VOV4.Jarai - Ƀơi tơring čar Gia Lai glăk pơphun Jơnum ngui bơkơjăp drơi jăn djop djuai ania ƀiă đơ đam dêh čar tal 13, kual II thun 2023, ngă pơhư̆č giăm truh 500 čô mơnuih pơplông rai mơ̆ng 13 bôh tơring čar gah Dơnung dêh čar pơplông 7 mơta tơlơi bơkơjăp drơi jăn ră anai hăng tui tơlơi bơkơjăp drơi jăn đưm.

VOV4.Jarai - Mơguah lơ 19/6, ƀơi sang hră hrăm bruă Cao đẳng Gia Lai, Ping gah tơring čar Gia Lai ngă hrŏm hăng hơdôm anom apăn bruă pơphun hrơi Jơnum “Hlăk ai Gia Lai hăng tơlơi thâo nao rai ƀơi jơlan glông” thun 2023.

VOV4.Jarai-Mơguah lơ 20/6, Gơnong bruă Gru grua-Pơrơguăt drơi jăn hăng Tuai čuă ngui Dak Lak jơnum pok pơhai anih pơtô hrăm akŏ pơjing hăng pơđĭ kyar gơnam sĭ mơdrô pioh čơkă tuai hyu ngui amăng tơring čar.

VOV4.Jarai - Mơnuih djuai ania Sêdang ƀơi Kon Tum dŏ djă lu tơlơi phiăn ngă yang rơbang đưm hlâo, nao hrŏm hăng bruă ngă hmua. Mơng anun, pơdah pơƀuh tơlơi hơdip mơng neh met wa phara, djă gru grua hiam biă. Ƀơi să Văn Lem, tơring glông Đăk Tô, anih hơmâo giăm 95% mrô mơnuih lĕ djuai ania Sêdang, hơdôm tơlơi ngă yang ăt hơmâo ană plơi djă pioh mơn.

VOV4.Jarai - Tơdơi kơ 12 hrơi pơplông dik dak hăng tơnap, Pri Futsal čơđai gưl dlông kual Dăp Kơdư thun 2023 sit nik pơđut amăng čơtlăm tom brơi (11/6).

VOV4.Jarai-Mah UNESCO tŭ yap jing kông ngăn gru grua ia rơgơi tơlơi kơhnâo ană mơnuih, samơ̆ ƀơi anăp rơnuk pơđĭ kyar bơwih ƀong huă sĭ mơdrô, anih anom djă pioh kơ bruă atông čing sar ƀơi kual Dap Kơdư jai hrơi či rơngiă hĭ yơh.

VOV4.Jarai-Mơguah lơ 8/6, ƀơi tơring čar Lâm Đồng pơphun jơnum bơkơtuai jar kmar hơmâo bruă ngă hră pơar rơkâo pơmut anăn ƀôn prong Đà Lạt jing hơdôm ƀôn prong pơčeh phrâo yua mơ̆ng UNESCO pơsit.

VOV4.Jarai - Mơguah lơ 6/6, ƀơi Sang pơplông bơkơjăp drơi jăn tơring čar Gia Lai, Gơnong bruă gru grua bơkơjăp drơi jăn hăng tuai čuă ngui hơmâo pơphun hrơi Olympic čơđai hăng iâu pơthưr abih bang mơnuih pơhrăm luai, pơgang tơlơi truh ƀlung ia ƀơi tơring čar hăng Pri Mơnuih luai rơgơi hloh tơring čar Gia Lai thun 2023.

VOV4.Jarai-Tlam mơmŏt lơ 5/6, Khul pơphun jơnum hơdor glăi hơdôm hrơi lơphet prong dêh čar ƀơi ƀôn prong HCM, pơphun hơdră pơdah tơlơi adoh suang yôm phara hơdor glăi tal 133 thun hrơi tơkeng kơ Khua mir sir Hồ Chí Minh lơ 19/5 hăng hơdor glăi tal 112 thun hrơi Wa Hồ trun nao ĕp jơlan hơkrŭ lŏn ia lơ 5/6.

VOV4.Jarai-Amăng tal nao mă tơlơi akhan hri hăng tơlơi adôh đưm kual Dap kơdư, ƀing mă tơlơi pơhing ƀơi kual Dap kơdư ƀuh lu tơlơi yôm phara. Mah mrô mơnuih thâo akhan hri hăng adôh suang aset tui yơh, samơ̆ ăt dŏ mơn hơdôm tơlơi akhan hri, adôh hing ang dŏ djă pioh mơng rơnuk tơdơi. Siu H’An - Đah kơmơi djuai anai Jrai lĕ mơnuih thâo adôh suang.