VOV4.Jarai-Mơng đưm hlâo, mơnuih djuai ania Bahnar ƀu juăt klơi ia bơmun kiăng hơmâo ia yua rĭm hrơi. Neh met wa ăt ƀu hyu sŏ ia ča čot amăng ia krông čroh hnoh pioh yua tơnă hơbai, mơñum rĭm hrơi, mơ̆ juăt hyu ĕp hơdôm anih ia čăt mơng čư̆ pơtâo kiăng kơ klơi, bư̆ jum dar ngă pin ia brơi ană plơi pla. Rĭm thun amăng hơdôm boh plơi pla djuai ania Bahnar lêng pơphun hrơi ngă yang pin ia (Ming yang klang đak) - Sa tơlơi ngă yang ƀu djơ̆ kơnong pơdah pran pơpŭ yang rơbang đôč ôh mơ̆ ăt kiăng ngă lar hyu tơlơi jak iâu wai pơgang rơhuông adai glai čư̆, wai pơgang atur ia, kah hăng wai pơgang tơlơi suaih pral kơ mơnuih mơnam.

VOV4.Jarai – Djuai ania Mạ lĕ sa amăng hơdôm djuai ania ƀơi tơring čar Lâm Đồng. Ăt kah hăng djop djuai ania ƀơi Dap Kơdư, djuai ania Mạ hmâo hơdôm gru bôh thâo đưm phara biă. Rơngiao kơ hơdôm bruă mă hăng tơkai tơngan mơ̆ng đưm, djuai ania Mạ dô̆ hmâo bruă rơngaih mơñam băn ao hăng gru bơnga mơñam hiam. Ƀing thâo bruă mơñăm băn ao jing pô ngă pơhưč pran jua bruă rơngaih mơñam kơ rơnuk tơdơi anai, ngă rŭ đĭ klă hơdôm mơta gơnam rơngaih mơñam mơ̆ng djuai ania pô, amăng anun hmâo K 'Gon, 41 thun, ƀơi să Lộc Tân, tơring glông Bảo Lâm, tơring čar Lâm Đồng.

VOV4.Jarai-Mơnuih djuai ƀiă ƀơi kual Dap Kơdư hơmâo lu mơta gông brô̆ hăng tơlơi adoh mơak hơ̆k hơr. Tơlơi hơdip mơda mơ̆ng ană plơi pla đưm adih jĕ giăm hăng glai kmrong arong pơtâo, yua anun gông brô̆, đing tơdiăp mơ̆ng djuai ania ƀiă kual Dap Kơdư lăi hrŏm, djuai ania Sedang hnun mơ̆n lêng kơ pơkra ming mơ̆ng kyâo ale, de djrao hơmâo amăng glai klô soh.

VOV4.Jarai-Mơmŏt lơ 20/5, ƀơi Sang gru grua Binh đoàn 15, plơi prong Pleiku, tơring čar Gia Lai, Anom bruă kơđi čar Ling tơhan dêh čar Việt Nam pơphun ngui adôh suang mơnuih ƀôn sang, ling tơhan hăng hlăk ai, čơđai sang hră tal X, kual II thun 2024.

VOV4.Jarai - Lơm nao pel ĕp kual lŏn čư̆ apui kơdir rŏng lŏn tơnah UNESCO Dak Nông, nao pơ să Nâm Nung, Krông Nô, tuai čuă ngui amra nao pel ĕp kual blah wang đưm B4-Pơlir tơring čar mrô IV, pel ĕp gru grua yôm phara mơng djuai ania M’nông hluai tui hơdôm bruă ngă tui gru grua hơđăp anun lĕ: Mơñam mrai, mơñam rêu rô, tơnă hơbai, atông čing hơgor. Sit biă ñu, ƀơi anai, tuai čuă ngui ăt dưi ƀong huă hơdôm añăm jơman mơng djuai ania M’nông.

VOV4.Jarai - Ƀrô ngă lơphet hơdor 134 thun hrơi tơkeng Wa Hồ khăp ƀu-eng, lơ 17/5 neh met wa djuai ania Jeh-Triêng plơi Đăk Răng, să guai dêh čar Đăk Dục, tơring glông Ngọc Hồi, tơring čar Kon Tum hok mơ-ak čơkă tuai nao ngui.

VOV4.Jarai – Hơdor glăi 134 thun hrơi tơkeng Khua mir sir Hồ Chí Minh, mơguah lơ 16/5, Gơnong bruă bôh thâo bơkơjăp drơi jăn hăng tuai čuă ngui tơring čar Dak Lak pơphun pok phun pơdă prưng hră pơ-ar, rup rap, gơnam djă pioh hmâo anăn “Hồ Chí Minh hiam hloh anăn Ñu”.

VOV4.Jarai - Rơngiao kơ hơdôm gơnam ƀong juăt hmư̆ hing kah hăng trong phĭ, hla plum, asơi brŏm đing, mơnŭ ŏm...amăng gơnam ƀong huă mơ̆ng djuai ania Êđê ta khŏm lăi nao añăm ƀong jơman mơ̆ng hơdom sao. Ƀong ñu mơsăm mơsăm, hơbai hrŏm hăng hla amăng glai, hla ƀâo hiam phara, djuai ania Êđê hơmâo añăm ƀong phara hơjăn hăng hơdom sao.

VOV4.Jarai – Amăng rơwang ngă lơphet hơdor glăi 70 thun hrơi Tlaih rơngai Điện Biên Phủ (lơ 7/5/1954 – 7/5/2024), mơmot tom brơi (6/5), ƀơi Tơdrŏn lak 7/5, plơi prong Điện Biên Phủ, tơring čar Điện Biên hmâo pơphun jơlan hơdră adôh suang phara djă anăn “Điện Biên Phủ - Gru pơđôm yôm gru grua đưm”.

VOV4.Jarai - Hăng mơnuih djuai ania Bahnar ƀơi tơring čar Gia Lai, ngă yang hlung asăt yôm phăn biă mă, yua anai lĕ tơlơi ngă yang blung a brơi sang čô mơnuih djuai ania Bahnar. Tơlơi ngă yang anai ƀu djơ̆ kơnong kiăng pơpŭ bơni, pơdah tơlơi čang rơmang yang rơbang pơgang brơi ƀing čơđai tañ prong, suaih pral đôč ôh mơ̆ anai ăt lĕ tơlơi ngă yang pơsit tong čơđai jing sa čô mơnuih sit nik amăng sang anŏ, kơnung djuai hăng ană plơi pla.