka mơtah ƀlip, hiam hlip kiăo tui tơkai čư̆, anih mơ̆ng mơguah hyiăng dŏ pưh nao pơ hmua pơdai, hăng jua čing M’nông dŏ mơñi bang amăng glai dap kơdư, rim bơyan pơdai mơkian, pơdai hroh hơmâo dong laih tơlơi ngă yang yom biă mă. Anun lĕ tơlơi ngă yang hlă gong hơdrai bơyan pơdai hroh - tơlơi ngă yang pơtruh pran jua, gru grua ia iŏm hăng tơlơi hơdip mơda pran jua hiam mơ̆ng djuai ania M’nông pơ guai lŏn Dap Kơdư.

VOV.Jarai-Ƀơi să Măng Đen, tơring čar Quảng Ngãi pơphun sa wơ̆t hrơi tơjuh Gru grua hiam-Tuai hyu ngui Măng Đen thun 2026 hăng akŏ boh pia “Ia iom bơnga čuh blang amăng lŏn glai čư̆ siăng”. Bruă ngă pơhưč tuai rơnguai hăng mơnuih ƀôn sang jê̆ ataih nao ngui hrŏm mơak biă mă.