VOV.Jarai-Anih tuai nao ngui pơdơi pơdă dơnao Toong Đam ƀơi să Măng Đen, tơring čar Quảng Ngãi sit nik mă bruă laih, pok prong anih hyu ngui dŏ glăi hiam mơak amăng glai klô, djru hrŏm ngă lu tui gơnam tuai hyu ngui hăng pơtrut tơlơi bơwih ƀong huă ƀơi kual plơi pla.

VOV.Jarai-Ƀrô tal pơdơi pơdă lơ 30/4 hăng lơ 1/5, tuai čuă ngui ƀơi Lâm Đồng đĭ lu, brơi ƀuh mơ̆ng jơlan hơdră pơtrut pơsur bruă pơhưč tuai hyu ngui lu tơlơi mơak.

VOV.Jarai-Mơmŏt (2/5), ƀơi đang bơnga ter hang Đông Cầu Rồng, Ding jum kông ang gum hrŏm Jơnum min mơnuih ƀôn sang ƀôn prong Đà Nẵng pơphun jơlan hơdră ngui adôh suang Ga la “Lŏn ia rơnuk rơnua”.

VOV.Jarai-Jơnum Ping gah tal 14 tŏ tui pơsit tong hơdôm tơlơi pơmĭn phrâo kơ tơlơi glăm ba mơng gru grua hăng ană mơnuih, lăng anai lĕ atur, anŏ pơtrut hăng tơlơi gal mơng lăm brơi pơđĭ kyar hơđong kjăp.

VOV.Jarai - Lu plơi pla Jarai hơbai ƀơi hơdôm boh să Ia Phí, Ia Ly tơring čar Gia Lai ƀơƀrư̆ “râu mơdưh” tơlơi gêh găl či čơkă tuai nao ngui amăng plơi pla sit mơ̆ng gru grua đưm laih anun anih anom glai klô dŏ hơnong hnăi. Jua čing hơgor, gông brô̆ đưm, bruă mơñam eng ao, abăn khăn, ƀudah tơlơi hơdip mơak mơai amăng plơi pla jing ngă pơhưč biă mă, mơ̆ng anun djru bơwih ƀong ĕp prăk kăk, laih anun djă pioh gru ama grua amĭ amăng Thun tuai čuă ngui Dêh čar thun 2026 ƀơi Gia Lai.

VOV.Jarai - Plah wah  bơyan phang ƀơi Dap Kơdư, lơ̆m đang hmua kơƀah ia, lŏn tơnah krô krañ, ƀơi ƀuôn Ky, phường Thành Nhất, tơring čar Dak Lăk, neh met wa djuai ania Êđê ngă yang adai hơduah ia hơjan. Mơit nao tơlơi čang rơmang hơjan rơnang phang mơak, tơlơi ngă yang anai kiăng kjăp tui tơlơi gum pơgôp, hơdip rơnôm laih anun djă pioh gru ama grua amĭ.

VOV.Jarai - Ngă lơphet 51 thun hrơi pơklaih rơngai kual Dơnung, pơlir lŏn ia ta jing sa, lu boh tơring amăng Dap Kơdư pơphun bruă jơnum gru grua, adoh suang yom, mơak, pơƀuh glăi thun blan hing ang, pơpŭ kơ anŏ yom mơ̆ng bruă gum pơgôp djuai ania.

VOV.Jarai - Jing hlăk ai kơsung ngă bruă, pơ-ư pơ-ang hơmâo Kơnuk kơna brơi Miđai Blah ayăt, ơi Rơ Châm Nha ƀơi să Ia Phí, tơring čar Gia Lai pơ-ư pơ-ang biă mă yua gum djru blah ayăt, pơklaih rơngai kual Dơnung, pơlir lŏn ia ta jing sa. Ñu 85 thun laih, hơmâo ană plơi ruah ngă tha plơi kraih 25 thun hăng anai laih, ñu ăt jing mơnuih kơhnâo gru đưm mơn, ơi Rơ Châm Nha djru akŏ pơjing khul gum pơgôp djuai ania, djă pioh, răk lui gru ama grua amĭ.

VOV.Jarai-Mơng lơ 25-27/4, tơring čar Lâm Đồng čơkă giăm 350.000 wŏt tuai čuă ngui, dŏ glăi, amăng anun hơmâo 14.000 wŏt tuai mơng tač rơngiao; abih tih prăk pơhrui giăm 768 klai prăk.

VOV.Jarai-Ƀơi tơdron lăk Đại đoàn kết, phường Plei Ku, Jơnum min mơnuih ƀôn sang tơring čar Gia Lai phrâo pơphun jơlan hơdră adoh suang hiam mơak biă mă anăn “Lŏn glai adoh mơak” pơpŭ kơ tơlơi gum pơgôp djuai ania.