VOV4.Jarai-Ƀơi plơi prong Đà Lạt, tơring čar Lâm Đồng hơmâo ba tơbiă “Hră lơkak čuă ngui adôh suang Đà Lạt”. Anai lĕ sa amăng tlâo tơlơi pơčeh phrâo amăng plơi prong kiăng pơtrut lăi pơthâo tơlơi yôm mơng gru grua hăng tơlơi pơčeh, ngă tui hơdôm boh tơhnal hơmâo ƀuă lơm mut hrŏm plang pơlir hơbit hơdôm boh plơi prong pơčeh phrâo mơng UNESCO.

VOV4.Jarai - Jơlan hơdră pơtui jua pơhiăp hăng tơlơi Bơnông sit nik pơtui amăng glông pôr Gong phun jua pơhiăp dêh čar Việt Nam amăng lơ 19/8/2006, truh ră anai ƀrô krep 18 thun. Hơpluh čơpăn thun rơgao, jơlan hơdră pơtui hăng Tơlơi Bơnông ƀu pơdơi pơđĭ dlông kơjăp bôh yôm hăng hơdră pơdah. Hrŏm hăng jơlan hơdră pơtui jua pơhiăp rim hrơi hăng plăng pơhing điện tử VOV4.M’nông lĕ, Fanpage: “Tiếng Mnông VOV Tây Nguyên” jing “jơlan tô hyu” mơ̆ng Jơlan hơdră pơtui jua pơhiăp hăng tơlơi Bơnông, djơ̆ tui tơlơi kiăng hmư̆ jai hrơi jai prong mơ̆ng mơnuih hmư̆ brô̆.

VOV4.Jarai-Amăng 4 hrơi pơdơi ngă lơphet akŏ pơjing kơnuk kơna thun anai, tuai čuă ngui nao pơ Dak Lak đĭ lu, giăm 3 wŏt pơhmut tui tơđar thun 2023.

VOV4.Jarai-Amăng 54 djuai ania ƀơi dêh čar Việt Nam, mơnuih djuai ania Mạ lĕ djuai ania ƀiă hăng mrô mơnuih rơbêh 40 rơbâo čô, dŏ hơdip ƀơi 34 boh tơring čar, ƀôn prong đơ đam dêh čar, samơ̆ hơdip lu hloh ƀơi tơring čar Lâm Đồng, Đồng Nai. Mơng đưm đă truh tŭ tă ră anai, mơnuih djuai ania Mạ hơdip gơnang nao ngă đang hmua, yua anun dŏ djă pioh lu gru grua yôm phara amăng tơlơi ngă yang rơbang mơng djuai ania pô.

VOV4.Jarai - Jơnum ngui bôh thâo čing hơgor tơring čar Dak Lak tal 3, thun 2024 pơ phun mơ̆ng lơ 31/8-1/9, djơ̆ tal pơdơi Lơphet Pơjing lŏn ia lơ 2/9. Mut hrŏm hrơi rơngai mơ̆ng lŏn ia, jơnum ngui jai jing dik dăk hloh hăng lu tơlơi atông čing hơgor hăng hơdôm phiăn ngă yang mơ̆ng djop djuai ania ƀiă Dap Kơdư.

VOV4.Jarai-Gông brô̆ mơng mnuih djuai ania K’ho hơmâo djop mơta hăng juăt mă bruă yua amăng hơdôm hrơi ngui ngor, ngă yang rơbang. Amăng hơdôm gông brô̆ mơng djuai ania K’ho ƀu kơƀah ôh ring čing năm boh, đing get ia, đing kram, hơgor…Hơdôm boh gông brô̆ anai dưi pĕ mut hrŏm hăng hơdôm tơlơi adôh ƀudah pĕ hajăn.

VOV4.Jarai - Nghệ nhân Mlop – Khua Anom mă bruă hrŏm gah đang hmua hăng rơngaih mơñam băn ao Glar, tơring glông Đak Đoa, tơring čar Gia Lai lĕ pô hor kơ bruă rơngai mơñam băn ao mơ̆ng muai. Hăng tơngan ƀat bruă, ñu rơngaih mơñam hmâo lu djuai băn ao, gơnam tam kah hăng: Băn, băn eng, ao rơkơi hăng bơnai, kơdung băk... hmâo bơnga hiam dưi hmâo lu mơnuih amăng tơring čar pô hăng tơring čar pơkon hor blơi yua. Hor, abih pran jua hăng băn ao mơñam, anun Nghệ nhân Mlop hmâo pơtô glăi bruă rơngaih mơñam kơ hơdôm rơtuh čô đah kơmơi djuai ania Bahnar.

VOV4.Jarai - Lơ 22/8, Ping gah tơring čar Lâm Đồng pơphun jơnum klah čun 10 thun ngă tui Tơlơi pơtrun pơsit 33 mơ̆ng Grŭp mă bruă Ping gah dêh čar kơ pơdŏng hăng pơđĭ kyar bôh thâo đưm, ană mơnuih Việt Nam djơ̆ tui tơlơi pơđĭ kyar kơjăp phik lŏn ia.

VOV4.Jarai - Amăng 2 hrơi (19-20/8), Jơnum min mơnuih ƀôn sang plơi prong Buôn Ma Thuột, tơring čar Dak Lak pơphun Jơnum ngui adôh suang mơnuih ƀôn sang tal 4, thun 2024, hăng anăn ñu Tơlơi adôh lŏn ia.

VOV4.Jarai-Amăng bơyan pơdơi prong, hrŏm hăng ngui ngor mơak pơdơi pơdă, ƀing čơđai muai, tơdăm ngek dra muai djop djuai ƀiă tơring čar Dak Lak, ngă hrŏm lu tơlơi ngui ngor, jơngum mơak kah hăng hrăm atông čing, suang gru grua đưm, mut hrŏm anih pơtô bruă pơčeh tơlơi ră ruai, tơlơi hơ̆k hơr boh pia, tơlơi pơhiăp ƀudah jơnum pơhrăm tơlơi thâo pơhiăp dêh čar tač rơngiao. Hơdôm bruă ngă găn rơgao anai djru kơ ƀing adơi đeh ană amôn čơđai sang hră hơmâo bơyan pơdơi pơdă ƀu rơngiă đôč soh sel, jing pơphun bruă mă, ngui ngor tŭ yua biă mă hlâo kơ mut thun hrăm phrâo či truh laih.