VOV4.Jarai-Sit truh hrơi tơkuh thun phrâo, mơnuih ƀôn sang djuai ania Sedang (Hơdang) ƀơi plơi Kon Hrĭng, să Ea Hđĭng, tơring glông Čư̆ Mgar, tơring čar Dak Lak pơphun tơlơi ngui ngor dơ̆ng yơh mơak huă  asơi hle čơkă thun phrâo. Anai ƀu kơnong mông pioh kơ mơnuih ƀôn sang ngă yang bơngăt jua bơni hơ-ơč kơ khul yang rơbang atâo ơi yă đưm đă hơmâo djru laih amăng sa thun rơgao ngă pưk rơnang, ngă sang mơak, pơdai jor kơtor lu, mơnuih ƀôn sang trơi pơđao yâo mơak đôč  ôh, dŏ jing mông gêh găl gum pơgôp hrŏm hơbit, ba asơi añăm, čeh tơpai gru grua đưm djuai ania pơtum ƀơi lan sang rung tong krah plơi pioh ƀong mơñum ngui ngor atông čing arap ayun suang. 

VOV4.Jarai-Hơdôm hrơi rơnuč thun 2024 rơgao, djop plơi pla ƀơi kual čŭ siăng A Lưới, tơring čar Thừa Thiên Huế, neh met wa djuai ania Pa Cô, Tà Ôi dik dak pơphun ngă yang Aza. Hrơi ngui ngă yang Aza lĕ tết tui phiăn juăt tui gru grua, tơlơi yôm phăn biă mă amăng tơlơi hơdip mơda mơng mơnuih djuai ania ƀiă kual čư̆ siăng A Lưới.

VOV4.Jarai - Hăng pran jua čơkă thun ala hrŏm hăng pơčeh phrâo phara ha jăn, ƀing thâo kač rup G39 ba truh laih 80 mơta rup hăng anăn ñu “Tết Tỵ thun 2025” ƀơi Sang pơdă prưng gơnam rup kač Việt Nam. Čang rơmang pơplih tơhnal lăng mơ̆ng mơnuih ƀôn sang kơ rup ala, ƀing kač rup hmâo pơplih mă yua lu gơnam pioh pơhrôp phara pioh pơdah rup ala tâ̆o klă, lăng juăt, lăi pơthâo tơlơi tơphă amăng thun dơi.

VOV4.Jarai - Rơnuč thun 2024, Đang bơnga lŏn boh pơtâo Dak Nông hơmâo UNESCO tŭ yap glăi jing Đang bơnga lŏn boh pơtâo rŏng lŏn tơnah tal 2. Hăng bruă pơsit glăi anăn pơpŭ yôm anai jing yôm biă mă, ƀu kơnong djru Dak Nông hơkrŭ đĭ hơdră đĭ kyar hơđong đôč ôh mơ̆ ăt djru dưi ngă hơdôm rơnoh pơkă đĭ kyar hơđong mơ̆ng Jơlan hơdră Jơnum 2030 yua Sang gum hơbit djŏp dêh čar ba tơbiă.

VOV4.Jarai-Dŏ amăng krah kual ruăi čư̆ siăng tơring glông Kƀang, tơring čar Gia Lai, plơi Mơhra Đap (Mơhra Dap), să Kông Lơng Khơng hlăk pơblih đĭ tui, jing anih pơhưč ƀing tuai nao ngui amăng plơi pla hiam phara biă mă. Hrŏm hăng bruă pơphun tơlơi ngui ngor ngă yang rơbang tui phiăn juăt, pơtrut pơsur djă pioh gru grua hiam, plơi Mơhra Dap jing anih pơhưč ƀing tuai nao ngui hmư̆ hing laih anun ngă mơak kơ ƀing tuai dŏ glăi amăng plơi pla.

VOV4.Jarai - “Hlăk ai gum djă pioh, pơtrut tui gru grua hiam djuai ania Việt Nam rơwang thun 2024-2029” jing sa amăng 2 kơčăo bruă mơ̆ng Khul pơlir hơbit hlăk ai Việt Nam ba tơbiă amăng rơwang bruă tal 9.

VOV4.Jarai - Ơi Ksor Chuel, 76 thun, hlâo adih ñu ngă nai pơtô, ngă tha plơi, hăng jing sa čô mơnuih hơmâo đăo kơnang biă ƀơi Ƀôn Rưng Ma Nhiu, să Ia Rƀol, prơi prong Ayunpa, tơring čar Gia Lai. Amăng hrơi dŏ mă bruă, ñu ngă nai pơtô čơđai gưl sa, pơtô hrăm tơlơi Anglê laih anun ñu ăt hor sem lăng gru grua djuai ania Jarai. Amăng rơnuč thun Giáp Thìn, ñu pioh mông ră ruai hăng pô hyu mă tơlơi pơhing phrâo mơ̆ng GPJPVN , ră ruai kơ gru ama gru amĭ djuai ania Jarai amăng mông ngui ngor čơkă bơyan bơnga.

VOV4.Jarai - Lơ̆m anih sĭ mơdrô gơnam Tê̆t dik dak, ăt jing hrơi anih hmư̆ hing “Mơmŏng rơmô ƀhu ha wơ̆t pơ-iă” Krông Pa, tơring čar Gia Lai ƀâo phyŭ tui hrơi Tê̆t mơn. Mơ̆ng gơnam juăt ƀong mơ̆ng djuai ania Jarai, mơnŏng rơmô anai hmư̆ hing hyu ataih hloh kơ anih “pơ-iă hang” Krông Pa laih, sit nik jing gơnam ƀong gơnam pơpŭ brơi amăng hrơi Tê̆t, hơmâo lu mơnuih amuaih blơi.

VOV4.Jarai - Amăng tal Tết tui phiăn juăt Ất Tỵ, hrŏm hăng lu bruă mă bôh thâo, adôh suang hur har, tơring čar Dak Lak amra pơphun pơanăh mlăi bơnga ƀơi 5 anih anom lĕ plơi prong Buôn Ma Thuột hăng hơdôm bôh tơring glông Ea Hleo, Krông Ƀuk, Krông Ana, Ea Kar.

VOV4.Jarai - Hơdôm rơtuh hră pơhing hăng hơdrôm hră hơmâo pơdă pơ jơnum ngui hră pơhing bơyan bơnga tơring čar Dak Lăk pơphun mơguah tom brơi lơ 21/1, pơdah djơ̆ hăng pran jua Rơnuk Hrưn đĭ mơ̆ng djuai ania.