VOV4.Jarai-Hăng akŏ tơlơi jơnum “Lŏn ia por đĭ”, Hrơi tơlơi pơtưh Việt Nam dưi hơmâo sang bruă Khul pơčeh tơlơi hơ̆k hơr adoh suang tơring čar Kon Tum pơphun lơ 12/2, hơmâo lu bruă mă kiăng ngă mơak hơmâo mông bưp nao rai plah wah ƀing kơhnăk pơčeh tơlơi pơtưh hăng mơnuih hor kơ tơlơi pơtưh.

VOV4.Jarai - Ƀu kơnong hmư̆ hing hiam hăng anih anom glai klô đôč ôh mơ̆, rim thun truh bơyan tê̆t, tơring čar Lai Châu jing anih čuă ngui mơak biă kiăng ƀing tuai nao sem lăng tơlơi ngui ngor ngă yang phara pơ anai. Rim tơlơi ngă yang ngui ngor jing hrơi kiăng neh met wa djuai ƀiă ngui mơak, čơkă bơyan bơnga, laih anun rơkâo kơ thun phrâo hiam drơi jăn pran jua, truh rơnuk truh rơnua. Mơ̆ng tơlơi ngă yang hơduah ia hơjan mơ̆ng djuai ania Thái, tơlơi ngui Gầu Tào mơ̆ng djuai ania Mông truh kơ tơlơi ayun suang bă kơ ia iŏm hiam, abih bang pơjing rai anih gru grua hiam phara, pơhuč ƀing tuai nao čuă lăng.

VOV4.Jarai-Jơlan hơdră hrơi boh pia tal 23 ƀơi Dak Lak hơmâo pơphun mơguah (9/2) hăng lu bruă mă dik dak mơ-ak.

VOV4.Jarai-Amăng hơdôm hrơi akŏ thun phrâo Ất Tỵ anai, lu anih tuai hyu ngui sem gru grua, ĕp lăng amăng plơi pla ƀơi Dak Lak jing anih pơhưč lu tuai rơnguai hor nao ngui pơdơi pơdă, ƀong huă, kiăng găn rơgao tơlơi mơak hrŏm amăng gru grua đưm djop djuai ania amăng kual Dap Kơdư. Anih lu tuai nao lăng kah hăng ƀơi Ƀuôn Đôn, ƀuôn Akŏ Dhông, plơi prong Ƀuôn Ma Thuôt, anih tuai nao ngui ĕp lăng sang gru đưm gơnam gru grua hiam Kŏ Tam ƀudah pơ Ƀuôn Trĭng, ƀu kơnong pơdah glăi gru grua tơlơi hơdip mơda hiam phara đôč ôh, dŏ pơphun lu tơlơi ngui ngor pioh kơ ƀing tuai sem ƀuh glăi gru ama grua amĭ djop djuai ania ƀiă.

VOV4.Jarai - Hăng djuai ania ƀiă ƀơi Dap Kơdư lăi hrŏm hăng djuai ania Bahnar lăi hơjăn, eng ao mơñam ƀu kơnong jing gơnam pơka mă hăng tơngan đôč ôh, anai ăt jing bơngăt bơngoai djuai ania dong. Mut amăng tơlơi hơdip rơnuk anai, lu adơi amai djuai ania Bahnar ƀu pơdơi bruă hrăm tui kiăng djă pioh gru hiam mơ̆ng eng ao đưm. Amăng anun ta khŏm lăi nao pô đah kơmơi thun hlăk ai Kerry (tơkeng thun 1995) ƀơi mrô sang 191 Phan Chu Trinh, phường Thắng Lợi, plơi prong Kon Tum, tơring čar Kon Tum gir djă pioh hăng pơđĭ kyar eng ao mơñam - mơ̆ng hơdôm blah bơnal mơñam mă truh kơ pơkra tui rơnuk phrâo, ba glăi anŏ yôm gah gru grua, hơmâo prăk hloh.

VOV4.Jarai - Rim bơyan bơnga truh, čư̆ siăng glai rưng Hà Nẩu bang bơngač tơlơi hơdip, ăt jing hrơi mông neh met wa djuai ania Mông ƀơi să Nà Hẩu, tơring glông Văn Yên, tơring čar Yên Bái pơphun ngă Yang glai ƀudah juăt iâu “Tê̆t glai Nà hẩu”. Tơlơi ngă yang anai pơphun kiăng hơdor kơ anih akŏ pơjing, pơpŭ kơ yang glai, ƀrô djă pioh gru hiam mơ̆ng đưm hlâo mơ̆ng djuai ania ƀiă pơ anai.

VOV4.Jarai - Mơguah lơ 6/2, (anun lĕ lơ 9 blan sa blan di Ất Tỵ), ƀơi Kual djă pioh gru grua Hoàng thành Thăng Long – Hà Nội, Anom pơgang gru grua đưm Thăng Long – Hà Nội gum hrŏm hăng Khul wai lăng gru grua đưm bôh thâo đưm Thăng Long – Hà Nội pơphun ngă lơphet tuĭ ñan, pok phun bơyan bơnga hơdor kơ ƀing nao hlâo, ƀing rơgơi mơbruă hmâo tuh rơyuh pran jua kơ lŏn ia.

VOV4.Jarai - Mơguah lơ 6/2, tơring čar Dak Lak hmâo pơphun mông bưp akô̆ Bơyan bơnga hăng khul mơnuih thâo hră, thâo adôh suang hăng mơnuih mă tơlơi pơhing phrâo dô̆ mă bruă ƀơi tơring čar; djă pioh hơdôm tơlơi gum hơgôp yôm phăn mơ̆ng ƀing thâo hră amăng bruă pioh kơ pơđĭ kyar tơring čar.

VOV4.Jarai - Tom brơi lơ 5/2, anun lĕ lơ 8 blan 1 blan di, neh wa djuai ania Mường ƀơi să Hòa Thắng, plơi prong Buôn Ma Thuột, tơring čar Dak Lak tum pơƀut ƀơi akô̆ plơi Sơn Lạc, să Hòa Thắng pioh pơphun jơnum tơglưh gŏng drai.

VOV4.Jarai-Sit truh hrơi tơkuh thun phrâo, mơnuih ƀôn sang djuai ania Sedang (Hơdang) ƀơi plơi Kon Hrĭng, să Ea Hđĭng, tơring glông Čư̆ Mgar, tơring čar Dak Lak pơphun tơlơi ngui ngor dơ̆ng yơh mơak huă  asơi hle čơkă thun phrâo. Anai ƀu kơnong mông pioh kơ mơnuih ƀôn sang ngă yang bơngăt jua bơni hơ-ơč kơ khul yang rơbang atâo ơi yă đưm đă hơmâo djru laih amăng sa thun rơgao ngă pưk rơnang, ngă sang mơak, pơdai jor kơtor lu, mơnuih ƀôn sang trơi pơđao yâo mơak đôč  ôh, dŏ jing mông gêh găl gum pơgôp hrŏm hơbit, ba asơi añăm, čeh tơpai gru grua đưm djuai ania pơtum ƀơi lan sang rung tong krah plơi pioh ƀong mơñum ngui ngor atông čing arap ayun suang.