VOV.Jarai-Amăng tơlơi hơdip ră anai, amăng hơdôm boh plơi pla ƀơi Dak Lak, jua čing hơgor ăt dŏ djă pioh hăng djă ba hyuh suă jua mơng tơlơi hơdip phrâo. Gru grua čing hơgor glăk hơmâo tŏ tui hluai tui ƀing hlăk ai, ƀing kơhnâo hăng wŏt hơdôm grup čing hơgor amăng djop plơi pla, pơgôp djă pioh gru grua yôm phara, kơtưn pơƀuh nao rai gru grua hăng pơjing rup rap Dak Lak jê̆ giăm, hơmâo gru grua yôm amăng rơnuk mut hrŏm.

VOV.Jarai-Ƀơi plơi prong kual čư̆ siăng, Plei Ku, tơring čar Gia Lai lu plơi pla Jarai hơbai anet aneo, samơ̆ mơak hlak rơnuk rơnua hlăk hrưn đĭ pô kơtang biă mă. Ƀuh rơđah kah hăng plơi Ơp, plơi Ia Nueng, ƀu kơnong djă pioh gru kual Dap Kơdư đôč ôh, dŏ jing anih tuai nao ngui hiam mơak, hmư̆ hing pioh pơđĭ tui bruă čơkă tuai hyu amăng plơi pla Jarai, pơsir bruă mă, tơlơi bơwih ƀong huă kơ mơnuih ƀôn sang.

VOV.Jarai-Amăng anih anom djă pioh gru grua hiam čing hơgor kual Dap Kơdư-kông ngăn gru grua hiam amăng bơngăt jua ană mơnuih mơnam lŏn tơnah, hơdôm boh sang gru đưm, juăt lăi glông djuai ania Êđê kah hăng sa črăn bơngăt jua mơ̆ng plơi pla. Ƀu kơnong jing anih dŏ amăng sang anŏ kơnung djuai đôč ôh, sang gru đưm Êđê dŏ jing gru pơƀuh djă pioh tơlơi phiăn gru grua mă kơnung djuai amĭ anŏ jing gru kơđŏm. Ƀơi anun, găn rơgao thun blan, bơyan adai, đuăi nao pơ anăp samơ̆ amăng sang ăt dŏ djă pioh jua čing hơgor, tơlơi adoh, akhan hri laih anun djă pioh rơnoh yom amăng lăm gru grua hiam djuai ania Êđê.

VOV.Jarai-Mơnuih djuai ania K’ho ƀơi kual Dơnung Dap kơdư hơmâo lu gru grua yôm phara, amăng anun hơmâo lu tơlơi adôh đưm anun lĕ reng, loong, tòng bơr, tam pơ̆t, tam pla…lêng ƀuh adôh amăng hrơi ngui ngor. Hrŏm hăng jua čing hơgor, tơlơi ayun suang, amăng hơdôm hrơi ngui ngor, mơnuih djuai ania K’ho ƀu kơƀah ôh hơdôm tơlơi adôh anai.

VOV.Jarai-Blan 7 thun 2020, Grup pơtô pơjuăt, boh thâo ia rơgơi hăng gru grua Sang gum hơbit djop dêh čar (UNESCO) hơmâo tŭ yap amăng rơ-ưng Dak Nông lĕ kual lŏn yôm rŏng lŏn tơnah. Hrŏm hăng rơnoh yôm phara mơng kual lŏn mơnai, anŏ sô hơđăp, hơmâo djop mơta, ƀơi anai ăt djă pioh gru grua yôm phara mơng ană mơnuih djop djuai ania dŏ hơdip ƀơi kual kơčong čư̆ M’nông, amăng anun hơmâo anih djă pioh gru grua čing hơgor kual Dap kơdư-Gru grua gah bơngăt pơ ala brơi ană mơnuih. Jua mơñi mơng atur lŏn, er mơñi mơng gru grua sô hơđăp pơjing rai “Anih phun mơng lu er mơñi hmư̆ mơ-ak”-Kual amăng rơ-ưng rŏng lŏn tơnah UNESCO Dak Nông, pơhưč lu tuai čuă ngui.

