VOV.Jarai - Ƀrô brơi ngă lơphet 30/4 hăng lơ 1/5 thun anai, kual lŏn dap kơdư Măng Đen (tơring čar Quảng Ngãi) ƀuăn jing anih čuă ngui pơhưč lu tuai rơnguai biă mă lơ̆m lu bruă gru grua - čơkă tuai mơak hơmâo pơphun ngă. Mơ̆ng hrơi ngui ngor hyơ hyơr, mriah ƀhêm, ƀong huă ƀâo mơnâo glai klô, lŏn dap kơdư, truh kơ adai rơ-ơ̆  na nao, čư̆ siăng Quảng Ngãi glăk prăp lui laih či čơkă tuai glăi ngui hăng đih pơdơi pơ anai.

VOV.Jarai-Lu bruă mă ngă yang kơkuh pơpŭ bơngăt atâo, monuih ƀôn sang Việt Nam pơyom biă mă amăng đơ đa dêh čar hăng ƀơi lu anih amăng rŏng lŏn tơnah kiăng hơdor glăi kơ ơi yă djuai ania, ƀuh rơđah ngă yang ngui ngor huă pơsat iâu bơngăt atâo ơi pơtao Hùng Vương pơphun ƀơi tơring čar Phú Thọ.

VOV.Jarai-Tơlơi pơtưh juăt pia “Hlơi đĭ pơ čư̆, glăi pơ dơnung hai/ăt Hơdor Hrơi huă pơsat ơi bung yă bai lơ hơpluh blan klâo” ƀu kơnong tơlơi pơtă pơtăn kơ gru kơđŏm hơdor pioh mông yom đôč ôh, dŏ jing tơlơi iâu pơthưr yom pơphăn lăp pơpŭ pran juâ djuai ania. Tơlơi ngă yang rơbang kơkuh pơpŭ bơngăt atâo ơi yă đưm rơnuk pơtao Hùng hăk ngă hăng ngă laih jing hrĕ mrai tô brơi tơlơi pơlir hơbit tong ten kơjăp phik, pơjing rai pran kơtang tơlơi gum pơgôp djuai ania Việt Nam amăng rŏn lŏn tơnah.

VOV.Jarai - Huă pơsat Pơtao Hùng thun Bính Ngọ 2026 jing bruă kơđi čar - gru grua yom biă hăng dêh čar ta, biă ñu tơdơi kơ pơmut hrŏm gong gai kơnuk kơna hăng ngă bruă tui gong gai dua gưl. Amăng hơdôm hrơi anai, hrŏm hăng dêh čar ta, ƀơi Dap Kơdư hơmâo lu bruă dik dak mơak biă, pơƀuh pran jua thâo gum pơgôp, gir akŏ pơdong lŏn ia plơi pla kjăp kơtang hloh.

VOV.Jarai-Amăng 2 hrơi rơnuč rơwang hrơi tơjuh anai (25 hăng 26/4) ƀơi Gia Lai pơphun lu bruă gru grua yôm phara. Anai lĕ hrơi ngui gru grua djop djuai ania tơring čar Gia lai tal I hơmâo pơphun ƀơi tơdron lăk Đại Đoàn Kết, phương Pleiku. Ăt amăng hrơi anun mơn, ƀơi anih djă pioh gơnam sô hơđăp-gru grua dêh čar plơi Ơi, să Chư A Thai pơphun hrơi ngă yang iâu hơjan mơng Yang Pơtao Apui. Anai ƀu djơ̆ kơnong bruă mă tui gru grua-tuai čuă ngui đôč ôh mơ̆ ăt ba glăi lu tơlơi yôm phara djuai ania, mơnuih mơnam hăng pơđĭ kyar hơđong kjăp.

VOV.Jarai-Ƀơi sang bruă djă pioh Kơphê rŏng lŏn tơnah, tơring čar Dak Lak  ngă hrŏm sang bruă UNESCO ƀơi Việt Nam hăng hơdôm bơnah ngă hrŏm, jơnum pơčrong sai Kông ngăn kơphê rŏng lŏn tơnah hăng akŏ ñu “ Mơ̆ng gru grua hơđăp lu mơta truh pơ kông ngăn dŏ hrŏm mơ̆ng ană mơnuih lŏn tơnah”.

VOV.Jarai-Čơkă hơ̆k mơak Hrơi hơdrôm hră hăng Gru grua pơđok hră Việt Nam lơ 21/4, Hrơi hơdrôm hră hăng Tơlơi ngă pô Rŏng lŏn tơnah lơ 23/4, Khul čih pơčeh hơ̆k hơr adoh suang tơring čar Dak Lak ngă hrŏm, jơnum min phường Phú Yên, Sang bruă djă pioh gơnam gru Dak Lak, Sang pơđok hră tơring čar hăng Sang hră gưl dua Trần Hưng Đạo jơnum mơak Hrơi Hơdrôm hră hăng Gru grua pơđok hră thun 2026 hăng akŏ ñu “Hơdrôm hră hăng Tơlơi kiăng găn ia puh yă”.

VOV.Jarai-Ƀơi phường Ƀuôn Ma Thuột, Khua mua jơnum min mơnuih ƀôn sang tơring čar Dak Lak hơmâo tŭ jum laih anun mă bruă hăng grup hyu mă bruă mơ̆ng UNESCO hăng FAO yua kơ ơi Jonathan Wallace Baker, Khua pơ ala UNESCO ƀơi Việt Nam hăng ơi Ninod Ahuja, Khua anom bruă FAO ƀơi Việt Nam ba jơlan hlâo, ƀrô tal rai jơnum pơčrong sai kơ bruă Kông ngăn gru grua kơphê rŏng lŏn tơnah pơphun ƀơi Dak Lak.

VOV.Jarai-Y Quân Mjâo, arăng juăt iâu ơi Khely, dŏ ƀơi ƀôn A2, să Ea Sup, tơring čar Dak Lak, mơnuih hor biă mă kơ tơlơi adoh đưm Jarai. Hơdôm tơlơi ñu adoh, ră ruai glăi sa tơlơi pơhing hrup akhan hri, dŏ rô na nao amăng tơlơi pơmin pran jua ñu, hmư̆ tơma amăng pran jua biă mă. Rim er tơlơi ñu adoh ƀu kơnong sa tơlơi ruai glăi đôč ôh, lăi nao kơ tơlơi khăp, bơni kơ bruă mă rim hrơi, laih dơ̆ng dŏ djă pioh bơngăt jua tơlơi hơdip gru grua mơ̆ng đưm amăng plơi pla găn rơgao thun bơyan blan tơkuh.

VOV.Jarai-Ƀơi bôr lŏn Ây Nô, ƀuôn Trí, să Ƀuôn Đôn, tơring čar Dak Lak, pơphun jơlan hơdră ngui tê̆t Lao-Bunpimay thun 2026. Hơmâo lu mơnuih ƀôn sang hăng tuai čuă ngui mut hrŏm hơdôm tơlơi ngă yang gru grua mơng mơnuih ƀôn sang Lao dŏ hơdip ƀơi anai.