VOV4.Jarai - Amăng tơlơi hơdip rim hrơi, djuai ania Bahnar lêng kơ hơdor tơlơi pơhiăp “Ta khŏm pơpŭ kơ amĭ ama kar hăng yang blan, pơpŭ kơ ơi yă kar hăng yang hrơi”, tơlơi anun brơi ƀuh neh met wa lăng yôm biă bruă lih amĭ pih ama. Anai jing hrơi mông ană bă pơƀuh pran khăp ƀu-eng hăng amĭ ama, pơpŭ kơ amĭ ƀă ama rông, laih dong kiăng yang rơbang lăng ba amĭ ama hiam drơi jăn na nao.

VOV4.Jarai - Dŏ djă pioh lu gru grua hiam mơ̆ng djuai ania Thái, wơ̆t hăng hơmâo anih anom glai klô hiam, plơi Khá, să Sập Vạt, tơring glông Yên Châu (Sơn La) glăk hơmâo tuh pơmin pơđĭ kyar hơbô̆ bruă tuai čuă ngui ngă gru pơlir hăng man pơdong plơi pla phrâo. Anai jing hơdôm anih čuă ngui pơhưč kơ tuai lơ̆m nao ngui pơ Sơn La - Tây Bắc.

VOV4.Jarai-Mơguah tom brơi, lơ 16/1, Gơnong bruă gru grua, Pơrơguăt drơi jăn hăng Tuai čuă ngui tơring čar Dak Lak jơnum pơjao glăi čing, eng ao, gơnam yua, anŏ pơhrôp, gông brô̆ djru kơ khul adoh suang hăng grup adoh suang amăng kual plơi pla djuai ƀiă ƀơi tơring čar.

VOV4.Jarai - Čơtlăm lơ 14/1, tơring glông Tŭ Mrông, tơring čar Kon Tum hmâo sit nik lăi pơthâo plơi tuai čuă ngui plơi pla Tu Thó, să Tê Xăng. Anai lĕ plơi pơdŏng glăi phrâo mơ̆ng djuai ania Hơdang hăng jing plơi tuai čuă ngui plơi pla blung a ƀơi kual pla sâm Ngọc Linh Kon Tum.

VOV4.Jarai - Amăng thun 2024, tơring čar Dak Lăk hơmâo lăi pơthâo lu anih tuai hyu ngui amăng plơi pla ƀơi plơi prong Buôn Ma Thuột hăng lu boh tơring dơ̆ng, pơđĭ tui mrô plơi bơwih brơi tuai čuă ngui hơmâo kơnuk kơna tŭ yap lĕ 5 boh plơi. Ƀơi rim boh plơi pla, gong gai hăng mơnuih ƀôn sang glăk gir pơkra gơnam phara hơjăn djă gru plơi pla ƀơi hơdôm anih čuă ngui amăng tơring čar.

VOV4.Jarai-Amăng hrơi ngă yang pơthi mơng djuai ania Jarai ƀơi kual Dap kơdư, hơmâo sa tơlơi juăt pơƀuh yôm phara, hơmâo ană plơi pla tơguăn hloh anun lĕ mơnuih ngă atâo hlŭ. Mơnuih djuai ania Jarai iâu atâo hlŭ lĕ Bram. Anai lĕ bruă pơhrô̆p yôm phara, mơnuih dŏ hơdip amra pơhrô̆p jing atâo lơm pô anai pik hlŭ đơr hơr drơi jăn pô.

VOV4.Jarai-Anih anom gru grua hmua Blôk Rossi ƀơi plơi prong Ƀuôn Hô lĕ sa amăng hơdôm anih ngă hơkrŭ kiăng djă pioh pơtô lăi kơ bruă hơkrŭ đưm ƀơi tơring čar Dak Lak. Ră anai, gong gai kơnuk kơna plơi prong Ƀuôn Hô hlăk git gai brơi rơmet glăi kiăng djă pơgang pioh gru tơhnal anih ngă hơkrŭ brơi tuai čuă ngui ĕp lăng.

VOV4.Jarai-Nao tơl plơi pla djuai ania Sêdang ƀơi kual Dap kơdư, tơlơi ngă yôm hloh hăng tuai čuă ngui lĕ hơdôm boh sang drông prong glông, pơdong tong krah rĭm boh plơi pla. Ƀu djơ̆ kơnong phara amăng pơdong, sang drông ăt lĕ anih yôm phăn mơng plơi pla djuai ania Sêdang.

VOV4.Jarai-Tlam mơmŏt lơ 26/12, ƀơi plơi prong Gia Nghĩa, Jơnum min mơnuih ƀôn sang tơring čar Dak Nông jơnum tŭ mă hră pơsit pơ anăn đang bơnga gŭ lŏn Rŏng lŏn tơnah UNESCO Dak Nông tal 2.

VOV4.Jarai - Kual pơdă sĭ tơpai vang, trà, kơphê hăng gơnam pơkra phara mơ̆ng Đà Lạt – Lâm Đồng sĭ kơ mơnuih ƀôn sang hăng tuai čuă ngui hmâo mă yua laih lơ 26/12, ƀơi jơlan Hồ Tùng Mậu, phường 3, plơi prong Đà Lạt, tơring čar Lâm Đồng.