Amăng 3 hrơi pơdơi huă pơsat ơi pơtao Hùng, mrô tuai čuă ngui ƀơi Lâm Đồng lu biă mă, sang jưh tuai lêng kơ bă abih, hơdôm bruă gru grua-tuai čuă ngui pơphun dik dak. Mơng lơ 25-27/4, tơring čar Lâm Đồng čơkă giăm 350.000 wŏt tuai čuă ngui, dŏ glăi, amăng anun hơmâo 14.000 wŏt tuai mơng tač rơngiao; abih tih prăk pơhrui giăm 768 klai prăk. Sang jưh tuai pơhlôm mơng 65-75%, kơnong hơdôm sang jưh tuai 3-5 asar pơtŭ mơng 80-95%.

Tui gơnong bruă gru grua, bơrơguăt drơi jăn hăng tuai čuă ngui tơring čar Lâm Đồng, yua gơgrong prap lui tañ yua bruă wai pơgang rơnuk rơnua, hơđong hơmâo pơhlôm klă; nua gơnam, sit biă ñu hơdôm sang jưh tuai ăt hơđong, huăi ƀuh đĭ nua ča čot. Amăng 3 hrơi pơdơi, lu bruă mă tui gru grua-tuai čuă ngui anun lĕ ngă yang rơbang, ngui rôk jơlan, ngui adôh suang, ngui tơlơi ngui đưm…hơmâo pơphun, ba glăi tơlơi mơ-ak brơi kơ tuai, pơgôp bong glăi tuai sui ƀiă.