Ƀơi Tơdron lăk Đại Đoàn Kết, phường Pleiku, Jơnum min mơnuih ƀôn sang tơring čar Gia Lai phrâo pơphun Jơlan hơdră adoh suang yom anăn “Đại ngàn reo” pơpŭ pran kơtang khul gum pơgôp djuai ania. Jơlan hơdră anai jing yom biă čơkă hrơi ngă lơphet 80 thun Hrơi Wa Hồ mơit hră kơ mông Jơnum khua khua djŏp djuai ania ƀiă kual Dơnung ƀơi Pleiku, Ngă lơphet 51 thun Hrơi pơklaih rơngai kual Dơnung, pơlir lŏn ia. Tơlơi hmư̆ hing mơ̆ng jơlan hơdră anai lĕ pơƀuh glăi hră mơit mơ̆ng Khua mir sir Hồ Chí Minh mơit kơ djŏp djuai ania ƀiă thun 1946.

Ƀơi Đình Lạc Giao, phường Buôn Ma Thuột, Gơnong bruă gru grua, bơkjăp drơi jăn hăng tuai čuă ngui tơring čar Dak Lăk pơphun jơlan hơdră adoh suang “Bản hùng ca Tháng Tư”, hăng dua bơnah “Bài ca thống nhất” laih anun “Dak Lăk - Âm vang ngày mới”. Jơlan hơdră anai pơƀuh glăi rơnuk blah wang đưm, glêh tơnap, tuh drah pơčah asar, kơđŏm gru yom hing ang mơ̆ng Hrơi blah rơngai bơyan phang thun 1975, biă ñu lĕ pơklaih rơngai Buôn Ma Thuột, blah rơgai blung a ƀơi tơdron blah Dap Kơdư, djru blah dưi amăng tal Blah djă anăn Hồ Chí Minh hing ang đưm adih. Laih dong, pơƀuh tơlơi pơplih phrâo mơ̆ng Dak Lăk tơdơi kơ rơbêh 50 thun pơklaih rơngai. Mơ̆ng lơ 30/4 truh lơ 3/5 ƀơi phương Tuy Hoà hơmâo lu bruă ngui ngor anăn “Akan ngừ Dak Lăk - Anŏ hiam hloh mơ̆ng boh wah mah”  wơ̆t hăng “Ngui pơpor khing khí cầu - Por hyu lăng yang hrơi ƀlĕ”, đah mơ̆ng čơkă mơak hrơi ngui prong laih anun pơhưč tuai hyu ngui.