VOV.Jarai-Khut khut dŏ mơñam mrai, tơngan djă prư̆ rơnguăt ơ oet, yă Xong dŏ pơ plơi Kon Wang, să Tân Tiến, tơring čar Dak Lak rim hrơi mơñam eng ao gru hiam biă mă. Amăng tơlơi hơdip rơnuk anai, eng ao yua ñu mơñam glăk hơmâo ƀing ană tơčô ñu ba pơƀuh anŏ yôm, bơngăt bơnguai mơ̆ng djuai ania hmư̆ hing ataih hloh.

VOV.Jarai - Ƀơi sang jơnum Dak Nông (phường Đông Gia Nghĩa, tơring čar Lâm Đồng), Jơnum min mơnuih ƀôn sang tơring car Lâm Đồng pơphun ngă lơphet pơƀuh Tơlơi pơsit mơ̆ng Khua dêh čar tŭ yap Gơnam yôm dêh čar Čing boh pơtâo Đăk Sơn.

VOV.Jarai - Mơnuih djuai ania M’nông, ăt kah hăng lu phung djuai ania ƀiă pơ kual Dap Kơdư, hơmâo lu čing pioh atông amăng hrơi ngă yang, hrơi ngui ngor amăng plơi pla. Amăng anun, Gong Prăk hơmâo lăng jing gơnam yôm, hin biă, ƀu kơnong yua hơmâo pơkra mơ̆ng gơnam yôm phara, yŭ mơñi mơ-ak phara đôč ôh ăt hơmâo anŏ yôm gah yang rơbang, mơnuih tơpuôl pơlir hăng tơlơi hơdip mơ̆ng plơi pla, pơƀuh tơlơi kơdrưh mơ̆ng rim boh sang anŏ.

VOV.Jarai - Ƀu kơnong hor pơtô atông đing t’rưng, atông čing hăng adoh tơlơi Sêdang kơ rơnuk hlăk ai ƀơi plơi pla, ayong A Huyền ƀơi Đăk Tô (Quảng Ngãi) hăng ayong A Bliêt ƀơi să Tân Tiến (Dak Lăk) ăt ba tơlơi adoh đưm kual Dap Kơdư mut amăng plang facebook, Zalo…Hăng ƀing gơñu, ƀơi ani adoh, pĕ atông goong brô̆ phrâo, kiăng pơƀuh jua goong brô̆ tơlơi adoh kual čư̆ siăng, bang hyu tơlơi khăp gru grua boh thâo djuai ania, hăng ngă rơđah bơngač tơlơi pơ-ư pơ-ang gru grua hiam amăng plơi pla, biă ñu lĕ ƀing hlăk ai.

VOV.Jarai - Dong mơ̆ng đưm đă ră hlâo, tơlơi hơdip mơda djuai ania Êđê lăi ha jăn, djop djuai ania ƀiă ƀơi Dap Kơdư lăi hrŏm, hmâo pơkĕ hrŏm laih hăng čư̆ siăng glai klô. Hơdôm gơnam tam mă yua rim hrơi mơ̆ng gơñu ăt yua anun mơ̆ dưi mă yua abih bang mơ̆ng glai klô. Amăng anun, bôh get kă kah hăng sa gơnam yôm phăn mơ̆ glai klô brơi kơ ană mơnuih.

VOV.Jarai - Amăng tơlơi hơdip mơda rơnuk anai, tơlơi kiăng juăt tơlơi pơhing hăng bôh pơhiăp djuai ania pô jai hrơi jai jing yôm phăn biă hăng neh wa djuai ania ƀiă kual Dap Kơdư. Hăng radio juăt laih ƀudah telephone hơdeč hmar, jơlan hơdră pơtui jua pơhiăp hăng tơlơi djuai ania ƀiă Dap Kơdư jing juăt laih hăng plơi pla, bang hyu gru hiam hăng djă pioh bôh pơhiăp djuai ania ƀiă glăk ƀơƀrư̆ či rơngiă tui.

VOV.Jarai-Mơng hơdôm boh pơtâo lăng ƀu dưi yua ngă hơget ôh, mơnuih ƀôn sang tơring glông Tuy An, tơring čar Phú Yên hlâo adih, (ră anai lĕ să Tuy An Đông, tơring čar Dak Lak) hơmâo pơkra jing hơdôm gông brô̆ yôm phara mă anăn lĕ gông pơtâo. Gông brô̆ phrâo ƀơi Tuy An ƀu djơ̆ kơnong tŏ tui er gông pơtâo đưm hlâo đôč ôh mơ̆ ăt jing tơlơi yôm pơhưč tuai čuă ngui lơm nao pel ĕp gru grua yôm phara ƀơi Việt Nam.

VOV.Jarai - Chum Show ba glăi sa mơta gơnam gru grua phrâo, ngă tui gru hiam, tơlơi phara mơ̆ng ană mơnuih hăng kual lon Khánh Hòa. Pơ anun, ñu hơmâo gru grua dlăm, gru hiam mơ̆ng djuai ania Chăm; hơmâo tơlơi rơ-un, tong ten amăng gru grua djuai ania Yuan; hrŏm hăng tơlơi pơmin mơ-ak, djhôl amăng pran jua; tơlơi kjăp pran, ƀu huĭ kơ glêh tơnap mơ̆ng djuai ania kual Dap Kơdư.

VOV.Jarai - Mơguah lơ 4/9, ƀơi Hà Nội, Gong phun pơtui jua pơhiăp Việt Nam (VOV) ba pơƀuh hơdrôm hră “Gong phun jua pơhiăp Việt Nam - 80 thun nao hrŏm hăng lŏn ia”, ƀrô ngă lơphet 80 thun akŏ pơdong (7/9/1945-7/9/2025).

VOV.Jarai - Hrŏm hăng mơnuih hmư̆ brô̆ đơ đam dêh čar, neh wa djop djuai ania ƀiă ƀơi Dap Kơdư hơk mơ-ak anăp nao ngă Lơphet hơdor glăi 80 thun hrơi pơjing Gong phun jua pơhiăp dêh čar Việt Nam (7/9/1945 – 7/9/2025).