VOV4.Jarai - Sa bruă klă yua kơ ayuh hyiăng hơdjă phrâo pơphun mơguah lơ 23/2 ƀơi plơi prong Buôn Ma Thuột, tơring čar Dak Lăk. Ƀơi Jơlan pơdă hơdrôm hră kơphê Buôn Ma Thuột, hơmâo Hlăk ai plơi prong Buôn Ma Thuột ngă hrŏm hăng hơdôm anom bruă gum djru ba Jơlan hơdră Hrơi mă bruă yua ayuh hyiăng anih hơdip hơdjă hăng pơƀuh “Anih pơhrui pil sô - pơplih mă hơdrôm hră hăng phun sen đá”.

VOV4.Jarai - Ngă yang Khai ấn pơphun glăi bruă mă Pra yang Trần bơyan bơnga Giáp Thìn thun 2024 hơmâo pơphun amăng mlăm tom brơi lơ 14, mơguah hrơi anai lơ 15 blan 1 blan di, ƀơi Anih gru đưm pra yang Trần, tơring čar Nam Định.

VOV4.Jarai - Amăng hrơi akŏ thun phrâo, ƀơi hơdôm boh plơi pla amăng tơring čar Dak Lăk pơphun lu bruă jơnum gru grua, ngui ngor ngă yang mơ̆ng djŏp djuai ania, pơjing rai rup hiam hơmâo lu ia iŏm ƀơi kual lŏn tong krah Dap Kơdư.

VOV4.Jarai-Jơnum min mơnuih ƀôn sang tơring čar Dak Lak phrâo pơphun pok pơhai hơdôm bruă mă anăp nao tal hơdor glăi 120 thun hrơi akŏ pơjing tơring čar Dak Lak (22/11/1904-22/11/2024).

VOV4.Jarai-Mơng đưm đă truh ră anai, tơdah mơnuih tơkeng rai hăng hơdip truh prong ƀơi kual Dap kơdư hing ang anai lêng kơ pơđŏm glăi amăng pran jua tơlơi khăp hăng glai rưng. Yua anun, hơdôm thun giăm anai ƀuh lu bruă phă glai rưng, ngă kơ glai kyâo jai hrơi hrŏ tui, samơ̆ pơpă dŏ plơi pla djuai ania Êđê, ƀơi anun dŏ glai kyâo, dŏ hơdôm pin ia rơngeh hơdjă. Hăng mơnuih hơdip ƀơi kual Dap kơdư lăi hrŏm hăng djuai ania Êđê hnun mơn, glai lĕ anih mơyang,glai rưng lĕ ba glăi rơnoh yôm gru grua hơmâo djă pioh amăng tơlơi phiăn, hơdôm boh pia, tơlơi adôh, hơmâo neh met wa răng kơđiăng ngă tui. Tơlơi hơdip mơng djuai ania Êđê pơlir hăng glai, djop mơta amăng plơi pla lêng mă glăi mơng glai soh.

VOV4.Jarai-Mơguah lơ 20/2, ping gah, jơnum min pơ ala mơnuih ƀôn sang, anom bruă djop djuai ania Việt Nam tơring čar Dak Lak pơphun hơdră bưp ƀô̆ mơta 250 čô mơnuih rơgơi kơhnâo, mơnuih kơhnăk adoh suang hăng ƀing čih tơlơi pơhing ƀrô akŏ thun phrâo Giáp Thìn 2024.

VOV4.Jarai- Mơguah tom brơi 19/2, (anai lĕ lơ 10 blan 1 thun Giáp Thìn), hrơi ngui bơyan bơnga Yên Tử sit nik pơphun ƀơi plơi prong Uông Bí, tơring čar Quảng Ninh.

VOV4.Jarai - Mơguah tom brơi (18/2), ƀơi jơlan hơdrôm hră kơphê Buôn Ma Thuột (tơring čar Dak Lak) pơphun pơdă prưng rup rap Buôn Ma Thuột đưm hlâo, arăng kač ƀơi phun kơphê.

VOV4.Jarai – Tơkeng rai amăng sa bôh sang anô̆ djă pioh gru grua bôh thâo, mơ̆ng dô̆ tơdăm ngek A Lip, (djuai ania Bahnar, ƀơi plơi Groi, să Glar, tơring glông Đak Đoa, Gia Lai) thâo atông čing laih, pơkra gông, trah rup hăng tul čing. Khă thun tha rơma laih, ñu ăt gir run mơ̆n rim hrơi pơtô atông čing, tơlơi adôh đưm kơ hlăk ai. Mơ̆ng anun, djru djă pioh, pơgang ba kông ngăn čing hơgor, gru hiam bôh thâo mơ̆ng djuai ania Bahnar.

VOV4.Jarai-Tlam mơmŏt lơ 16/2, Khul čih tơlơi pơhing phrâo tơring čar Kon Tum pok pơhai jơnum Hră pơhing phrâo bơyan phang Giáp Thìn thun 2024. Bruă mă anai pơphun ƀơi sang djă pioh Gru đưm tơring čar Kon Tum truh abih lơ 19/2.