VOV.Jarai - Pơtao Apui jing sa čô pơtao tui tơlơi akhan mơ̆ng djuai ania Jarai ƀơi tơring čar Gia Lai, hơmâo 14 rơnuk. Thun 1993, Ngă yang hơduah ia hơjan Pơtao Apui mơ̆ng djuai ania Jarai hơmâo tŭ yap jing Gru grua bơngăt bơnguai mơ̆ng dêh čar; Plei Ơi (jing anih djŏp rơnuk Pơtao Apui dŏ, ră anai lĕ să Čư̆ A Thai, tơring čar Gia Lai) jing Anih gru grua đưm gưl dêh čar. Ngă yang hơduah ia hơjan mơ̆ng Pơtao Apui jing tơlơi ngă yang phara mơ̆ng djuai ania Jarai ƀơi Gia Lai, pơhưč lu tuai nao lăng.

VOV.Jarai-Hơdôm thun laih rơgao, lu plơi pla amăng tơring čar Gia Lai hơmâo pok pơhai ngă tui tŭ yua bruă djă pioh gru grua hiam mơ̆ng mơnuih ƀôn sang djuai ƀiă kiăng čơkă tuai hyu dŏ glăi amăng plơi pla. Mơ̆ng anun, kiăng djru djă pioh gru ama grua amĭ mơ̆ng đưm rah, laih anun pơđĭ tui tơlơi hơdip mơda kơ mơnuih ƀôn sang rah. Ƀuh rơđah bruă ngă hơmâo boh tơhnal tŭ yua hrup či plơi Mơhra Đap, să Tơtung, hlăk jing anih bơngač pơhưč khul tuai rơnguai hyu ngui dŏ glăi amăng plơi pla phara biă mă. Pơ anai, gru grua hiam đưm mơ̆ng djuai ania Bahnar dưi djă pioh laih anun pơlar tui kah hăng phiăn hơmâo, pơjing atur kơ tơlơi pơhưč ƀing tuai nao ĕp lăng.

VOV.Jarai- Hăng rơnoh tuh pơ alin mơng kơnuk kơna, plơi gru grua Klong Trao 1, să Di Linh, tơring čar Lâm Đồng, jing anih pơƀuh brơi gru grua phara, anih gru grua djuai ania K’ho glăk djă pioh, tŏ tui, jing anih bơwih bơwang djru brơi neh met wa djuai ania ƀiă pơđĭ kyar bơwih brơi tuai čuă ngui amăng plơi pla, hrưn đĭ tơlơi hơdip mơda. Anai lĕ anih ngui ngor mơ-ak brơi kơ tuai čuă ngui, ăt lĕ anih hơduah ĕp, kơsem min sit nik kơ gru grua djuai ania hơmâo lu anih pơtô pơjuăt ruah.

VOV.Jarai-Lu tơlơi pơgôp kiăng Gia Lai pơjing jơlan hơdră lăi pơthâo sui pơ anăp, pơsit tong anăn apăn bơwih brơi tuai čuă ngui phara hăng hơdôm tơlơi dưi mơng čing hơgor, tơlơi akhan hri, sang drông.

VOV.Jarai-Kual Dap kơdư hing ang pơ-iă hang, anih hơmâo čing hơgor kual Dap kơdư hơmâo UNESCO tŭ yap lĕ gru grua gah bơngăt kơ ană mơnuih. Amăng tơlơi hơdip phrâo, mơnuih ƀôn sang kual Dap kơdư glăk gum tơngan hrŏm djă pioh, tŏ tui hơdôm rơnoh yôm mơng gru grua phara anai kiăng pơđĭ kyar bơwih brơi tuai čuă ngui, hơmâo tơlơi bơwih ƀong phrâo. Ƀu djơ̆ kơnong ƀing mơnuih tha rơma djă pioh gru grua đôč ôh mơ̆ ăt hơmâo lu hlăk ai djuai ania ƀiă hăng pran hur har, thâo pơčeh phrâo hăng mă yua boh thâo ia rơgơi, glăk pơhưč lu tuai nao pơ kual Dap kơdư hăng gru grua yôm phar mơng djuai ania pô.

VOV4.Jarai-Mơng tơngan hăng pran kơ ƀing mơnuih kơhnâo kơhnăk anun, jua čing hơgor kual Dap kơdư dưi hơkrŭ glăi, djă pioh hăng ngă lar hyu. Anai ăt lĕ gơnam bơwih brơi tuai čuă ngui yôm phara ƀơi kual Dap kơdư.

VOV.Jarai - Hrơi ngui ngor Katê thun 2025 mơ̆ng neh wa djuai ania Chăm ƀơi tơring čar Khánh Hòa hăng Lâm Đồng amra pơphun mơ̆ng lơ 20 truh 23/10, pơ pra yang Chăm. Hơdôm hrơi rơgao, hrơi pơtŏp suang đik đak, hơmâo pran dañ ƀơi hơdôm boh plơi pla djuai ania Chăm. Hơdôm bruă pơkra gơnam gru đưm ăt prăp rơmet mơn či pơkra gơnam phrâo tui tơlơi rơkâo blơi mơ̆ng ƀing tuai. Abih bang ngă brơi hrơi ngui Katê thun anai kar hăng truh tañ hloh, mơ-ak hloh.

VOV.Jarai-Plah wah amăng yak rơbat tơlơi hơdip phrâo rơnuk anai, bruă djă pih kông ngăn đưm yom pơphăn anai ăt dŏ djă pioh hăng pran jua mơ̆ng ƀing mơnuih kơhnăk gru đưm, amăng plơi pla hăng gong gai kơnuk kơna, hơdôm ƀing nai pơtô ba, rŭ glăi hăng pôr pơthâo atông čing, kiăng rơnoh yom gru grua hiam jua čing hơgor ăt bang bơngač, tơ-ua hyu, jing phun pơtrut pran jua ai hơtai laih anun pran kơtang pơđĭ kyar bruă tuai čuă ngui, pơđĭ tui tơlơi hơdip mơda mơnuih ƀôn sang.

VOV.Jarai-Amăng gru grua djop djuai ania kual Dap kơdư, rĭm djuai aia lêng kơ hơmâo tơlơi phiăn pơdô̆ rơkơi bơnai phara, pơdah anŏ yôm phara. Hăng djuai ania Sêdang, bruă pơdô̆ rơkơi bơnai ƀu kiăng pŭ pơpŭ, pơjao nao rai prăk kak, mơ̆ lăng yôm kơ pran khăp hăng hơdip thâo hluh nao rai.

VOV.Jarai - Čơkă 71 thun Hrơi pơklaih rơngai plơi prong jưh jom (lơ 10/10) hăng 95 thun Hrơi akŏ pơdong Khul đah kơmơi Việt Nam (20/10), ƀơi Sang gru grua Đah kơmơi Việt Nam glăk pơphun Pơdă prưng rup “Gru hiam amăng tơlơi hơdip djŏp djuai ania Việt Nam” pơƀuh anŏ hiam mơ̆ng 36/54 phung djuai ania ƀơi Việt Nam. Hơdôm pok rup yua Grup đah kơmơi phin rup Hải Âu pô pơdă.