VOV4.Jarai-Gru grua hiam gông brô̆, đing tơdiăp ayup ngui mơ̆ng djuai ania Jeh Triêng ƀơi Kon Tum hơmâo lu mơta ra anăn, yap biă hơmâo truh mơ̆n 22 mơta đing ayup phara phara. Lơ̆m anun, hơmâo tơl 2/3 mơta gông brô̆, đing tơdiap ayup ngui dưi pơkra mơ̆ng đing djrao, pơ-ô, ale. Taleh lĕ sa amăng hơdôm mơta đing ayup ngui phara biă mă mơ̆ng djuai ania Jeh Triêng, arăng pơkra ming, pơčeh mă mơ̆ng bruă ngă hmua pla pơjing laih anun ñu jĕ giăm hăng tơlơi hơdip mơda rim hrơi mơ̆ng mơnuih ƀôn sang.

VOV4.Jarai – Hơdor glăi 70 thun hrơi Tlaih rơngai Điện Biên Phủ, mơmot lơ 2/5, ƀơi sang adôh suang Hồ Gươm (Hà Nội), Ding jum Kông ang pơphun jơlan hơdră adôh suang phara hăng anăn ñu: “Điện Biên Phủ - Hơdor na nao”.

VOV4.Jarai-Amăng 5 hrơi pơdơi ngă lơphet lơ 30/4 hăng lơ 1/5 thun anai, hơmâo laih 125 rơbâo čô tuai nao čuă ngui pơ tơring čar Dak Lak. Amăng anun mrô tuai mơng tač rơngiao nao čuă ngui đĭ lu.

VOV4.Jarai-Hrơi ngui tơnă hơbai “Lŏn ia rơngai” lĕ anih kơđŏm glăi tơlơi yôm phara amăng hơdôm bruă čơkă hrơi hơdor glăi 49 thun blah dưi kual Dơnung, pơklaih rơngai lŏn ia (30/4) pơphun ƀơi Thảo Cầm Viên Sài Gòn thun anai.

VOV4.Jarai-Amăng tơlơi hơdip tơlơi mơak mơ̆ng mơnuih ƀôn sang djop djuai ania kual Dap Kơdư, tơpai čeh ƀudah čeh tơpai hă yôm biă mă. Bơ čeh lĕ ƀu kơnong jing gơnam kông ngăn ƀudah mŭk grăm đôč ôh, jing gơnam ngă anŏ pioh ngă yăng bơngăt jua, gơnam pơyơr kơ rơkơi bơnai lơ̆m pơdŏ ung mô̆ laih anun jing gơnam pơhmutu kơ mơnuih pơdrong, sang anŏ, kơnung djuai hing ang lơ̆m plơi pla.

VOV4.Jarai - Tơring glông Lạc Dương, tơring čar Lâm Đồng hơmâo giăm 70% mrô mơnuih lĕ djuai ania K’ho. Biă ñu djuai ania K’ho hơdip ƀơi tơkai čư̆ Langbiang ăt djă pioh mơn gru grua hiam mơ̆ng čing hơgor. Mơ̆ng gru hiam phara mơ̆ng djuai ania ƀiă, hơdôm thun giăm anai, gru grua čing hơgor jing sa amăng hơdôm tơlơi ngă pơhưč ƀing tuai nao ngui pơ Lạc Dương.

VOV4.Jarai-Tlam tom brơi (25/4), ƀơi plơi Tu Thó, să Tê Xăng, tơring glông Tu Mơ Rông, tơring čar Kon Tum pơphun tal pơplông tơnă hơbai jar kmar hăng tŭ yap gơnam tơnă hơbai lu hloh ƀơi Việt Nam hăng 120 gơnam ƀong hơbai mơng phun akha kyâo (arăng juăt iâu sâm dây) anai lĕ phun akha kyâo yôm amăng kual glai rưng Tu Mơ Rông.

VOV4.Jarai-Tlam lơ 23/4, Ping gah, gong gai tơring glông Krông Pa, tơring čar Gia Lai, hơmâo pơphun yôm mông čơkă mă hră pơsit anih djă pioh gru grua dêh čar ƀơi kual blah wang đưm Čư̆ Jŭ-Dliê Ya ƀrô tal hơdor glăi 45 thun hrơi akŏ pơjing tơring glông.

VOV4.Jarai-Ƀơi sang pơplông bơrơguăt drơi jăn tơring čar Dak Lak či plơi prong Buôn Ma Thuột, Jơnum min mơnuih ƀôn sang tơring čar Dak Lak phrâo gum hrŏm hăng Ding jum pơtô pơjuăt pơphun “Tal pơplông bơrơguăt drơi jăn đơ đam dêh čar tal X, kual IV thun 2024.

VOV4.Jarai- Hăng mơnuih djuai ania ƀiă ƀơi kual Dap kơdư, tơlơi akhan hri djă pioh glăi djop mơta gru grua, hơmâo sui mơng đưm đă ră hlâo kah hăng hơdôm tơlơi găn rơgao amăng tơlơi hơdip mơda djă pioh glăi. Rĭm tơlơi akhan hri lêng kơ pơdah gru grua, kar hăng jua mơñi hing ang amăng tơlơi hơdip kơ djuai ania ƀơi kual Dap kơdư, pioh glăi hơdôm hơdôm rơbâo thun laih. Yua anun tơlơi akhan hri arăng lăng kar hăng bơngăt, lĕ anih djă pioh djop mơta tơlơi kơ mơnuih dŏ hơdip ƀơi kual Dap kơdư.