VOV.Jarai - Amăng tơlơi adoh Êđê, tơdah adoh eirei ñu đik đak hok kơdok, jing adoh kưt ñu tơ-oa, rơnang, rơnguă, hơmâo tơlơi hning rơngôt amăng pran jua. Adoh kưt jing tơlơi adoh pơtưh hơmâo lu tơlơi či pơhmu biă mă; biă ñu anai jing er yŭ adoh hơmâo amăng tơlơi akhan hri. Lơ̆m akhan hri ta kiăng hơmâo anih či akhan, hrơi mông hăng pô thâo rơgơi gru grua kah mơ̆ng thâo adoh kưt, tui anun kah mơ̆ng thâo djă pioh, pơtrut tui anŏ pơhưč, tơlơi hor hăng hơmâo lu mơnuih thâo adoh. Ƀơi hơdôm boh plơi, anih čuă ngui amăng plơi ƀơi Dak Lăk, hrŏm hăng adoh erei, hơdôm tơlơi adoh kưt mơ̆ng djuai ania Êđê glăk ngă pơhưč pran jua ƀing tuai lơ̆m nao ngui pơ kual lŏn anai.

VOV.Jarai - Amăng tơlơi ngui ngor gru đưm mơ̆ng djuai ania Jarai ƀu dưi rơngiă ôh jua čing, jua hơgor hăng djŏp djuai goong brô̆. Pran jua hur har pơtô glăi mơ̆ng ƀing kơhnâo hrŏm hăng pran hor mơ̆ng ƀing tơdăm dra hlăk ai ƀơi Gia Lai glăk tŭi jă bơngač gơnam yom Anih ngui ngor atông čing kual Dap Kơdư amăng tơlơi hơdip rơnuk anai, pơtruh ană plơi pla hăng bang hyu hơdôm tơlơi hiam klă.

VOV.Jarai - Ƀơi tơdron lak Lâm Viên - Đà Lạt, Anih gru grua plơi pla, Sang anŏ hăng Sang pơđok hră, Ding jum Gru grua, Bơkjăp drơi jăn hăng Tuai čuă ngui ngă hrŏm hăng Jơnum min mơnuih ƀôn sang tơring čar Lâm Đồng pơphun Pơdă prưng rup pơtrut pơsur pôr pơhing Jơnum ping gah đơ đam dêh čar tal 14.

VOV.Jarai - Adoh jing tơlơi ngă mơak pran jua, hơmâo amăng tơlơi hơdip mơ̆ng neh met wa pơ kual Dap Kơdư, amăng anun hơmâo neh met wa djuai ania Hơdang. Neh met wa pơ anai hơmâo gru grua boh thâo lu biă mă, mơ̆ng adoh suang, truh kơ pĕ goong atông brô̆. Tơlơi adoh hơmâo adoh lơ̆m nao pơ hmua, amăng hrơi ngui ngor prong, pơdŏ rơkơi bơnai, pơngui čơđai ƀudah lơ̆m tơdăm dra glăk pơamuaih. Amăng hrơi mông nao sem lăng kual lŏn hăng ană mơnuih Dap Kơdư, ƀing tuai dưi hmư̆ tơlơi adoh mơ-ak hyŭ pran jua mơ̆ng djuai ania Hơdang.

VOV.Jarai-Tơlơi hơdip kơ mơnuih djuai ania Bahnar pơlir hăng hơdôm tơlơi ngă yang gru grua, pơdah tơlơi rô nao rai kơplah wah ană mơnuih dŏ hơdip, ơi yă amĭ ama hăng plơi pla. Lơm sa čô čơđai phrâo tơkeng rai amra “Ngă yang lung asăt” pioh čơkă, pơanăn brơi čơđai anun, rơkâo brơi tơlơi suaih pral hăng rơnuk rơnua. Truh djai brŭ, hrơi mơyut jôk, ngă yang pơthi hơmâo pơphun prong mơn. Amăng tơlơi hơdip kơ mơnuih djuai ania Bahnar ăt hơmâo hrơi pioh hơdor tơngia brơi amĭ ama ơi yă…kiăng ană tơčô thâo hluh kơ amĭ ama ơi yă, pơpŭ brơi ƀing tha rơma, hơkrŭ pran khăp pap amăng sang anŏ hăng plơi pla. Lơm nao čuă ngui, ĕp lăng gru grua yôm phara djop djuai ania ƀơi kual Dap kơdư, ƀing tuai amra ƀuh hơdôm tơlơi yôm phara anai.