Mơguah lơ 27/8, Jơnum min pơ ala mơnuih ƀôn sang tơring čar Khánh Hòa tal 7, rơwang thun 2021-2026 pơphun Jơnum kiăo tui akŏ bruă. Ƀơi mông jơnum, Jơnum min pơ ala mơnuih ƀôn sang tơring čar Khánh Hòa pơphun ruah mơnuih ngă khua, ruah Kơ-iăng khua Jơnum min mơnuih ƀôn sang tơring čar Khánh Hòa, rơwang thun 2021-2026. Tuč rơnuč ñu, ơi Lê Huyền, ding kơna Ping gah tơring čar, Ding kơna Grup čih pơkra hră jơnum Ping gah tơring čar, hơmâo ruah đĭ ngă Kơ-iăng khua Jơnum min mơnuih ƀôn sang tơring čar Khánh Hòa. Ƀing khjua tŭ ư hăng Tơlơi pơtrun ruah khua.

Hlâo kơ anun, Khul khua git gai ping gah ruah ơi Lê Huyền, ding kơna Ping gah, Kơ-iăng khua Jơnum min mơnuih ƀôn sang tơring čar Ninh Thuận (hlâo kơ pơmut hrŏm hăng tơring čar Khánh Hòa) mut amăng Khul khua gum bruă git gai ping gah tơring čar Khánh Hòa rơwang thun 2020-2025. Tui anun, Jơnum min mơnuih ƀôn sang tơring čar Khánh Hòa ră anai hơmâo 1 čô khua, hăng 4 čô kơ-iăng khua Jơnum min mơnuih ƀôn sang tơring čar, amăng anun ơi Trần Quốc Nam ngă Khua Jơnum min mơnuih ƀôn sang; kơ-iăng khua hơmâo: Nguyễn Long Biên, Trần Hòa Nam, Trịnh Minh Hoàng hăng Lê Huyền.